Odisha Janamata : ବାଇକ, ସ୍କୁଟି ଧକ୍କା ରେ ମୃତ୍ୟୁ ବରଣ କରିଥିବା ଯୁବକ ଙ୍କ ଶେଷକୃତ୍ୟ ସମ୍ପର୍ଣ୍ଣ |

ବାଇକ, ସ୍କୁଟି ଧକ୍କା ରେ ମୃତ୍ୟୁ ବରଣ କରିଥିବା ଯୁବକ ଙ୍କ ଶେଷକୃତ୍ୟ ସମ୍ପର୍ଣ୍ଣ |

01-Jan-2026

: ବାଇକ ସହ ସ୍କୁଟି ମୁହାଁ ମୁହିଁ ଧକ୍କା ଘଟଣା, ନିଜ ଗ୍ରାମରେ ପହଁଚିଲା ଦୁଇ ମୃତକ ଶରୀର, ବିରାଟ ପଟୁଆର ରେ ଗ୍ରାମ ମଶାଣି ରେ ଶବଦାହ

ଓଡିଶା ଜନ ମତ, କୋଦଳା, ସୂର୍ଯ୍ୟ ନାରାୟଣ ବଡୁ,

କୋଦଳା:କୋଦଳା ରେ ଶୋକାକୁଳ ପରିବେଶ, ବୁଧବାର ରାତି ଅଧିକା ହୋଇଯିବାରୁ ଦୁଇ ମୃତକଙ୍କ ଶବ ବ୍ୟବଛେଦ ହୋଇପାରିନଥିଲା, ଗୁରୁବାର ବ୍ୟବଛେଦ ସାରି ଦୁଇ ମରଶରୀର ନିଜ ଗ୍ରାମ କୋଦଳା କୁ ଆସିବା ପରେ, ଅପେକ୍ଷlରତ ପରିବାର ଓ ଗ୍ରାମବାସୀଙ୍କ ମଧ୍ୟରେ ଶୋକାକୁଳ ପରିସ୍ଥିତି ସୃଷ୍ଟି ହୋଇଥିଲା, ଶତାଧିକ ଗ୍ରାମବାସୀ ଏକ ପଟୁଆର ରେ ଗ୍ରାମ ମଶାଣି କୁ ନେଇ ଉଭୟ ଙ୍କୁ ଶବଦାହ କରିଥିଲେ,.....
ଡିସେମ୍ବର 31 କୁ ନେଇ କିଏ ଗୀତ ନାଚ ବ୍ୟବସ୍ଥା କରୁଥିବା ବେଳେ କିଏ କିଏ ଭୋଜିଭାତ ର ଆସର କରି ନୂତନ ବର୍ଷକୁ ସ୍ୱାଗତ ଜଣାଇ ଜିରୋନାଇଟ କାର୍ଯ୍ୟକ୍ରମ ଆୟୋଜନ ପାଇଁ ପ୍ରସ୍ତୁତି ଜୋର ସୋର ରେ ଚାଲିଥିବା ବେଳେ ହଠାତ କୋଦଳା ର ଦୁଇ ପରିବାର ପାଇଁ ଯେମିତି କଳାବାଦଲ ଘୋଟିଯାଇଥିଲା , ଏମିତି ଏକ ଭୟାନକ ଦୁର୍ଘଟଣା ଘଟିଯାଇଛି ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ଥାନା ବୁଢାଆମ୍ବ ନିକଟରେ l ଗୋଟିଏ ବାଇକ ସହ ସ୍କୁଟି ମୁହାଁମୁହିଁ ଧକ୍କା ହେବାରୁ ଦୁଇଜଣ ଙ୍କ ମୃତ୍ୟୁ ହୋଇଥିବା ବେଳେ ଅନ୍ୟଜଣେ ଗୁରୁତର ଓ ଦୁଇଜଣ ଆହାତ ହୋଇଛନ୍ତି l ମୃତ ଦୁଇଜଣ କୋଦଳା କୁମୁଟି ସାହି ର ମିଟୁ ଦାଶ ଙ୍କ ପୁତ୍ର ରୁଦ୍ରନାରାୟଣ ଦାଶ (18),ଏବଂ ସନ୍ତୋଷ ପାଢ଼ୀଙ୍କ ପୁତ୍ର ରଶ୍ମିରଞ୍ଜନ ପାଢ଼ୀ (18) ଦୁଇ ପଡୋଶୀ ହୋଇଥିବା ବେଳେ ସ୍କୂଟି ଓ ବାଇକ ମଧ୍ୟରେ ମୁହାଁ ମୁହିଁ ଧକ୍କାରେ ଦୁହିଁଙ୍କ ମୃତ୍ୟୁ ଘଟିଯାଇଛି ! ସ୍କୂଟି ଆରୋହୀ ବାଣପୁର ଅଞ୍ଚଳର ପବିତ୍ର ବିନ୍ଧାଣି ଗୁରୁତର ହୋଇ ବ୍ରହ୍ମପୁର ସ୍ଥାନାନ୍ତର ହୋଇଥିବା ଜଣାପଡିଛି l କୋଦଳା କୁମୁଟି ସାହି ର ରୁଦ୍ରନାରାୟଣ ଦାଶ ଓ ରଶ୍ମିରଞ୍ଜନ ପାଢ଼ୀ ଗୋଟିଏ ବାଇକ ରେ ଜିରନାଇଟ ପାଳନ କରିବା ପାଇଁ କୌଣସି ସାମାନ ଆଣିବାକୁ କବିସୂର୍ଯ୍ୟନଗର ଯାଇ ସେଠାରୁ କୋଦଳା ଅଭିମୁଖେ ଫେରୁଥିବା ସମୟରେ ବୁଢାଆମ୍ବ ନିକଟରେ ବିପରିତ ଦିଗରୁ ଆସୁଥିବା ପବିତ୍ର ଙ୍କ ସ୍କୁଟି ସହ ମୁହାଁ ମୁହିଁ ଧକ୍କା ହୋଇଥିଲା l ସ୍କୁଟି ରେ ତିନିଜଣ ରହିଥିବା ବେଳେ ଦୁର୍ଘଟଣା ପରେ ସମସ୍ତେ ରାସ୍ତା ଉପରେ ପଡ଼ିଥିବା ବେଳେ ସ୍ଥାନୀୟ ଲୋକେ ସମସ୍ତ ଙ୍କୁ ଉଧାରକରି କବିସୂର୍ଯ୍ୟନଗର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ରେ ଭର୍ତି କରିଥିଲେ l ତେବେ ଡାକ୍ତର ରୁଦ୍ରନାରାୟଣ ଓ ରଶ୍ମିରଞ୍ଜନ କୁ ମୃତ୍ୟୁ ଘୋଷଣା କରିଥିବା ବେଳେ ଗୁରୁତର ଓ ଅନ୍ୟ ଦୁଇ ଆହାତ ଙ୍କୁ ପ୍ରାଥମିକ ଚିକିତ୍ସା ପରେ ବ୍ରହ୍ମପୁର ସ୍ଥିତ ଏମକେସିଜି ମେଡିକାଲ କୁ ସ୍ଥାନାନ୍ତର କରାଇଥିଲେ l କୋଦଳା କୁମୁଟି ସାହିରେ ଶୋକାକୁଳ ପରିବେଶ ସୃଷ୍ଟି ହୋଇଛି l