Odisha Janamata : ବୁର୍ଲା ଥାନା ଏମସିଏଲ ରେ ଜଣେ କର୍ମଚାରୀ ଙ୍କୁ ହତ୍ୟା କଲେ ତାଙ୍କ ସ୍ତ୍ରୀ |

ବୁର୍ଲା ଥାନା ଏମସିଏଲ ରେ ଜଣେ କର୍ମଚାରୀ ଙ୍କୁ ହତ୍ୟା କଲେ ତାଙ୍କ ସ୍ତ୍ରୀ |

19-Dec-2025

ସ୍ଵାମୀଙ୍କୁ ଗାମୁଛାରେ ହତ୍ୟାକଲେ ସ୍ତ୍ରୀ, ମୁଖ୍ୟ କାରଣ ପାରିବାରିକ ବିବାଦ,

ଓଡିଶା ଜନ ମତ ବ୍ୟୁରୋ,

ସବୁବେଳେ କୁହାଯାଇଛି ବିନା ଆଶ୍ରୟରେ କବିତା, ବନିତା, ଲତା ତିଷ୍ଠି ପାରନ୍ତି ନାହିଁ | ନାରୀ ସବୁବେଳେ ଅବଳା ଦୁର୍ବଳା ବୋଲି | କିନ୍ତୁ ଆଜିରମର୍ଡେନ ନାରୀ ଯେ ତାର ଇହକାଳ, ପରକାଳ ର ଦେବତା କୁମଧ୍ୟ ମାରିଦେଉଛି ତାର ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି ସମ୍ବଲପୁର ଜିଲ୍ଲା ବୁର୍ଲା ଥାନା ଅଞ୍ଚଳରେ | ମିଳିଥିବା ସୂଚନା ଅନୁସାରେ
ସମ୍ବଲପୁର ଜିଲ୍ଲା ବୁର୍ଲା ଥାନା ଅନ୍ତର୍ଗତ ଏମସିଏଲ ଜାଗୃତି ବିହାର ଠାରେ ଜଣେ ଏମସିଏଲ କର୍ମଚାରୀଙ୍କୁ ତାଙ୍କ ଧର୍ମପତ୍ନୀ ତଂଟି ଚିପି ହତ୍ୟା କରିଛନ୍ତି । ମୃତ ବ୍ୟକ୍ତି ଜଣକ ହେଉଛନ୍ତି ଝାରସୁଗୁଡ଼ା ଲଖନପୁର ମୂଳ ବାସିନ୍ଦା ତଥା ବର୍ତମାନ ବୁର୍ଲା ଏମସିଏଲରେ କର୍ମଚାରୀ ଆକାଶମୁଣ୍ଡା( ୨୫) । ତାଙ୍କୁ ହତ୍ୟା କରିଥିବା ଅଭିଯୁକ୍ତ ସ୍ତ୍ରୀଙ୍କୁ ଗିରଫ କରିଛି ପୋଲିସ । ସେ ହେଉଛନ୍ତି ସୁନ୍ଦରଗଡ଼ ଜିଲା ଭସ୍ମଲେପନ ଅନ୍ତର୍ଗତ ଦେଉଳି ଗ୍ରାମର ସରସ୍ବତୀ ମୁଣ୍ଡା(୨୩) । ତାଙ୍କଠାରୁ ହତ୍ୟା ରେ ବ୍ୟବହୃତ ହୋଇଥିବା ଗାମୁଛାକୁ ପୋଲିସ ଜବତ କରିଛି । ଏନେଇ ମୃତକ ଆକାଶଙ୍କ ବଡ଼ ଭଉଣୀ ସଂଯୁକ୍ତା ମୁଣ୍ଡାଙ୍କ ଏତଲା କ୍ରମେ ବୁର୍ଲା ଥାନାରେ କେସ ନମ୍ବର ୫୭୨/୨୦୧୫ରେ ଏକ ମାମଲା ରୁଜୁ କରି ପୋଲିସ ଶବକୁ ଜବତ କରି ଶବ ବ୍ୟବଚ୍ଛେଦ ପାଇଁ ପଠାଇଥିଲା । ଏହାସହ ପୋଲିସ ଅଭିଯୁକ୍ତା ସରସ୍ଵତୀଙ୍କ ସୂଚନା ଅନୁସାରେ ତାଙ୍କ ଭାଈ ଆକାଶ ଏମସିଏଲରେ କାର୍ୟ୍ଯ କରୁଥିଲେ । ସେ ତାଙ୍କ ସ୍ତ୍ରୀ ଓ ଛୋଟ ଛୁଆ ସହ ଜାଗୃତି
ବିହାରରେ ଏମସିଏଲର କ୍ୱାର୍ଟରରେ ରହୁଥିଲେ । ବୁଧବାର ବିଳମ୍ବିତ ରାତିରେ ତାଙ୍କ ପଡ଼ୋଶୀଙ୍କ ଠାରୁ ଆକାଶଙ୍କୁ ଗୁରୁତର ଅବସ୍ଥାରେ ଭିମସାରରେ ଭର୍ତି କରାଯାଇଥିବା ଖବର ମିଳିଥିଲା । ଏହାପରେ ତତକ୍ଷଣାତ ସେ ଆସି ଭିମସାରରେ ପଂଚିଥିଲେ । ମାତ୍ର ସେତେବେଳକୁ ତାଙ୍କ ଭାଈଙ୍କ ମୃତ୍ୟୁ ହୋଇ ସାରିଥିଲା । ତେବେ ସେ ପଡ଼ୋଶୀଙ୍କ ଠାରୁ ଜାଣିବାକୁ ପାଇଲେ ଯେ, ଉକ୍ତଦିନ ସନ୍ଧ୍ୟାରେ କୌଣସି କଥାକୁ ନେଇ ଉଭୟ ସ୍ଵାମୀ ଓ ସ୍ତ୍ରୀଙ୍କ ମଧ୍ୟରେ ଝଗଡ଼ା ଓ ହାତାହାତି ପର୍ଯ୍ୟନ୍ତ ଯାଇଥିଲା । ତେବେ ଏହି ସମୟରେ ଆକାଶ ଗୁରୁତର ଆହତ ହୋଇଥିଲେ । ତାଙ୍କୁ ପଡ଼ୋଶୀ ଲୋକେ ତୁରନ୍ତ ବୁର୍ଲା ଭିମସାରରେ ଭର୍ତି କରିଥିଲେ । ମାତ୍ର ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୁତ୍ୟୁ ହୋଇଥିଲା । ଅପରପକ୍ଷରେ ଗୁରବାର ଶବ ବ୍ୟବଛେଦ ରିପୋର୍ଟ ଆସିଲା ପରେ ଆକାଶଙ୍କୁ ଶ୍ବାସରୁଦ୍ଧ ଜନିତ କାରଣରୁ ମୃତ୍ୟୁ ଘଟିଥିବା ଜଣା ପଡ଼ିଥିଲା । ଆକାଶଙ୍କ ଭଉଣୀଙ୍କ ରିପୋର୍ଟ ଆଧାର
ରେ ତାଙ୍କ ସ୍ତ୍ରୀ ସରସ୍ଵତୀଙ୍କୁ ଗିରଫ କରି ପଚରା ଉଚରା ବେଳେ ସେ ଆକାଶଙ୍କୁ ଏକ ଖାମୁଛାରେ ତଂଟଚିପି ହତ୍ୟା କରିଥିବା ସ୍ଵୀକାର କରିଥିଲେ । ଏହାବାଦ ତାଙ୍କୁ ଗିରଫ କରାଯାଥିଲା ବୋଲି ପୋଲିସ କହିଛି । ତେବେ ଛୋଟ, ଛୋଟ ଘଟଣା ରେ ଉତ୍ୟକ୍ତ ହୋଇ ଏହି କାଣ୍ଡ କରିସାରିବା ପରେ ଏବେ ଆଉ ସେହି ବ୍ୟକ୍ତି ନା ପରିବାର ର ଶାନ୍ତି ଫେରି ଆସିବକି | ତେଣୁ ଉତ୍ୟକ୍ତ ସମୟରେ ଭାବିଚିନ୍ତି ଯେକୌଣସି କାର୍ଯ୍ୟ କଲେ ସରସ୍ବତୀ ଙ୍କ ଭଳି ଦଶା ଭୋଗିବାକୁ ପଡିବ ନାହିଁ |