Odisha Janamata : ଓଡିଶାକୁ ଆସୁଛି ବାତ୍ୟା ସେନ୍ୟାର |

ଓଡିଶାକୁ ଆସୁଛି ବାତ୍ୟା ସେନ୍ୟାର |

23-Nov-2025

ଓଡ଼ିଶାକୁ ଆସୁଛି ବାତ୍ୟା ସେନ୍ୟାର,

ଓଡିଶା ଜନ ମତ ବ୍ୟୁରୋ

ଅକ୍ଟୋବର ମାସରେ ଓଡିଶାକୁ ପ୍ରାୟ ସମୟରେ ବାତ୍ୟା ଭୟ ଲାଗି ରହିଥାଏ | କିଛି ଦିନ ତଳେ ବାତ୍ୟା ମୋନ୍ଥା ଯାଉ ଯାଉ ପୁଣି ମାଡି ଆସିଲାଣି ବାତ୍ୟା ସେନ୍ୟାର । ବଙ୍ଗୋପସାଗରରେ ସୃଷ୍ଟ ଘୂର୍ଣବଳୟ ଲଘୁଚାପର ରୂପ ନେଇ ସାରିଥିବା ବେଳେ ଏହା ବାତ୍ୟାର ରୂପ ନେଇପାରେ । ଆଉ ଏହି ବାତ୍ୟା ଓଡ଼ିଶାରେ ମାଡ଼ ହେବ ବୋଲି ପାଣିପାଗ ବିଭାଗର ପୂର୍ବାନୁମାନ ପରେ ଏବେ ଚିନ୍ତା ବଢ଼ିଲାଣି । ୱିଣ୍ଡିର ଆକଳନ ଅନୁସାରେ ଓଡ଼ିଶାକୁ ହିଟ୍ କରିପାରେ ବାତ୍ୟା । ଡିସେମ୍ବର ୧ରେ ଓଡ଼ିଶା ଛୁଇଁବା ସମ୍ଭାବନା ରହିଛି ।
ଲଘୁଚାପ ହେବା ପରେ ଏହା ପଶ୍ଚିମ-ଉତ୍ତର ପଶ୍ଚିମ ଦିଗରେ ଗତି କରି ଘନୀଭୂତ ହୋଇ ୨୪ ତାରିଖ ବେଳକୁ ଅବପାତର ରୂପ ନେବାର ସମ୍ଭାବନା ରହିଛି । ଲଘୁଚାପ ୪୮ ଘଣ୍ଟାରେ ଦିଗ ବଜାୟ ରଖୁବା ସହ ଦକ୍ଷିଣ ପଶ୍ଚିମ ବଙ୍ଗୋପସାଗରରେ ଆହୂରି ଘନୀଭତ ହୋଇପାରେ । ଏହା ପ୍ରଭାବରେ, ଓଡ଼ିଶାରେ ଚାରି ଦିନ ଧରି ପ୍ରବଳ ବର୍ଷାର ସମ୍ଭାବନା ରହିଛି । ଉପକୂଳ ଓ ଦକ୍ଷିଣ ଓଡ଼ିଶାରେ ପ୍ରବଳ ବର୍ଷା ହୋଇପାରେ । ନଭେମ୍ବର ୨୫ ପର୍ଯ୍ୟନ୍ତ ରାଜ୍ୟର ବିଭିନ୍ନ ସ୍ଥାନରେ ବର୍ଷା ହେବାର ପୂର୍ବାନୁମାନ କରାଯାଇଛି । ନଭେମ୍ବର ରେ ବାତ୍ୟା ଆସୁଛି | ତା ପୂର୍ବରୁ ଅକ୍ଟୋବରରେ ବାତ୍ୟା ହୋଇ ଥିଲା | ଅକ୍ଟୋବର ମାସ ହେଲା କ୍ଷଣି ବାତ୍ୟାର ଭୟ ରହେ ଓଡ଼ିଶାକୁ । ଚଳିତ ବର୍ଷ ବି ଅକ୍ଟୋବରରେ ବାତ୍ୟା ଆସିଥିଲା । ହେଲେ ନଭେମ୍ବର ଶେଷ ଆଡ଼କୁ ପୁଣି ଥରେ ବାତ୍ୟା ଆସୁଥିବା କାରଣରୁ ଏଥର ଚିନ୍ତା ବଢ଼ିଲାଣି । ତେବେ ବାତ୍ୟା ହେବ କି ନାହିଁ ସେନେଇ ଭାରତୀୟ ପାଣିପାଗ ବିଭାଗ କୌଣସି ସୃଷ୍ଟ ସୂଚନା ମିଳିନଥିଲେ ବି ୱିଣ୍ଡିର ପୂର୍ବାନୁମାନ ଏବେ ଚିନ୍ତା ବଢ଼ାଇଲାଣି | ଆମେରିକୀୟ ପାଣିପାଗ ମଡେଲ୍ ଜି ଏଫ ଏସ ଅନୁମାନ କରିଛି, ନଭେମ୍ବର ୨୬ କିମ୍ବା ୨୭ ବେଳକୁ ବଙ୍ଗୋପସାଗରରେ ବାତ୍ୟା ସୃଷ୍ଟି ହେବ । ଏହା ୨୯ ନଭେମ୍ବର ବେଳକୁ ଉତ୍ତର ଆନ୍ଧ୍ରପ୍ରଦେଶ ଉପକୂଳ ଦେଇ ଅତିକ୍ରମ କରିବା ସମ୍ଭାବନା ରହିଛି । ସେହିପରି ୟୁରୋପୀୟ ମଡେଲ ଈ ସି ଏମ ଡ଼ବ୍ଲ୍ୟୁ ଏଫ ପୂର୍ବାନୁମାନ କରିଛି, ନଭେମ୍ବର ୨୫ ବେଳକୁ ବାତ୍ୟା ସୃଷ୍ଟି ହୋଇପାରେ । ଯଦି ଏହା ବାତ୍ୟା ହୁଏ, ତେବେ ଏହାର ନାଁ ରହିବ ସେନ୍ୟାର ।
ତେବେ ପାଣିପାଗ ବିଭାଗର ବିଭିନ୍ନ ମଡେଲ୍ କହୁଛନ୍ତି ଯେ ୨୯ ଓ ୩୦ ତାରିଖରେ ଗଭୀର ଅବପାତ ସୃଷ୍ଟ ହେବା ପରେ ଏହା ଅତି ଭୀଷଣ ବାତ୍ୟା ହୋଇ ଦକ୍ଷିଣ-ପଶ୍ଚିମ ଓ ସଂଲଗ୍ନ ପଶ୍ଚିମ କେନ୍ଦ୍ରୀୟ ବଙ୍ଗୋପସାଗରକୁ ମୁହାଁଇବ ।
ଏହା ଆନ୍ଧ୍ର ଓ ଓଡ଼ିଶାଉପକୂଳ ମୁହାଁଇବାର ସମ୍ଭାବନା ଅଧୂକ ରହିଛି । ତେବେ ନିର୍ଦ୍ଦିଷ୍ଟ ଭାବେ ଏହା କେଉଁଠି ଲ୍ୟାଣ୍ଡଫଲ୍ କରିବ ତାହାର ସମୟ କିମ୍ବା ସ୍ଥାନ ଆକଳନ କରିବା ଏବେ ସମ୍ଭବପର ନୁହେଁ । କାରଣ ଏହି ପ୍ରଣାଳୀ ବର୍ତ୍ତମାନ ପ୍ରାରମ୍ଭିକ ଅବସ୍ଥାରେ ରହିଛି । ଲ୍ୟାଣ୍ଡଫଲ୍ ପାଇଁ ଆହୁରି ସପ୍ତାହେ ସମୟ ରହିଥ‌ିବାରୁ ଆକଳନ ଠିକ୍ ଭାବେ ହୋଇ ପାରୁନାହିଁ । ସମ୍ଭାବ୍ୟ ବାତ୍ୟା ଯେଉଁଠାରେ ଲ୍ୟାଣ୍ଡଫଲ୍ କଲେ ମଧ୍ୟ ବର୍ଷାର ସମ୍ଭାବନା ରହିଥ‌ିବା ନେଇ ଆକଳନ କରାଯାଇଛି ।