Breaking
News
Breaking
News
Breaking
News
20-Dec-2025
ସୁନାଥର ରେ ଆଧ୍ୟାତ୍ମିକ ନୈତିକ ଶିକ୍ଷା କାର୍ଯ୍ୟକ୍ରମ ଅନୁଷ୍ଠିତ,
ସୁନାଥର ଗ୍ରାମ ଠାରେ ଥିବା ପରମାନନ୍ଦ ଶିଶୁ ଶିଶୁ ବିଦ୍ୟା ମନ୍ଦିରରେ ଆଜି ଆଧ୍ୟାତ୍ମିକ ନୈତିକ ଶିକ୍ଷା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି Iପୁରୀ ଚିଦାନନ୍ଦ ଶାନ୍ତି ଆଶ୍ରମର ସ୍ବାମୀ ନିର୍ବିକଳ୍ପାନନ୍ଦ ସରସ୍ବତି ମହାରାଜ ଏଥିରେ ଯୋଗ ସାଗ ଦାନ କରି ଶିଶୁ ମାନଙ୍କ ପଗତି କରିବାକୁ ହେଲେ ନୈତିକ ଶିକ୍ଷା ଉପରେ ଗୁରୁତ୍ଵ ପ୍ରଦାନ ନିମନ୍ତେ ମାର୍ଗ ଦର୍ଶନଦେବା ସହିତ ଶିଶୁଟିଏ କିପରି ସତକଥା କହି ସତମାର୍ଗରେ ଅନୁପ୍ରାଣିତ ହେବ ଏବଂ ଯେତିକି ପାରିବ ଓଙ୍କାର ର ଉଚ୍ଚାରଣ ସହିତ ନିଜର ଇଷ୍ଟ ମନ୍ତ୍ର ଜପ ଓ ଭଗବାନଙ୍କ ସେବାରେ ପ୍ରତି ମୂହୁତ୍ତ ବିତାଇବା ସଙ୍ଗେ ସଙ୍ଗେ ପିତୃଦେବୋ ଭବ, ମାତୃ ଦେବୋ ଭବ ଓ ଅତିଥ୍ ଦେବୋ ଭବ ଏହି ବେଦ ମନ୍ତ୍ରର ଅର୍ଥକୁ ସରଳଭାଷାରେ ବୁଝାଇ ପିତା, ମାତା ଓ ଗୁରୁଜନଙ୍କୁ କିପରି ଭକ୍ତି ଓ ସମ୍ମାନ ପ୍ରଦାନ କରାଯିବ ସହ ଭଗବତ ବିଶ୍ବାସୀହେବା ନିମନ୍ତେ ମାର୍ଗ ଦର୍ଶନ ଦେଇଥିଲେ I ଶେଷରେ ଶ୍ରୀମଦ୍ ଭଗବଦ୍ ଗୀତାର ଦ୍ବାଦଶ ଅଧ୍ୟାୟ ଭକ୍ତି ଯୋଗର 13 ଶ୍ଳୋକ ଠାରୁ 20 ଶ୍ଳୋକ ଗୀତା ଅଷ୍ଟ ଶ୍ଳୋକୀ ପ୍ରତିଦିନ ଅଭ୍ୟାସ କରିବା ନିମନ୍ତେ ବୁଝାଇଥିଲେ। ସର୍ବ ପ୍ରଥମେ ଦୀପ ପ୍ରଜ୍ଜଳନ ପରେ ଛାତ୍ରୀ ସୋମ୍ୟାରାଣୀ ପଟ୍ଟନାୟକ ପୂଜ୍ୟ ସ୍ବାମୀଜୀଙ୍କ ପରିଚୟ ପ୍ରଦାନ କରିଥିଲେ। ଶ୍ରୀଯୁକ୍ତ ପିତାମ୍ବର ମହାଙ୍କୁଡ ପ୍ରଧାନ ଆଚାର୍ଯ୍ୟ ସ୍ବାଗତ ଭାଷଣ ଦେଇଥିଲେ I ଶିଶୁମାନଙ୍କ ଦ୍ବାରା ଗୀତା ମାତାଙ୍କ ଭବ୍ୟ ଆଳତୀ ପରେଶ୍ରୀମତୀ ମୀରା ପ୍ରଧାନ ଆଚାର୍ଯ୍ୟା ଧନ୍ୟବାଦ ଅର୍ପଣ କରିଥିଲେ। ଏଥିରେ ଅନୁଷ୍ଠାନର ସୁଶ୍ରୀ ଜ୍ୟୋତି ପ୍ରଧାନ, ସୁଶ୍ରୀ ବର୍ଷା ରାଣୀ ବେଜ, ଶ୍ରୀମତୀ ଗାୟତ୍ରୀ ନାହାକ, ଶ୍ରୀମତୀ ପ୍ରତିମା ନାହାକ ଓ ଶ୍ରୀଯୁକ୍ତ ପିତବାସ ବସନ୍ତିଆ ପ୍ରଭୃତି ଆଚାର୍ଯ୍ୟ/ ଆଚାର୍ଯ୍ୟା ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମକୁ ସଫଳ କରାଇଥିଲେ ।
Copyright @ 2024 All rights reserved. ଓଡିଶା ଜନମତ
BACK TO TOP