Odisha Janamata : ଝୁଲନ୍ତା ଅବସ୍ଥାରେ ଯୁବକ ଙ୍କ ମୃତ ଦେହ ଉଦ୍ଧାର |

ଝୁଲନ୍ତା ଅବସ୍ଥାରେ ଯୁବକ ଙ୍କ ମୃତ ଦେହ ଉଦ୍ଧାର |

01-Mar-2026

ଝୁଲନ୍ତା ଅବସ୍ଥାରେ ଯୁବକ ଙ୍କ ମୃତ ଦେହ ଉଦ୍ଧାର|

ଓଡିଶା ଜନ ମତ ବ୍ୟୁରୋ,

ଗଛ ଡାଳରେ ଜଣେ ଯୁବକ ଙ୍କ ଝୁଲନ୍ତା ଶବ ଦେଖୁ ଦେଖି ଲୋକେ ପୋଲିସ କୁ ଖବର ଦେଇଥିଲେ | ରିଆମାଳ ଅଞ୍ଚଳରୁ ଆସିଛି ଏକ ଚର୍ଚ୍ଚିତ ଓ ସନ୍ଦେହଜନକ ମୃତ୍ୟୁ ଘଟଣା। ଜଣେ ଯୁବକଙ୍କ ରତନପୁର ଗାଁ ନିକଟ ଜଙ୍ଗଲରେ ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର ହୋଇଥିବା ବେଳେ, ଏହା ଆତ୍ମହତ୍ୟା କି ହତ୍ୟା — ତାହାକୁ ନେଇ ଉଠିଛି ଗୁରୁତର ପ୍ରଶ୍ନ।
ରିଆମାଳ ଥାନା ଅଧୀନ ରତନପୁର ଗାଁ ନିକଟ ଜଙ୍ଗଲ ଭିତର ଏକ ଗଛରେ ଝୁଲନ୍ତା ଅବସ୍ଥାରେ ଯୁବକଙ୍କ ମୃତଦେହ ଦେଖି ଶୁକ୍ରବାର ଅପରାହ୍ନରେ ଚଞ୍ଚଳତା ସୃଷ୍ଟି ହୋଇଥିଲା। ଘଟଣାସ୍ଥଳରେ ଲୋକମାନଙ୍କ ଭିଡ଼ ଲାଗିଥିବା ବେଳେ ସ୍ଥାନୀୟ ଲୋକେ ପୋଲିସକୁ ସୂଚନାଦେଇ
ଥିଲେ ।ପରିବାର ଲୋକେ ଆଣିଲେ ହତ୍ୟା ଅଭିଯୋଗ |
ରିଆମାଳ ପୋଲିସ ପହଞ୍ଚି ମୃତଦେହକୁ ଉଦ୍ଧାର କରିବା ସହ ଡାକ୍ତରୀ ମାଇନା ତଦନ୍ତ ପାଇଁ ପଠାଇଥିଲେ । ପ୍ରାଥମିକ ତଦନ୍ତ ଆଧାରରେ ପୋଲିସ ଏହାକୁ ଆତ୍ମହତ୍ୟା ଭାବେ ଦେଖୁଥିବା ସୂଚନା ମିଳିଛି।କିନ୍ତୁ ଘଟଣାକୁ ନେଇ ମୃତକଙ୍କ ପରିବାର ଓ ସ୍ଥାନୀୟ ଲୋକମାନେ ଗଭୀର ସନ୍ଦେହ ପ୍ରକାଶ କରିଛନ୍ତି। ସେମାନଙ୍କ କହିବା ଅନୁସାରେ, ମୃତଦେହ ଝୁଲିଥିବା ସମୟରେ ଯୁବକଙ୍କ ଗୋଡ଼ ଅଣ୍ଟା ଠାରୁ ତଳକୁ ଲାଗି ରହିଥିଲା, ଯାହାକୁ ନେଇ ପ୍ରଶ୍ନ ଉଠୁଛି।ଏହା ସହିତ, ପୂର୍ବରୁ ଯୁବକ ଜଣେ ଯୁବତୀଙ୍କୁ ଭଲ ପାଉଥିବା କଥା ସାମ୍ନାକୁ ଆସୁଛି। କିଛି ସ୍ଥାନୀୟ ଲୋକଙ୍କ ଅନୁମାନ କହିବା ଅନୁଯାୟୀ, ସେହି ପରିସ୍ଥିତିକୁ କେନ୍ଦ୍ର କରି ଯୋଜନାବଦ୍ଧ ଭାବରେ ହତ୍ୟା କରି ପରେ ଗଛରେ ଝୁଲାଇ ଦିଆଯାଇଥିବା ସନ୍ଦେହ କରାଯାଉଛି।ତେବେ ଏହା ପ୍ରକୃତରେ ଆତ୍ମହତ୍ୟା ନା ଏକ ଯୋଜନାବଦ୍ଧ ହତ୍ୟା ?ପ୍ରକୃତ ସତ୍ୟ କ’ଣ ତାହା ଡାକ୍ତରୀ ମାଇନା ତଦନ୍ତ ପୋଷ୍ଟମର୍ଟମ ରିପୋର୍ଟ ଓ ପୋଲିସର ସମ୍ପୂର୍ଣ୍ଣ ତଦନ୍ତ ପରେ ସ୍ପଷ୍ଟ ହେବ ବୋଲି ସୂଚନା ରହିଛି ।