Odisha Janamata : ପିତା ମାତାଙ୍କ ମୃତ୍ୟୁ ପରେ ବେସାହାରା ହେଲେ ଚାରି କୁନି ଚୁଆ |

ପିତା ମାତାଙ୍କ ମୃତ୍ୟୁ ପରେ ବେସାହାରା ହେଲେ ଚାରି କୁନି ଚୁଆ |

11-Aug-2026

ପିତା ମାତାଙ୍କ ମୃତ୍ୟୁ ପରେ ବେସାହାରା ହେଲେ ଚାରି କୁନି ଛୁଆ l ସହାୟତା ପାଇଁ ନିବେଦନ l

ଓଡିଶା ଜନମତ, ବେଗୁନିଆପଡା :11/08/26 :

ଭଞ୍ଜ କିଶୋର ମହାରଣା l

ପିତା ମାତାଙ୍କ ମୃତ୍ୟୁରେ ଅନାଥ ହୋଇ ବେସାହାରା ହେଲେ ଚାରି ଛୁଆ l ସମ୍ବଳ ଅଭାବରେ ହାତଟେକି ବସିଛନ୍ତି l କେମିତି କଟିବ ଜୀବନ ? ଏଭଳି ଘଟଣା ଘଟିଛି ଗଞ୍ଜାମ ଜିଲ୍ଲା ବେଗୁନିଆପଡ଼ା ବ୍ଳକ୍ ଅନ୍ତର୍ଗତ ବୁରୁଝରି ପଞ୍ଚାୟତ କନ୍ୟାରିବାଡି ଗ୍ରାମରେ l 2025 ମସିହାରେ ସେମାନଙ୍କ ବାପା ବାହନ ଡାକୁଆ (40) ଙ୍କ ଦେହାନ୍ତ ହୋଇଥିଲା l ଦୁଃଖ କଷ୍ଟରେ ମା ସୁକାନ୍ତି 4 ସନ୍ତାନକୁ ନେଇ ଯେନେତେନେ ପ୍ରକାରେ ଚଳି ଆସୁଥିଲେ l ବିଧିର ବିଧାନ କେତେ ଦାରୁଣ l ଗତ 7 ତାରିଖ ଦିନ ତାଙ୍କ ମା ସୁକାନ୍ତି ଡାକୁଆ (36)ଙ୍କ ଦେହାନ୍ତ ହୋଇଯାଇଛି l ଘରେ 75 ବର୍ଷୀୟ ବୁଢ଼ୀ ମା l ଏବେ କୁନି କୁନି ଚାରି ଛୁଆଙ୍କ ସାହାରା ହେବ କିଏ ? ଚାରି ଛୁଆଙ୍କ ମଧ୍ୟରେ 3 ଝିଅ ଜଣେ ପୁଅ l ଘରେ ଟଙ୍କା ପଇସା ବୋଲି କିଛି ନାହିଁ ଚାରି ଛୁଆଙ୍କ ମଧ୍ୟରୁ ବଡ ଝିଅ ପୂଜାର ବୟସ ହେଉଛି 15 ବର୍ଷ l ସେ ଦଶମ ଶ୍ରେଣୀରେ ପଢୁଛି l ମଝିଆ ଝିଅ ଲିଜା ବୟସ (13) ସେ ଅଷ୍ଟମ ଶ୍ରେଣୀରେ ପଢୁଛି l ସାନ ଝିଅ ରାତ୍ରୀ ବୟସ (10) ସେ ପଞ୍ଚମ ଶ୍ରେଣୀରେ ପଢୁଛି । ସବା ସାନ ହେଉଛି ପୁଅ ଭାଗବତ ଯାହାର ବୟସ ମାତ୍ର 2 ବର୍ଷ l ଏଭଳି ଦୁଃଖଦ ଘଟଣା ଯିଏ ଶୁଣୁଛି ତା ଆଖରୁ ଲୁହ ଝରି ପଡ଼ୁଛି l ବର୍ତ୍ତମାନ ଅଜା ଆଇ ଏହି ଛୁଆ ମାନଙ୍କର ଦାୟୀତ୍ବ ନେଉଛନ୍ତି l ସେମାନଙ୍କ ଆର୍ଥିକ ପରିସ୍ଥିତି ମଧ୍ଯ ସ୍ୱଚ୍ଛଳ ନାହିଁ l ଗୋଟିଏ ପଟେ ଚାରି ଛୁଆଙ୍କ ଚଳିବା ପାଇଁ ଟଙ୍କାର ଆବଶ୍ୟକତା ଥିବା ବେଳେ ସେପଟେ ମାଆର ଶୁଦ୍ଧିକ୍ରିୟା କରିବା ପାଇଁ ଟଙ୍କା ନାହିଁ l ଏନେଇ ପ୍ରଶାସନ ଏବଂ ବଦାନ୍ୟ ବ୍ୟକ୍ତି ବିଶେଷଙ୍କୁ ସାହାଯ୍ୟର ହାତ ବଢ଼େଇବା ପାଇଁ ଗ୍ରାମବାସୀ ମାନେ ନିବେଦନ କରିଛନ୍ତି l