Odisha Janamata : ପୁନେ ନାଭାଲେ ଲିକ ନିକଟରେଟ୍ରକସିରିଜ ଦୁର୍ଘଟଣାରେ 9ମୃତ, 20ରୁ ଅଧିକ ଆହାତ ||

ପୁନେ ନାଭାଲେ ଲିକ ନିକଟରେଟ୍ରକସିରିଜ ଦୁର୍ଘଟଣାରେ 9ମୃତ, 20ରୁ ଅଧିକ ଆହାତ ||

14-Nov-2025

ପୁନେ ନାଭାଲେ ଲିକ ନିକଟରେ ଟ୍ରକ୍ ଧକ୍କାରେ9ଜଣଙ୍କ ମୃତ୍ୟୁ ଓ 20ରୁ ଉର୍ଦ୍ଧ ଆହାତ |

ଓଡିଶା ଜନ ମତ ବ୍ୟୁରୋ,

ବେଳେ ବେଳେ ଡ୍ରାଇଭର ଙ୍କ ବେପରୁଆ ଗାଡି ଚାଳନା ହେଉ କିମ୍ବା ଗାଡିର ଯାନ୍ତ୍ରିକ ତ୍ରୁଟି ଯୋଗୁଁ ରାଜ ପଥରେ ବହୁ ଦୁର୍ଘଟଣା ଘଟି ଅଧିକାଂଶ ଲୋକ ଆହାତ ଆକର୍ମଣ୍ୟହୋଇ ଥିବାବେଳେ କିଛି ଲୋକ ପ୍ରାଣ ହରାଇ ଥାନ୍ତି | ସେହିପରି ଗୁରୁବାର ସନ୍ଧ୍ୟାରେ, ପୁଣେ ସହର ଉପକଣ୍ଠରେ ଥିବା ନାଭାଲେ ଲିକ୍ ନିକଟରେ, ଏକ ଭୟଙ୍କର ସଡ଼କ ଦୁର୍ଘଟଣା ଘଟିଛି। ଏଥିରେ ୯ଜଣଙ୍କ ମୃତ୍ୟୁ ହୋଇଥିବା ବେଳେ ୨୦ରୁଉର୍ଦ୍ଧ ଆହତ ହୋଇଛନ୍ତି। ଆହତଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଥିଲେ ମଧ୍ୟ ଏମାନଙ୍କ ମଧ୍ୟରୁ କେତେକଙ୍କ ଅବସ୍ଥା ଅତ୍ୟନ୍ତ ସଂକଟାପନ୍ନ ରହିଥ‌ିବା ହସ୍ପିଟାଲ ସୂତ୍ରରୁ ଜଣାପଡିଛି। ଫଳରେ ମୃତ୍ୟୁ ସଂଖ୍ୟା ବୃଦ୍ଧି ହୋଇପାରେ ବୋଲି ଆଶଙ୍କା କରାଯାଉଛି | ନାଭାଲେ ବ୍ରିଜ ଉପର ଦେଈ ଯାଉଥିବା ଏକମାଲ ବୋଝେଇ ଟ୍ରକ ର ହଠାତ୍ ବ୍ରେକ ଫେଲ୍ ହୋଇଗଲା, ଅନ୍ୟପକ୍ଷେ ଗାଡିର ଗତି ମଧ୍ୟ ବେଶ ଅଧିକ ରହିଥିଲା | ଫଳରେ ଗାଡିଉପରୁ ଡ୍ରାଇଭର ଜଣଙ୍କ ନିୟନ୍ତ୍ରଣ ହରାଇ ଥିଲେ |ଦ୍ରୁତଗତିରେ ଯାଉଥିବା ଟ୍ରକ ଟି ପ୍ରଥମେ ଏକ କେଣ୍ଟେନରକୁ ଧକ୍କା ଦେଇଥିଲା | ଏହାପରେ ଟ୍ରକ୍‌ଟି ଗୋଟିଏ ପରେ ଗୋଟିଏ ଜୋରଦାର ଧକ୍କା ଦେଇଥିଲା । ଫଳରେ ୨୦ରୁ ୨୫ଟି ଗାଡ଼ି ପରସ୍ପର ସହ ଧକ୍କା ଏପରିକି ଟ୍ରକ୍ ଏବଂ କଣ୍ଟେନର ମଧ୍ୟରେ ଫସି ରହିଥ‌ିବା ଏକ କାରରେ ନିଆଁ ଲାଗିଯାଇଥୁଲା | ସେହି କାରରେ ୫ଜଣ ଯାତ୍ରୀ ରହିଥିଲାବେଳେ ସେମାନେ ପ୍ରାଣ ହରାଇଛନ୍ତି । ପୁଲିସ୍ ର ତଦନ୍ତ ଅନୁଯାୟୀ, ଭୋରଗାଓଁ ନିକଟ ଦେଇ ଯାଇଥିବା ପୁଣେ-ନାସିକ ରାଜପଥ (ଏନ୍‌ଏଚ୍-୪୮)ରେ ଏହି ଦୁର୍ଘଟଣା ଘଟିଛି। ଧକ୍କା ଏତେ ଭୟଙ୍କର ଥିଲା ଯେ କାରଟି କଣ୍ଟେନର ମଧ୍ୟରେ ଧକ୍କା ହୋଇଗଲା ଏବଂ ନିଆଁ ଲାଗିବାର କିଛି ସେକେଣ୍ଡ ମଧ୍ୟରେ ନିଆଁରେ ପୋଡ଼ିଗଲା। ଅଗ୍ନିଶମ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବା ପରେ ଆହତଙ୍କୁ ତୁରନ୍ତ ଚିକିତ୍ସା ପାଇଁ ପଠାଯାଇଛି। ଅନ୍ୟପକ୍ଷେ ମୃତକମାନଙ୍କୁ ଚିହ୍ନଟ କରାଯାଉଛି। ଦୁର୍ଘଟଣା ପରେ ରାଜପଥରେ ପ୍ରାୟ ଗୋଟିଏ ଘଣ୍ଟା ପାଇଁ ଯାନବାହାନ ଚଳାଚଳ ବାଧାପ୍ରାପ୍ତ ହୋଇଥିଲା। ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନଭୀସ ଏହି ଘଟଣାରେ ଗଭୀର ଶୋକ ପ୍ରକାଶ କରିବା ସହ ମୃତକଙ୍କ ପରିବାରକୁ ୫ ଲକ୍ଷ କ୍ଷତିପୂରଣ ଘୋଷଣା କରିଛନ୍ତି। ଅନ୍ୟପକ୍ଷେ ଜାତୀୟ ରାଜପଥ ପ୍ରାଧୀକରଣ (ଏନ୍‌ଏଚ୍ଏଆଇ) ପକ୍ଷରୁ ଏହି ଘଟଣାରେ ହେଲ୍ପଲାଇନ୍ ନଂ (୧୦୩୩) ଜାରି କରାଯାଇଛି। ତେବେ ଟିକିଏ ଅସୁବିଧା ଯୋଗୁଁ କେତେଜଣ ଙ୍କ ଜୀବନ ଚାଲିଯିବା ସହ କିଛିଲୋକ ଆହାତ ହୋଇଗଲେ | ତେଣୁ ଗାଡି ଚଳେଇବା ପୂର୍ବରୁ ସବୁ ଯନ୍ତ୍ର, ପାତି କୁ ଚେକ କରି ଗାଡି ଚଲେଇଲେ ଯଦିବି କିଛି ଦୁର୍ଘଟଣା ହୁଏ ତାକୁ କିଛିମାତ୍ରାରେ ପ୍ରତିହତ କରିହେବ ବୋଲି ଅଭିଜ୍ଞ ଡ୍ରାଇଭର ମାନେ ମତଦେଇଛନ୍ତି |

କୋରାପୁଟ ଜିଲ୍ଲା କେନ୍ଦୁ ଗୁଡ଼ାରେ, ଝାଡା ବାନ୍ତି ରେ 2ମୃତ, 16 ଆକ୍ରାନ୍ତ |

କଟକ ବାଲି ଯାତ୍ରା ରେ ଶ୍ରେୟା ଙ୍କ ଗୀତ ଶୁଣିବା ପାଇଁ ଠେଲା, ପେଲା ରେ ଦୁଇ ମହିଳା ଅଚେତ |