Odisha Janamata : ଖଲ୍ଲିକୋଟ ଡ଼ି ଆଇ ଇ ଟି ରେ ସପ୍ତମ ମାସିକ କ୍ଲଷ୍ଟର ସ୍ତରୀୟ ଅଭିମୁଖୀ କରଣ ବୈଠକ ଅନୁଷ୍ଠିତ |

ଖଲ୍ଲିକୋଟ ଡ଼ି ଆଇ ଇ ଟି ରେ ସପ୍ତମ ମାସିକ କ୍ଲଷ୍ଟର ସ୍ତରୀୟ ଅଭିମୁଖୀ କରଣ ବୈଠକ ଅନୁଷ୍ଠିତ |

15-Jan-2026

ଡି ଆଇ ଇ ଟି ରେ ସପ୍ତମ ମାସିକ କ୍ଲଷ୍ଟର ସ୍ତରୀୟ ଅଭିମୁଖୀକରଣ ବୈଠକ ଅନୁଷ୍ଠିତ

ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନ, ଗଂଜାମ, ଖଲ୍ଲିକୋଟ ପକ୍ଷରୁ ସପ୍ତମ ମାସିକ କ୍ଲଷ୍ଟର ସ୍ତରୀୟ ଅଭିମୁଖୀକରଣ ବୈଠକ ପ୍ରତିଷ୍ଠାନର ସମ୍ମିଳନୀ କକ୍ଷରେ ଆନୁଷ୍ଠାନିକ ରୀତିରେ ଅନୁଷ୍ଠିତ ହୋଇଯାଇଛି । ସର୍ବ ପ୍ରଥମେ ଜଗତର ନାଥ ଶ୍ରୀଜଗନ୍ନାଥଙ୍କ ନିକଟରେ ସମୂହ ପ୍ରଦୀପ ପ୍ରଜ୍ଜ୍ୱଳନ କରିଥିଲେ । ବରିଷ୍ଠ ଶିକ୍ଷକ ପ୍ରଶିକ୍ଷକ ବିଷ୍ଣୁ ନାରାୟଣ ଜେନା ପ୍ରାକ ସୂଚନା ପ୍ରଦାନ କରିଥିଲା ବେଳେ ପ୍ରତିଷ୍ଠାନର ଅଧ୍ୟକ୍ଷ ତଥା ବିଶିଷ୍ଟ ଶିକ୍ଷାବିତ୍ ଡକ୍ଟର ସନ୍ତୋଷ କୁମାର ପରିଡା ବିଦ୍ୟାଳୟ ସ୍ତରରେ ଅନୁଷ୍ଠିତ ପରୀକ୍ଷାର ସଠିକ୍ ପରିଚାଳନା, ପ୍ରଶ୍ନ ପତ୍ର ସମ୍ବନ୍ଧୀୟ ତଥ୍ୟ, ତାଲିମ୍ ପ୍ରଶିକ୍ଷଣ ବ୍ୟତୀତ ପାଠଚକ୍ର, କର୍ମଶାଳା ନିୟମିତ ହେବା ଦ୍ୱାରା ଶିକ୍ଷକ ଶିକ୍ଷୟିତ୍ରୀଙ୍କ ଦକ୍ଷତା ବିକାଶ ହୋଇପାରିବ ବୋଲି ମତପ୍ରକାଶ କରିଥିଲେ । ପ୍ରଥମ ଅଧିବେଶନକୁ ବରିଷ୍ଠ ଶିକ୍ଷକ ପ୍ରଶିକ୍ଷକ ବିଷ୍ଣୁ ନାରାୟଣ ଜେନା, ଦ୍ୱିତୀୟ ଅଧିବେଶନକୁ ସୁଶ୍ରୀ ଗାୟତ୍ରୀ ସ୍ୱାଇଁ, ତୃତୀୟ ଅଧିବେଶନକୁ ଶିକ୍ଷକ ପ୍ରଶିକ୍ଷକ ନବୀନ ପ୍ରମାଣିକ, ଚତୁର୍ଥ ଅଧିବେଶନକୁ ଶିକ୍ଷକ ପ୍ରଶିକ୍ଷିକା କଲ୍ୟାଣୀ କୁମାରୀ ଗୈ।ଡ଼ ପ୍ରଶିକ୍ଷଣ ପ୍ରଦାନ କରିଥିଲେ । ଅନୁଷ୍ଠିତ ଅଭିମୁଖୀକରଣ ବୈଠକରେ ସମାପ୍ତି ସୂଚକ ପରୀକ୍ଷା, ପ୍ରଶ୍ନ ପତ୍ର ପ୍ରସ୍ତୁତି, ପଞ୍ଚମ, ଅଷ୍ଟମ ଶ୍ରେଣୀ ପରୀକ୍ଷା ପାଇଁ ଅଭ୍ୟାସ ପ୍ରଶ୍ନ, ମୈ।ଳିକ ସ୍ତର ଶିକ୍ଷଣ ସର୍ବେକ୍ଷଣ ସମ୍ପର୍କରେ ପ୍ରଶିକ୍ଷକ ପ୍ରଶିକ୍ଷିକାମାନେ ପ୍ରଶିକ୍ଷଣ ପ୍ରଦାନ କରିଥିଲେ । ପ୍ରଶିକ୍ଷାର୍ଥୀମାନେ ବିଭିନ୍ନ ଦଳରେ ବିଭକ୍ତ ହୋଇ ପାଠ ଟୀକା , ଦକ୍ଷତା ଆଧାରରେ ଯୋଜନା ପ୍ରସ୍ତୁତି ସହିତ ଉପସ୍ଥାପନ କରିଥିଲେ ।ଗତ ତା ୧୨/୦୧/୨୬ ରିଖରୁ ଆରମ୍ଭ ହୋଇଥିବା ଅଭିମୁଖୀକରଣ ବୈଠକ ଆଜି ଅର୍ଥାତ୍ ତା ୧୫/୦୧/୨୬ ଦିଗରେ ସମ୍ପୂର୍ଣ୍ଣ ହୋଇଛି । ଗଂଜାମ ଜିଲ୍ଲାର ସମସ୍ତ ୨୨ ଗୋଟି ବ୍ଲକର ବିଭିନ୍ନ କ୍ଲଷ୍ଟରର ସି ଆର ସି ସି ଉପସ୍ଥିତ ଥିଲେ । ପ୍ରଶିକ୍ଷକ ବିଷ୍ଣୁ ନାରାୟଣ ଜେନା, ମୁକ୍ତିକାନ୍ତ ବେହେରା, ସୁକୁଲେଇ ଟୁଡୁ, ନବୀନ ପ୍ରମାଣିକ, ପ୍ରଶିକ୍ଷିକା ପ୍ରଜ୍ଞା ପାରମିତା, ଲିପି ଶ୍ରୀ ଦେବୀ, ଡ଼. ନୀହାରିକା ସାମନ୍ତରାୟ, ଗାୟତ୍ରୀ ସ୍ୱାଇଁ, କଲ୍ୟାଣୀ କୁମାରୀ ଗୈ।ଡ, ଜୟନ୍ତୀ ବେହେରା ପ୍ରମୁଖ ଅଭିମୁଖୀକରଣ ବୈଠକରେ ଉପସ୍ଥିତ ରହି ପ୍ରଶିକ୍ଷଣ କାର୍ଯ୍ୟକ୍ରମକୁ ସମ୍ପାଦନ କରିଥିଲେ ।