Odisha Janamata : ସରସ୍ବତୀ ଶିଶୁ ମନ୍ଦିର ରେ ବିଦ୍ୟାଳୟ ସ୍ତରୀୟ କ୍ରୀଡା ଉଛବ ଅନୁଷ୍ଠିତ ||

ସରସ୍ବତୀ ଶିଶୁ ମନ୍ଦିର ରେ ବିଦ୍ୟାଳୟ ସ୍ତରୀୟ କ୍ରୀଡା ଉଛବ ଅନୁଷ୍ଠିତ ||

02-Dec-2025

ବିଦ୍ଯାଳୟ ସ୍ତରୀୟ କ୍ରୀଡା ଉଦଯାପିତ,

ଓଡିଶା ଜନ ମତ ବ୍ୟୁରୋ,

ପୁରୁଷୋତ୍ତମ ପୁର ବିଜ୍ଞାପିତ ଅଞ୍ଚଳ ରେ ସରସ୍ୱତୀ ଶିଶୁ ମନ୍ଦିରର ଏକବିଂଶତମ ବାର୍ଷିକ କ୍ରୀଡା ଉଦଯାପିତ ହୋଇଯାଇଅଛି । ପୁରୁଷୋତ୍ତମପୁର ବ୍ଲକ ଅଧ୍ଯକ୍ଷା ଶ୍ରୀମତୀ ପିଙ୍କି ବେହେରା ଦୀପ ପ୍ରଜ୍ବଳନ କରି କାର୍ଯ୍ୟକ୍ରମକୁ ଆରମ୍ଭ କରିଥିଲେ। ଆଚାର୍ଯ୍ୟ ପ୍ରଣବ କୁମାର ଗୌଡ ଅତିଥି ମାନଙ୍କ ପରିଚୟ ପ୍ରଦାନ କରିଥିଲେ। ବକ୍ତା ଭାବରେ କନକାକ୍ଲଷ୍ଟର ସି. ଆର୍. ସି ଯୋଗ ଦେଇ ଛାତ୍ର ଜୀବନରେ କ୍ରୀଡାର ମହତ୍ତ୍ବ ସମ୍ବନ୍ଧରେ ବର୍ଣ୍ଣନା କରଥିଲେ। ପ୍ରଧାନ ଆଚାର୍ଯ୍ୟ କାର୍ଯ୍ୟକ୍ରମର ଆଭିମୁଖ୍ୟ ପ୍ରଦାନ କରିଥିଲେ। ବିଦ୍ଯାଳୟର ସହ ସମ୍ପାଦକ ଶ୍ରୀଯୁକ୍ତ ଅକ୍ଷୟ କୁମାର ବେହେରା ଓ ସମ୍ପାଦକ ଡଃ ସୁଶାନ୍ତ କୁମାର ବେହେରା କାର୍ଯ୍ୟକ୍ରମରେ ଯୋଗ ଦେଇ ଶିଶୁ ଭାଇ ଭଉଣୀମାନଙ୍କୁ ଉତ୍ସାହିତ କରିଥିଲେ। ଶାରୀରିକ ପ୍ରମୁଖ ଭଗବାନ ପାଢ଼ୀ କ୍ରୀଡାର ବିବରଣୀ ପଠନ କରିଥିଲେ। ତିନିଦିନ ଧରି ଚାଲିଥିବା କ୍ରୀଡାରେ ୫୬୮ଜଣ ଛାତ୍ରଛାତ୍ରୀ ବିଭିନ୍ନ ପ୍ରକାରର କ୍ରିଡାରେ ଅଂଶ ଗ୍ରହଣ କରିବା ସହ ୧ମ, ୨ୟ ଓ ୩ୟ ସ୍ଥାନ ଅଧିକାର କରିଥିବା ଛାତ୍ରଛାତ୍ରୀ ମାନଙ୍କୁ ଅତିଥି ମାନେ ପ୍ରମାଣ ପତ୍ର ସହିତ ପୁରସ୍କାର ପ୍ରଦାନ କରିଥିଲେ। ଶିଶୁଙ୍କ ଦ୍ବାରା ଗୀତ ଓ ନ୍ରୁତ୍ଯ ମଧ୍ଯ ପରିବେଷଣ କରାଯାଇଥିଲା। କାର୍ଯ୍ୟକ୍ରମକୁ ଆଚାର୍ଯ୍ୟା ସୁନା ରାଣୀ ପାଳ ପରିଚାଳନା କରିଥିଲେ। ସମସ୍ତ ଗୁରୁଜୀ ଗୁରୁମା ଓ ପରିଚାଳନା ସମିତିର ସଦସ୍ଯ ସଦସ୍ଯ ମାନଙ୍କ ସହଯୋଗରେ କାର୍ଯ୍ୟକ୍ରମ ସଫଳ ହୋଇଥିଲା ।