Odisha Janamata : ସର୍ଟ ସର୍କିଟ ଯୋଗୁଁ ମର୍ଦ୍ଧ ମେଖ ରେ ଜଳିଗଲା ଦୁଇ ଏକର ଧାନ |

ସର୍ଟ ସର୍କିଟ ଯୋଗୁଁ ମର୍ଦ୍ଧ ମେଖ ରେ ଜଳିଗଲା ଦୁଇ ଏକର ଧାନ |

13-Mar-2026

ମର୍ଦ୍ଦମେଖରେ ସର୍ଟ ସର୍କିଟ ଯୋଗୁଁ ଜଳିଗଲା ୨ ଏକର ଧାନ..

ଓଡିଶା ଜନ ମତ, ବେଗୁନିଆପଡା, ସୂର୍ଯ୍ୟ ନାରାୟଣ ବଡୁ,

ସର୍ଟ ସର୍କିଟରୁ ନିଆଁ ଲାଗି ଜଳିଗଲା ୨ ଏକର ଜମିର ଧାନ। ଚାଷଜମିରେ ଗଦା ହୋଇଥିବା ଧାନ ଗଦାରେ ନିଆଁ ଲାଗି ନଷ୍ଟ ହୋଇଗଲା ଲକ୍ଷାଧିକ ଟଙ୍କାର ଧାନ। ଏଭଳି ଘଟଣା ଘଟିଛି ଗଞ୍ଜାମ ଜିଲ୍ଲା ମର୍ଦ୍ଦମେଖ ପଞ୍ଚାୟତ କାର୍ଯ୍ୟାଳୟ ପଛପଟେ ଥିବା ଏକ ଚାଷଜମିରେ। ଟାଟା ପାୱାରର ବେଫିକର କାର୍ଯ୍ଯ ଯୋଗୁଁ ଏଭଳି ଅଘଟଣ ଘଟିଥିବା ସୂଚନା ମିଳିଛି। ସୂଚନା ଅନୁଯାୟୀ ଚାଷ ଜମି ଦେଇ ଯାଇଥିବା ବିଜୁଳି ତାର ହଠାତ୍ ଛିଡି ପଡିବାରୁ ସର୍ଟ ସର୍କିଟ ହୋଇ ଧାନଗଦାରେ ନିଆଁ ଲାଗିଯାଇଥିଲା। ନିଆଁ ଲାଗି ପୁରା ୨ ଏକର ଜମିର ଧାନ ନଷ୍ଟ ହୋଇ ଯାଇଛି। ଖବର ପାଇ କୋଦଳା ଅଗ୍ନିଶମ ବାହିନୀ କର୍ମଚାରୀ ମାନେ ପହଞ୍ଚି ନିଆଁକୁ ଆୟତ୍ତ କରିଥିଲେ। ତେବେ ସେତେବେଳକୁ ସମସ୍ତ ଧାନ ପୋଡି ନଷ୍ଟ ହୋଇ ଯାଇଛି। ଗୁରୁବାର ମଧ୍ୟାହ୍ନରେ ଏଭଳି ଅଘଟଣ ଘଟିଥିବା ବେଳେ କନ୍ଦିଆ ଗ୍ରାମର ପ୍ରମୋଦ କୁମାର ସ୍ବାଇଁଙ୍କ ୨ ଏକର ଜମିରେ ଚାଷ ହୋଇଥିବା ଧାନ ଗଦା କରି ରଖାଯାଇଥିବା ବେଳେ ସମସ୍ତ ଧାନ ନଷ୍ଟ ହୋଇ ହୋଇ ଯାଇଛି। ଘଟଣା ସ୍ଥଳରେ କୋଦଳା ଥାନା ପୋଲିସ ପହଞ୍ଚି ଘଟଣାର ତଦନ୍ତ କରିଥିବା ବେଳେ ଟାଟା ପାୱାର କର୍ମଚାରୀ ମାନଙ୍କ ବେଫିକର କାର୍ଯ୍ଯ ଯୋଗୁଁ ଏଭଳି ଅଘଟଣ ଘଟିଥିବା ଅଭିଯୋଗ ହୋଇଛି। ସ୍ଥାନୀୟ ରାଜସ୍ବ ନିରୀକ୍ଷକ ପରିଦର୍ଶନ କରିଛନ୍ତି। କ୍ଷତିପୂରଣ ଦେବାକୁ ଦାବି କରିଛନ୍ତି କ୍ଷତିଗ୍ରସ୍ତ ପ୍ରମୋଦ କୁମାର ସ୍ବାଇଁ।