Odisha Janamata : ବାଲିଗୁଡା ରେ ଜିଲ୍ଳାସ୍ତରୀୟ ସୁଭଦ୍ରା ଶକ୍ତି ମେଳା ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ||

ବାଲିଗୁଡା ରେ ଜିଲ୍ଳାସ୍ତରୀୟ ସୁଭଦ୍ରା ଶକ୍ତି ମେଳା ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ||

07-Feb-2026

ବାଲିଗୁଡ଼ାରେ ଜିଲ୍ଲା ସ୍ତରୀୟ ସୁଭଦ୍ରା ଶକ୍ତି ମେଳା ର ପ୍ରସ୍ତୁତି ବୈଠକ

ଓଡିଶା ଜନମତ,ବାଲିଗୁଡା, ତା ୦୭/୦୨:--

ସଞ୍ଜୟ କୁମାର ପାଣିଗ୍ରାହୀ,,

ମିଶନ ଶକ୍ତି ବିଭାଗ, ଓଡ଼ିଶା ସରକାର ଙ୍କ ଆନୁକୁଲ୍ୟରେ ସ୍ଥାନୀୟ ଟାଉନ ର ଦଣ୍ଡପଦର ସ୍ଥିତ ଯାତ୍ରା ପଡିଆ ଠାରେ ଚଳିତ ମାସ ୮ ତାରିଖ ଠାରୁ ୧୪ ତାରିଖ ପର୍ଯ୍ୟନ୍ତ ଜିଲ୍ଲା ସ୍ତରୀୟ ସୁଭଦ୍ରା ଶକ୍ତି ମେଳା ଆୟୋଜନ ନିମନ୍ତେ ଏକ ପୂର୍ବ ପ୍ରସ୍ତୁତି ବୈଠକ ସ୍ଥାନୀୟ ଉପଜିଲ୍ଲାପାଳ ସମ୍ମିଳନୀ କକ୍ଷରେ ଉପଜିଲ୍ଲାପାଳ ଶ୍ରୀମତୀ ପ୍ରଣିତା ଦାସ ଙ୍କ ଅଧ୍ୟକ୍ଷତାରେ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ଓଡ଼ିଶାର ମହିଳା ଉଦ୍ୟୋଗୀ ଓ ସାଂସ୍କୃତିକ ପରମ୍ପରାର କନ୍ଧମାଳ ଜିଲ୍ଲା ଓ ରାଜ୍ୟର ଅନେକ ଜିଲ୍ଲାରୁ ସ୍ୱାବଲମ୍ବୀ ମହିଳା ମାନେ ଆସି ନିଜର ଦକ୍ଷତା ପ୍ରତିପାଦନ କରିବା ସହିତ ଅନ୍ୟ ମାନଙ୍କ ନିମନ୍ତେ ଏହି ମେଳାରେ ଉଦାହରଣ ସୃଷ୍ଠି କରିବେ। ଏହା ଜିଲ୍ଲା ସ୍ତରୀୟ ସୁଭଦ୍ରା ଶକ୍ତି ମେଳା ରେ ମୋଟ ୧୧୩ ଟି ବିଭିନ୍ନ ଷ୍ଟଲ ରେ ବିଭିନ୍ନ ପ୍ରକାରର ହସ୍ତତନ୍ତ , ପାରମ୍ପରିକ ବେଶ ଭୂଷା, ଖାଦ୍ୟ, ଜୀବନ ଶୈଳୀ ସମ୍ପର୍କରେ ପ୍ରଦର୍ଶିତ ହେବା ସହିତ ବିକ୍ରି ମଧ୍ୟ କରାଯିବ ବୋଲି ଏକ ସାମ୍ବାଦିକ ସମ୍ମିଳନୀ କରି କହିଲେ ଉପଜିଲ୍ଲାପାଳ ଶ୍ରୀମତୀ ପ୍ରଣୀତା ଦାସ। ଏହି ଜିଲ୍ଲା ସ୍ତରୀୟ ସୁଭଦ୍ରା ଶକ୍ତି ମେଳା ରେ ପ୍ରତିଦିନ ଲୋକଙ୍କୁ ମନୋରଞ୍ଜନ କରିବା ନିମନ୍ତେ ଲୋକ ନାଟ୍ୟ, ପାରମ୍ପାରିକ ନୃତ୍ୟ, ଜିଲ୍ଲାର ଆଦିବାସୀ ସମ୍ପ୍ରଦାୟ ନୃତ୍ୟ ସହ ଓଡ଼ିଶାର ସୁନାମ ଧନ୍ୟ କଳାକାର ମାନେ ଆସି ଲୋକଙ୍କୁ ଆକୃଷ୍ଟ କରିବେ।ଏହି ପ୍ରସ୍ତୁତି ବୈଠକ ରେ ବାଲିଗୁଡ଼ା ଆଇ ଟି ଡି ଏ ପ୍ରକଳ୍ପ ପ୍ରଶାସକ କୃପାସିନ୍ଧୁ ବେହେରା, ତହସିଲଦାର ଦୀପ୍ତି ପ୍ରକାଶ ବେହେରା, ଗୋଷ୍ଠୀ ଉନ୍ନୟନ ଅଧିକାରୀ ଅକ୍ଷୟ ମଲ୍ଲିକ ଙ୍କ ସମେତ ସ୍ଥାନୀୟ ପ୍ରଶାସନ ର ସମସ୍ତ ଅଧିକାରୀ ଉପସ୍ଥିତ ରହି ନିଜ ନିଜର ସୁଚିନ୍ତିତ ମତାମତ ପ୍ରଦାନ କରିଥିଲେ।