Odisha Janamata : ଖଲ୍ଲିକୋଟ ପାଚିକା ସହାୟିକା ଙ୍କ ତାଲିମ ଶିବିର ଅନୁଷ୍ଠିତ!|

ଖଲ୍ଲିକୋଟ ପାଚିକା ସହାୟିକା ଙ୍କ ତାଲିମ ଶିବିର ଅନୁଷ୍ଠିତ!|

07-Aug-2026

ଖଲ୍ଲିକୋଟ: ପାଚିକା ସହାୟିକାଙ୍କ ତାଲିମ ଶିବିର ଆୟୋଜିତ

ଓଡିଶା ଜନ ମତବ୍ୟୁର,

ଖଲ୍ଲିକୋଟ ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ତରଫରୁ ସ୍ଥାନୀୟ ଶ୍ରୀମର୍ଦ୍ଦରାଜ ଉଚ୍ଚ ବିଦ୍ୟାଳୟ ସମ୍ମିଳନୀ କକ୍ଷରେ ବିଭିନ୍ନ କ୍ଲଷ୍ଟର ଅଧୀନସ୍ଥ ସରକାରୀ ପ୍ରାଥମିକ ଉଚ୍ଚ ପ୍ରାଥମିକ ବିଦ୍ୟାଳୟରେ କାର୍ଯ୍ୟରତ ଉଭୟ ପାଚିକା , ପାଚିକା ସହାୟିକାଙ୍କ ଏକ ଦିବସୀୟ ତାଲିମ ଶିବିର ଆନୁଷ୍ଠାନିକ ରୀତିରେ ଅନୁଷ୍ଠିତ ହୋଇଯାଇଛି । ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ତଥା ବି ଆର ସି ସି ସୁଶ୍ରୀ ସୁଷମା ଶବର ଉପସ୍ଥିତ ସମସ୍ତ ପାଚିକା, ପାଚିକା ସହାୟିକାଙ୍କୁ ସ୍ୱାଗତ ଅଭିନନ୍ଦନ ଜଣାଇଥିଲେ । ସର୍ବ ପ୍ରଥମେ ପ୍ରଭୁ ଶ୍ରୀଜଗନ୍ନାଥଙ୍କ ନିକଟରେ ସାମୂହିକ ପ୍ରଦୀପ ପ୍ରଜ୍ବଳନ ପରେ ତାଲିମ କାର୍ଯ୍ୟକ୍ରମ ଆରମ୍ଭ ହୋଇଥିଲା । କନକା ସି ଆର ସି ସି ଡକ୍ଟର ଦ୍ୱାରିକାନାଥ ମହାରଣା ସମ୍ବଳ ପ୍ରଶିକ୍ଷକ, ମର୍ଦ୍ଦରାଜ ଉଚ୍ଚ ବିଦ୍ୟାଳୟର ପାଚିକା ସୁଜାତା ଡାକୁଆ ସମ୍ବଳ ପ୍ରଶିକ୍ଷିକା ରୂପେ ଯୋଗଦେଇ ବ୍ୟକ୍ତିଗତ ପରିଷ୍କାର ପରିଚ୍ଛନ୍ନତା, ଖାଦ୍ୟ ରନ୍ଧନ, ଖାଦ୍ୟ ସାମଗ୍ରୀର ମାନ ନିର୍ଦ୍ଧାରଣ, ଶୃଙ୍ଖଳିତ ଖାଦ୍ୟ ପରିବେଷଣ, ଖାଦ୍ୟ ପଦାର୍ଥ ସଂରକ୍ଷଣ ପଦ୍ଧତି, ସ୍ୱଚ୍ଛତା ପାଳନ ଆଦି ବହୁବିଧ ବିଷୟରେ ଉପସ୍ଥିତ ପାଚିକା, ପାଚିକା ସହାୟିକାଙ୍କୁ ବୁଝାଇଥିଲେ । ଆୟୋଜିତ ଶିବିରରେ କଞ୍ଚଣା, ବଧିନୂଆପଲ୍ଲୀ, କେଶପୁର, ମଥୁରା, ଚିକିଲି, ଡିମିରିଆ ଆଦି କ୍ଲଷ୍ଟର ଅଧୀନସ୍ଥ ବିଦ୍ୟାଳୟଗୁଡିକରୁ ବହୁ ପାଚିକା, ପାଚିକା ସହାୟିକା ଯୋଗଦାନ କରିଥିଲେ । ଶିବିରରେ କେଶପୁର କ୍ଲଷ୍ଟର ସି ଆର ସି ସି ପବନା କୁମାର ସ୍ୱାଇଁ ସହଯୋଗ କରିଥିଲେ ।

ରିପୋର୍ଟ:-
ଡକ୍ଟର ଦ୍ୱାରିକାନାଥ ମହାରଣା
ଖଲ୍ଲିକୋଟ, ଗଂଜାମ