Odisha Janamata : ହ୍ୟୁମାନ ସାଗର ଙ୍କ ମୃତ୍ୟୁ ମାମଲା ରେ ଆଉ ତିନି ଜଣଙ୍କୁ ଜେରା ପାଇଁ ଡ଼ାକିଛି ମର୍କତନଗର ପୋଲିସ |

ହ୍ୟୁମାନ ସାଗର ଙ୍କ ମୃତ୍ୟୁ ମାମଲା ରେ ଆଉ ତିନି ଜଣଙ୍କୁ ଜେରା ପାଇଁ ଡ଼ାକିଛି ମର୍କତନଗର ପୋଲିସ |

04-Mar-2026

ଅର୍ପିତା ଓ ସୋମେଶଙ୍କ ପରେ ଆଉ ୩ ଅଭିଯୁକ୍ତଙ୍କୁହ୍ୟୁମାନ ସାଗର ଙ୍କ ମୃତ୍ୟୁ ମାମଲ ରେ ଜେରା ପାଇଁ ଡାକିଲା ପୁଲିସ,

ଓଡିଶା ଜନ ମତ ବ୍ୟୁରୋ,

ହ୍ୟୁମନ ସାଗର ଙ୍କ ମୃତ୍ୟ ପଛରେ ଯେଉଁ କେତେଜଣ ଙ୍କୁ ସନ୍ଦେହ କରୁଛନ୍ତି ହ୍ୟୁମାନ ଙ୍କ ପରିବାର ଲୋକ ସେଇ ମାନଙ୍କ ମଧ୍ୟରୁ ପୋଲିସ କଣ୍ଠଶିଳ୍ପୀ ହ୍ୟୁମାନ୍ ସାଗରଙ୍କ ମୃତ୍ୟୁ ରହସ୍ୟ ଫିଟାଇବା ପାଇଁ ମର୍କତନଗର ଥାନାରେ ରୁଜୁ ହୋଇଥିବା ମାମଲାର ତଦନ୍ତ କ୍ରମରେ ପୁଲିସ ତିନି ଜଣ ଅଭିଯୁକ୍ତଙ୍କୁ ନୋଟିସ୍ ଦେଇଛି । ମାମଲା ନେଇ ପଚରାଉଚରା କରିବାକୁ ପୁଲିସ ପକ୍ଷରୁ ଏହି ନୋଟିସ୍ ଜାରି ହୋଇଛି । ପୂର୍ବରୁ ଏହି ମାମଲାରେ କଣ୍ଠଶିଳ୍ପୀ ଅର୍ପିତା ଓ ସଂଗୀତ ନିର୍ଦ୍ଦେଶକ ସୋମେଶଙ୍କୁ ପୁଲିସ ପ୍ରାଥମିକ ପଚରାଉଚରା କରିଛି । ତେବେ କେଉଁ ୩ ଅଭିଯୁକ୍ତଙ୍କୁ ଏହି ନୋଟିସ୍ ହୋଇଛି ତାହା ପୁଲିସ ସ୍ପଷ୍ଟ କରିନି । ମାତ୍ର ଆର୍ଥିକ କାରବାର ସମ୍ପର୍କିତ ତଦନ୍ତ କ୍ରମରେ ଏହି ନୋଟିସ୍ ଜାରି ହୋଇଥିବା ସୂଚନା ଦିଆଯାଇଛି । ଗତ ନଭେମ୍ବର ମାସ ୧୭ ତାରିଖ ରାତିରେ ହ୍ୟୁମାନ ସାଗରଙ୍କର ଭୁବନେଶ୍ୱର ଏମ୍‌ସ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଥିଲା । ଏହାର ପ୍ରାୟ ୧ ମାସ ପରେ ଅର୍ଥାତ୍ ଡିସେମ୍ବର ୨୧ ତାରିଖରେ ମର୍କତନଗର ଥାନାରେ ତାଙ୍କ ମା’ ଶେଫାଳି ସୁନା ଲିଖିତ ଅଭିଯୋଗ କରିଥିଲେ । ହ୍ୟୁମାନଙ୍କ ମୃତ୍ୟୁ ରହସ୍ୟ ଖୋଲିବାକୁ ସେ ଏତଲାରେ ଅନୁରୋଧ କରିଥିଲେ । ତଦନ୍ତ ବେଳେ ବୋହୂ ଅର୍ଥାତ ହ୍ୟୁମାନଙ୍କ ପତ୍ନୀ ଶ୍ରେୟା ମିଶ୍ର ଓ ତାଙ୍କ ପରିବାର, ଚିକିତ୍ସା କରୁଥିବା ଡାକ୍ତର ଶୁଭେନ୍ଦୁ ମିଶ୍ର, ସହକଣ୍ଠଶିଳ୍ପୀ ଅର୍ପିତା ଚୌଧୁରୀ ଓ ତାଙ୍କ ପରିବାର, ସଂଗୀତ ନିର୍ଦ୍ଦେଶକ ସୋମେଶ ଶତପଥୀ, ମ୍ୟାନେଜର୍ ଦିନେଶ ବେହେରା, ମ୍ୟାନେଜର ଏମ୍ଡି ଆବିଦ (ବବ୍ଲୁ), ମ୍ୟାନେଜର୍ ପ୍ରଶାନ୍ତ ବେହେରା, ସହଯୋଗୀ ଲୁଲୁ ମହାନ୍ତି ଓ ଜଗଦୀଶ ମହାନ୍ତିଙ୍କୁ ତଦନ୍ତ ପରିସରଭୁକ୍ତ କରିବାକୁ ଶେଫାଳି ଏତଲାରେ ଦର୍ଶାଇଥିଲେ ।