Odisha Janamata : କୁହୁଡି ଯୋଗୁଁ ଅଜଣା ଗାଡିଧକ୍କା ରେ କାର ହେଲା ଚୁର ମାର |

କୁହୁଡି ଯୋଗୁଁ ଅଜଣା ଗାଡିଧକ୍କା ରେ କାର ହେଲା ଚୁର ମାର |

30-Dec-2025

ଅଜଣା ଗାଡ଼ିକୁ ଧକ୍କା ଦେଇ କାର ହେଲା ଚୁରମାର୍,
ଘନ କୁହୁଡିହେଉଛି କାଳ,

ଓଡିଶା ଜନ ମତ ବ୍ୟୁରୋ,

ବର୍ତ୍ତମାନଶୀତ ଋତୁରେ ଥଣ୍ଡା ବଢୁଛି ତାସହିତ ରାତିରେ ଘନ କୁହୁଡି ପଡୁଛି | ଯାହା ଯୋଗୁଁ ବହୁ ଦୁର୍ଘଟଣା ଘଟି ଧନ ଜୀବନ ନଷ୍ଟ ହେଉଛି | ଏପରି ଏକ ଘଟଣା ଦେଖିବାକୁ ମିଳୁଛି ବସ୍ତା ଥାନା ୬୦ ନମ୍ବର ଜାତୀୟ ରାଜପଥର କୁଣ୍ଡପୁର ଛକ ନିକଟ ବଜରଙ୍ଗୀ ହୋଟେଲ ବିପରୀତ ପାର୍ଶ୍ବରେ ଅଜଣା ଗାଡ଼ିକୁ ଧକ୍କା ଦେଇ ଗୋଟିଏ କାର ଚୁରମାର୍ ହୋଇଛି । ସୂଚନା ଅନୁସାରେ ଗତକାଲି ରାତି ୧୧ଟା ସମୟରେ ଗୋଟିଏ କାର ( ଡ଼ ବ୍ୟୁ ବି ୩୩କେ ୧୦୭୭) ବାଲେଶ୍ବରରୁ ପଶ୍ଚି ମବଙ୍ଗ ଅଭିମୁଖେ ଆସୁଥିଲା ଘନ କୁହୁଡ଼ି ଯୋଗୁ ରାସ୍ତାରେ କିଛି ଦୃଶ୍ୟମାନ ହେଉନଥିବା ଯୋଗୁ କାରଟି ସାମାନାରେ ଯାଉଥିବା ଅନ୍ୟ ଏକ ଅଜଣା ଗାଡ଼ିକୁ ପଛରୁ ଧକ୍କା ଦେଥିଲା । ଫଳରେ କାରଟି ଭାଙ୍ଗି ଚୁରମାର୍ ହୋଇଯାଇଥିବା ବେଳେ ଭିତରେ ୨ ଜଣ ଯାତ୍ରୀ ଚାପି ହୋଇ ରହିଯାଇଥିଲେ । ଜାତୀୟ ରାଜପଥ ପହରା ପୁଲିସ ଏବଂ ସ୍ଥାନୀୟ ଲୋକଙ୍କ ଦ୍ବାରା ଦୁହିଙ୍କୁ ଉଦ୍ଧାର କରାଯାଇ ବସ୍ତା ହସ୍ପିଟାଲକୁ ପଠାଯାଇଥିଲା । ବସ୍ତା ପୁଲିସ ପହଂଚି କାରଟିକୁ ଜବତ କରି ଘଟଣାର ତଦନ୍ତ ଚଳାଇଥିବା ବେଳେ ଗୁରୁତର ଦୁଇ ଯାତ୍ରୀଙ୍କର ଅବସ୍ଥା ସଂକଟ୍ଟାପନ୍ନ ରହିଛି । ତେବେ ଘନ କୁହୁଡି ଯୋଗୁଁ ଏପରି ଘଟଣା ଅଧିକାଂଶ ସମୟ ରେ ଦେଖିବାକୁ ମିଳୁଛି |