Odisha Janamata : ଗୋଲିଆରେ ବିଦ୍ୟୁତ ଟ୍ରାନ୍ସଫର ପୋଡି ଯୋଗୁଁ ପାଣି ମୋଟର ଅଚଳ, ପାଣିପାଇଁ ଲୋକେ ହନ୍ତସନ୍ତ ||

ଗୋଲିଆରେ ବିଦ୍ୟୁତ ଟ୍ରାନ୍ସଫର ପୋଡି ଯୋଗୁଁ ପାଣି ମୋଟର ଅଚଳ, ପାଣିପାଇଁ ଲୋକେ ହନ୍ତସନ୍ତ ||

06-Feb-2026

ଗୋଲିଆରେ ବିଦ୍ୟୁତ୍ ଟ୍ରାନ୍ସଫର୍ମର ପୋଡ଼ି ଯୋଗୁଁ ପାଣି ମୋଟର ଅଚଳ
ଜଳଯୋଗାଣ ଠପ୍ , ଲୋକେ ହଟହଟା , ପ୍ରତିକାର ଦାବି,

ଓଡିଶ ଜନ ମତ, ବୁଗୁଡ଼ା ୬।୨:ଡ଼. କୁମୁଦ ଚନ୍ଦ୍ର ବେହେରା,

ବୁଗୁଡ଼ା ବ୍ଲକ ଅନ୍ତର୍ଗତ ଗୋଲିଆ ଗ୍ରାମ ରେ ଏକ ସପ୍ତାହ ହେଲା ବିଦ୍ୟୁତ୍ ଟ୍ରାନ୍ସଫର୍ମର ପୋଡ଼ି ଯୋଗୁଁ ପମ୍ପ ହାଉସ ମୋଟର ଅଚଳ ହୋଇଯାଇଛି। ଫଳ ରେ ଜଳ ଯୋଗାଣ ପୁରାପୁରି ଠପ୍ ଘଟିଚି। ଲୋକେ ପାଣି ପାଇଁ ହଟହଟା ର ସମ୍ମୁଖୀନ ହେଉଛନ୍ତି । ପୂର୍ବରୁ ସେତେଟା ବ୍ୟବହାର ରେ ଆସୁନଥିବା କୂପ ଓ ନଳକୂପ ଗୁଡ଼ିକ ଉପରେ ଲୋକେ ନିର୍ଭର କରିବାକୁ ବାଧ୍ୟ ହେଉଛନ୍ତି । ଗାଁର କୂପ ଓ ନଳକୂପ ଗୁଡ଼ିକ ରେ ପାଣି ପାଇଁ ଭିଡ଼ ଜମୁଛି । ବହୁ ବିଳମ୍ବ ରେ ନଳକୂପ ରୁ ପାଣି ହାଣ୍ଡିଏ କିମ୍ବା ବାଲଟିଏ ମିଳୁଛି । ଅଭିଯୋଗ କଲେ ମଧ୍ୟ କେହି କର୍ଣ୍ଣପାତ କରୁନଥିବାରୁ ଲୋକଙ୍କ ମଧ୍ୟ ରେ ଅସନ୍ତୋଷ ଦେଖା ଦେଇଛି । ଏଣୁ ଗ୍ରାମ୍ୟ ଜଳ ଯୋଗାଣ ଓ ପରିମଳ ବିଭାଗ ଏଥି ପ୍ରତି ଦୃଷ୍ଟି ଦେଇ ଯଥାଶୀଘ୍ର ପ୍ରତିକାର ବ୍ୟବସ୍ଥା କରିବାକୁ ଗ୍ରାମବାସୀଙ୍କ ପକ୍ଷ ରୁ ଦାବି ହେଉଛି ।