Odisha Janamata : ଆଉ ନାହାନ୍ତି ଲୋକପ୍ରିୟ ସଙ୍ଗୀତ ଗାୟକ ଓ ନିର୍ଦେଶକ ଅଭିଜିତ ମଜୁମଦାର |

ଆଉ ନାହାନ୍ତି ଲୋକପ୍ରିୟ ସଙ୍ଗୀତ ଗାୟକ ଓ ନିର୍ଦେଶକ ଅଭିଜିତ ମଜୁମଦାର |

25-Jan-2026

ଚିର ନିଦ୍ରାରେ ଲୋକପ୍ରିୟ ସଂଗୀତ ନେର୍ଦ୍ଧେଶକ ଅଭିଜିତ ମଜୁମଦାର,

ଓଡିଶା ଜନ ମତ ବ୍ୟୁରୋ,

ସଙ୍ଗୀତ ରେ ସମସ୍ତ ଙ୍କ ହୃଦୟ କୁ ଜିଣି ଥିବା ଏବଂ ସମସ୍ତ ଙ୍କ ଦାଦା ଭାବେ ପରିଚିତ ଥିବା
ଓଡ଼ିଆ ଫିଲ୍ମ ଇଣ୍ଡଷ୍ଟ୍ରୀର ଚର୍ଚ୍ଚିତ ସଙ୍ଗୀତ ନିର୍ଦ୍ଦେଶକ ତଥା କଣ୍ଠଶିଳ୍ପୀ ଅଭିଜିତ୍‌ଙ୍କ ମୃତ୍ୟୁ ପୁରା ଓଲିଉଡରେ ଶୋକର ଛାୟା ଖେଳିଯାଇଛି । ଓଡ଼ିଆ ଫିଲ୍ମ ଜଗତରେ ଏହା ଅପୂରଣୀୟ କ୍ଷତି ହୋଇଛି । ତେବେ ଦୀର୍ଘ ଦିନ ହେବ ଲିଭର ସିରୋସିସରେ ପୀଡିତ ହୋଇ ଏମ୍ସରେ ଭର୍ତ୍ତି ହୋଇଥିଲେ । ଆଜି ସକାଳେ ତାଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଥିବା ଖବର ଜଣାପଡିବା ପରେ ପୁରା ଓଡ଼ିଶାରେ ଶୋକର ଛାୟା ଖେଳିଯାଇଛି । ତେବେ ଅଭିଜିତ୍‌ଙ୍କ ମୃତ୍ୟୁ ପରେ ସାମ୍ନାକୁ ଆସିଛି ମେଡିକାଲ ରିପୋର୍ଟ । କିଭଳି ଭାବେ ତାଙ୍କର ମୃତ୍ୟୁ ହୋଇଛି ତାହା ଉଲ୍ଲେଖ କରାଯାଇଛି । ୫୪ବର୍ଷୀୟ ଅଭିଜିତ୍‌ ମଜୁମଦାର ଗୁରୁତର ଅସୁସ୍ଥତା କାରଣରୁ ଗତ ୪ ସେପ୍ଟେମ୍ବର ୨୦୨୫ରେ ଭୁବନେଶ୍ୱର ଏମ୍ସରେ ଭର୍ତ୍ତି ହୋଇଥିଲେ । ଅଭିଜିତଙ୍କୁ ‘ଅସମୋଟିକ୍‌ ଡିମାୟେଲିନେସନ୍‌ ସିଣ୍ଡ୍ରୋମ୍‌’ ନାମକ ଏକ ମାରାତ୍ମକ ମସ୍ତିଷ୍କ ରୋଗ ହୋଇଥିଲା । ଏହାସହିତ ଶରୀରରେ ଲୁଣ ବା ଇଲେକ୍ଟ୍ରୋଲାଇଟ୍‌ ର ଅସ୍ୱାଭାବିକ ପରିବର୍ତ୍ତନ ଯୋଗୁଁ ଏହି ରୋଗ ହୋଇଛି । ଅଭିଜିତଙ୍କର ଫୁସଫୁସରେ ସଂକ୍ରମଣ, ରକ୍ତରେ ସଂକ୍ରମଣ ଏବଂ ଲିଭର ରୋଗ ମଧ୍ୟ ହୋଇଥିଲା । ଦୀର୍ଘ ଦିନ ଧରି ଆଇସିୟୁ ଓ ଭେଣ୍ଟିଲେଟର
ରେ ରହିଥିଲେ ଅଭିଜିତ୍‌ । ସେଠାରୁ ଧୀରେ ଧୀରେ ସୁସ୍ଥ ହେଉଥିଲେ, ଗତ ୧୦ ନଭେମ୍ବରରେ ତାଙ୍କୁ ଜେନେରାଲ ୱାର୍ଡକୁ ସ୍ଥାନାନ୍ତର କରାଯାଇଥିଲା । ହେଲେ ୨୩ ଜାନୁଆରୀରେ ତାଙ୍କୁ ହଠାତ୍‌ ଜ୍ୱର ହେବା ସହିତ ନୂଆ ସଂକ୍ରମଣ ହେବାରୁ ରକ୍ତଚାପ ବହୁତ କମିଯାଇଥିଲା ଏବଂ ଶରୀରର ଅଙ୍ଗପ୍ରତ୍ୟଙ୍ଗ କାମ କରିବା ବନ୍ଦ ହୋଇଯାଇଥିଲା । ଆଜି ସକାଳ ୭ଟା ୪୩ମିନିଟରେ ଅଭିଜିତଙ୍କର ହାର୍ଟବିଟ୍‌ ବନ୍ଦ ହୋଇଯାଇ
ଥିଲା, ଏମ୍ସର ଡାକ୍ତରମାନେ ପ୍ରାୟ ଏକ ଘଣ୍ଟା ଧରି ଚେଷ୍ଟା କରିବା ସତ୍ୱେ ତାଙ୍କ ଜୀବନ ବଞ୍ଚାଇ ପାରିନଥିଲେ । ଫଳରେ ସକାଳ ୯ଟା ୨ ମିନିଟରେ ତାଙ୍କୁ ମୃତ ଘୋଷଣା କରାଯାଇଥିଲା ।
ତାଙ୍କର ଏହି ମୃତ୍ୟୁ ଖବର ପ୍ରଚାରିତ ପରେ ତାଙ୍କର ବହୁ ଫେନ ଓ ପିଲ୍ମ ପ୍ରଯୋଜକ ଅଭିନେତା, ଅଭିନେତ୍ରୀ ଙ୍କ ମନରେ ଶୋକର ଛାୟା ଖେଳାଇ ଯାଇଛି | ଅଭିଜିତ ସବୁ ପ୍ରକାର ଗୀତ ରଚନା କରି ଗାଇପାରୁଥିଲେ | ତାଙ୍କର ମୃତ୍ୟୁ ରେ ସଙ୍ଗୀତ ଜଗତରେ ଏକ ଅପୂରଣୀୟ କ୍ଷତି ହୋଇଛି | ଯାହାକୁ ପୂରଣ କରିବା କଷ୍ଟକର ହୋଇ ପାରେ |