Odisha Janamata : "ନେସନାଲ ଫ୍ରଣ୍ଟ ଅଫ ଇଣ୍ଡିଆନ ଟ୍ରେଡ଼ ୟୁନିୟନ (NFITU) ର ଓଡିଶା ଶାଖା ଶ୍ରମ ସଂହିତା କୁ ସ୍ୱାଗତ ଜଣାଉଛି

"ନେସନାଲ ଫ୍ରଣ୍ଟ ଅଫ ଇଣ୍ଡିଆନ ଟ୍ରେଡ଼ ୟୁନିୟନ (NFITU) ର ଓଡିଶା ଶାଖା ଶ୍ରମ ସଂହିତା କୁ ସ୍ୱାଗତ ଜଣାଉଛି | ||

24-Nov-2025

"ନ୍ୟାସନାଲ ଫ୍ରଣ୍ଟ ଅଫ ଇଣ୍ଡିଆନ ଟ୍ରେଡ ୟୁନିଅନସ୍" (NFITU) ର ଓଡ଼ିଶା ଶାଖା, ଶ୍ରମ ସଂହିତା କାର୍ଯ୍ୟକାରୀକୁ ସ୍ୱାଗତ କରିଛି; ମାନ୍ୟବର ପ୍ରଧାନମନ୍ତ୍ରୀ ଏବଂ ଶ୍ରମ ମନ୍ତ୍ରୀଙ୍କ ପ୍ରତି କୃତଜ୍ଞତା ଜ୍ଞାପନ କରୁଛି।
ଯସସ୍ଵୀ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଭାରତ ସରକାରଙ୍କ ବହୁ ପ୍ରତୀକ୍ଷିତ ଚାରୋଟି ଶ୍ରମ ସଂହିତା କାର୍ଯ୍ୟକାରୀ କରିବାର ଐତିହାସିକ ନିଷ୍ପତ୍ତିକୁ national front of indian tread union (NFITU) ର ଓଡ଼ିଶା ସାଖା (NFITU. ODISHA) ହୃଦୟର ସହିତ ସ୍ୱାଗତ କରୁଛି। ଏହି ଶ୍ରମ ସଂହିତା ଦେଶର ସମସ୍ତ ଶ୍ରମିକ ଲୋକଙ୍କ ପାଇଁ ମର୍ଯ୍ୟାଦା, ସୁରକ୍ଷା ଏବଂ ଉନ୍ନତ କଲ୍ୟାଣ ସୁନିଶ୍ଚିତ କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଅଟେ ।
ନେସନାଲ ଫ୍ରଣ୍ଟ ଅଫ ଇଣ୍ଡିଆନ ଟ୍ରେଡ ୟୁନିଅନ(NFITU),National president, ଡକ୍ଟର ଦୀପକ ଜୟସୱାଲ ଙ୍କ ନେତୃତ୍ୱରେ ଏକ NFITU ପ୍ରତିନିଧିମଣ୍ଡଳୀ ନୂଆଦିଲ୍ଲୀରେ ମାନ୍ୟବର ଶ୍ରମ ଏବଂ ରୋଜଗାର ମନ୍ତ୍ରୀ ଡକ୍ଟର ମନସୁଖ ମାଣ୍ଡଭିଆଙ୍କୁ ଭେଟି ଶ୍ରମ ସଂହିତା କାର୍ଯ୍ୟକାରୀ କରିବା ଉପରେ ଲାଭଦାୟକ ଏବଂ ସକାରାତ୍ମକ ଆଲୋଚନା କରିଥିଲେ। ସେମାନେ କେନ୍ଦ୍ର ସରକାରଙ୍କ ଚାରୋଟି ଶ୍ରମ ସଂହିତା କାର୍ଯ୍ୟକାରୀକୁ ହୃଦୟର ସହିତ ସ୍ୱାଗତ କରିଥିଲେ, ଯାହା ବର୍ଷ ବର୍ଷ ଧରି କାର୍ଯ୍ୟକାରୀ ଅପେକ୍ଷାରେ ରହିଥିଲା। NFITU କହିଛି ଯେ ଏହି ଶ୍ରମ ସଂହିତା - ବାଧ୍ୟତାମୂଳକ ସର୍ବନିମ୍ନ ମଜୁରୀ, ବିସ୍ତାରିତ ସାମାଜିକ ସୁରକ୍ଷା, ମହିଳାଙ୍କ ପାଇଁ ସମାନ ଦରମା, ଯୁବକମାନଙ୍କ ପାଇଁ ବାଧ୍ୟତାମୂଳକ ନିଯୁକ୍ତି , ନିରାପଦ କାର୍ଯ୍ୟ ପରିସ୍ଥିତି ଏବଂ ଏକ ସରଳୀକୃତ ବିବାଦ ସମାଧାନ ପ୍ରକ୍ରିୟା କୁ ପ୍ରୋତ୍ସାହିତ କରିବା ସହ ଦେଶର ଲକ୍ଷ ଲକ୍ଷ ଶ୍ରମିକଙ୍କ ଜୀବନରେ ଐତିହାସିକ ଉନ୍ନତି ଏବଂ ମର୍ଯ୍ୟାଦାଜନକ ପରିବର୍ତ୍ତନ ଆଣିବ, ଯାହା ସ୍ୱଚ୍ଛତା, ସ୍ଥିରତା ଏବଂ ସୁରକ୍ଷା ସୁନିଶ୍ଚିତ କରିବ। ESIC ଏବଂ EPFO ର କଭରେଜ କୁ ତୁରନ୍ତ ବିସ୍ତାର କରିବା ପାଇଁ NFITU ଏକ ସ୍ୱତନ୍ତ୍ର ଅନୁରୋଧ କରିଛି, ଅସଂଗଠିତ କ୍ଷେତ୍ର, ଗିଗ୍ କର୍ମଚାରୀ, ପ୍ରବାସୀ ଶ୍ରମିକ ପ୍ଲାଟଫର୍ମ କର୍ମଚାରୀ ଏବଂ କ୍ଷୁଦ୍ର-ଉଦ୍ୟୋଗ ଶ୍ରମିକମାନଙ୍କୁ ସ୍ୱାସ୍ଥ୍ୟ ସୁରକ୍ଷା, ପେନସନ ଏବଂ ପ୍ରୋଭିଡେଣ୍ଟ ପାଣ୍ଠି ସହିତ ଯୋଡ଼ିବା ପାଇଁ ଏବଂ ଇ-ଶ୍ରମ ପୋର୍ଟାଲ୍ ସହିତ ସଂଯୁକ୍ତ ଶ୍ରମିକମାନଙ୍କୁ ପର୍ଯ୍ୟାୟକ୍ରମେ ESIC-EPFO ଲାଭରେ ସାମିଲ କରିବାକୁ ପରାମର୍ଶ ଦେଇଛି। ମାନ୍ୟବର ମନ୍ତ୍ରୀ NFITU ର ପରାମର୍ଶଗୁଡ଼ିକୁ ଗମ୍ଭୀରତାର ସହିତ ଶୁଣିଛନ୍ତି ଏବଂ ବିଭାଗୀୟ ସ୍ତରରେ ତୁରନ୍ତ ପରୀକ୍ଷା ଏବଂ ସକାରାତ୍ମକ କାର୍ଯ୍ୟାନୁଷ୍ଠାନର ଆଶ୍ୱାସନା ଦେଇଛନ୍ତି। NFITU କହିଛି ଯେ ଏହା ଶ୍ରମ କଲ୍ୟାଣ, ସାମାଜିକ ସୁରକ୍ଷା ବିସ୍ତାର ଏବଂ ନିଯୁକ୍ତି ସୃଷ୍ଟି କ୍ଷେତ୍ରରେ ସରକାରଙ୍କ ସହିତ ଗଠନମୂଳକ ସହଯୋଗ ଜାରି ରଖିବ , ଶ୍ରମ ମନ୍ତ୍ରୀଙ୍କ ସକାରାତ୍ମକ, ସମ୍ବେଦନଶୀଳ ଏବଂ ଗଠନମୂଳକ ଆଭିମୁଖ୍ୟ ପାଇଁ ଆମେ ତାଙ୍କୁ ଅଶେଷ ଅଶେଷ ଧନ୍ୟବାଦ ଜଣାଉଛୁ। ସାରା ଦେଶରେ ଶ୍ରମ ସଂହିତାର ପ୍ରଭାବଶାଳୀ ଏବଂ ସୁଗମ କାର୍ଯ୍ୟାନୁଷ୍ଟାନ ପାଇଁ ପୂର୍ଣ୍ଣ ସମର୍ଥନ ପ୍ରଦାନ କରିବାକୁ NFITU ପ୍ରତିବଦ୍ଧ। ଓଡିଶା ରେ ମଧ୍ୟ ଶ୍ରମିକଙ୍କ କଲ୍ୟାଣ ଶ୍ରମ ଶାସନର କେନ୍ଦ୍ରରେ ରହିବ ତାହା ନିଶ୍ଚିତ କରିବା ପାଇଁ ଆମେ ସରକାର ଏବଂ ସମସ୍ତ ବିଭାଗ ସହ ସମ୍ପର୍କ ଜାରି ରଖିବୁ।
NFITU ଓଡ଼ିଶା ଶାଖା ବିଶ୍ୱାସ କରେ ଯେ ଏହା ଓଡ଼ିଶା ଏବଂ ଭାରତରେ ଏକ ନ୍ୟାୟପୂର୍ଣ୍ଣ , ଏବଂ ସଶକ୍ତ ଶ୍ରମ ବ୍ୟବସ୍ଥା ପାଇଁ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ହେବ ବୋଲି ଶ୍ରୀଯୁକ୍ତ ଶରତ କୁମାର ନାହାକ, ସାଧାରଣ ସମ୍ପାଦକ,NFITU ODISHA ଦୃଢ଼ ଆସ୍ଥା ପ୍ରକଟ କରିଛନ୍ତି ।