Odisha Janamata : କୋରାପୁଟ ଜିଲ୍ଲା କେନ୍ଦୁ ଗୁଡ଼ାରେ, ଝାଡା ବାନ୍ତି ରେ 2ମୃତ, 16 ଆକ୍ରାନ୍ତ |

କୋରାପୁଟ ଜିଲ୍ଲା କେନ୍ଦୁ ଗୁଡ଼ାରେ, ଝାଡା ବାନ୍ତି ରେ 2ମୃତ, 16 ଆକ୍ରାନ୍ତ |

14-Nov-2025

କେନ୍ଦୁଗୁଡାରେ ଝାଡ଼ାବାନ୍ତି ରେ ଦୁଇ ମୃତ, ୧୬ ଆକ୍ରାନ୍ତ,

ଓଡିଶା ଜନ ମତ ବ୍ୟୁରୋ,

କୋରାପୁଟ ଜିଲ୍ଲା କୁନ୍ଦୁରା ବ୍ଲକ କେନ୍ଦୁଗୁଡାରେ ଝାଡ଼ାବାନ୍ତି ଆତଙ୍କ । ଏକ ସପ୍ତାହ ମଧ୍ୟରେ ଗାଁ ରେ ଝାଡ଼ାବାନ୍ତିରେ ୧୮ ଜଣ ଆକ୍ରାନ୍ତଙ୍କ ହୋଇ ଥିବା ବେଳେ ବେଳେ ସେଥି ମଧ୍ୟରୁ ଦୁଇ ମହିଳଙ୍କ ମୃତ୍ୟୁ ଘଟିଥିବା ଅଭିଯୋଗ ହୋଇଛି | ମୃତକ ଦୁଇ ଜଣ ମହିଳା କେନ୍ଦୁଗୁଡାର ୩୫ ବର୍ଷୀୟ ଫୁଲମତି ଘସର୍ଗୀଆ ଏବଂ ୫୧ ବର୍ଷୀୟ ହୀରାଦେବୀ ଘସର୍ଗୀଆ | ଗାଁରେ ଝାଡ଼ାବାନ୍ତି ବ୍ୟାପି ବାର କାରଣ କଣ ରହିଛି ତାହା ଜଣାପଡ଼ିନଥିବା ବେଳେ ଦୂଷିତ ପାଣି ଯୋଗୁ ଏହିଭଳି ପରିସ୍ଥିତି ଉପୁଜିଥ‌ିବା ଆନୁମାନ କରାଯାଇଛି । କୁନ୍ଦୁରା ମେଡିକାଲ ଟିମ ଗାଁ ରେ କ୍ରମାଗତ ଭାବେ ତଦନ୍ତ କରୁଛନ୍ତି ଏବଂ ଗାଁର ବିଭିନ୍ନ ସ୍ଥାନର ପିଇବା ପାଣି ନମୁନା ସଂଗ୍ରହ କରିଛି । ତେବେ ରିପୋର୍ଟ ଆସିଲେ ତାହା ସୃଷ୍ଟ ହେବ ଜଣାପଡିଛି। ଆକ୍ରାନ୍ତଙ୍କ ମଧ୍ୟରୁଯୋଗେଶ ଗୋରା ହାଣ୍ଡିଆ, ରନ୍ ବତି ଭୂମିଆ, ଜିତେନ୍ଦ୍ର ତେନ୍ଦ୍ର ପୂଜାରୀ, ଦେବେନ୍ଦ୍ର ଦେବେଭୂମିଆ, ବାସୁ ଭୂମିଆ, ଭୂମି ରିନା ପୂଜ ପୂଜାରୀ, ଏବଂ ଫୁଲମତି ମସିଆ ପ୍ରମୁଖ ଚିକିତ୍ସା ପରେ ସେମାନେ ସୁସୁ ଅଛନ୍ତି। ଏ ନେଇ ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ର ଅଧିକାରୀ ଡାକ୍ତର ଗଣେଶ ପ୍ରସାଦ ଦାସଙ୍କୁ ପଚାରିବାରୁ ସେହି କହିଛନ୍ତି ଯେ, ଗାଁ ପ୍ରତି ତିକ୍ଷ୍ଣ ନଜର ରଖାଯାଇଛି। ପ୍ରତିଦିନ ଦୁଇ ବେଳା ଡାକ୍ତରୀ ଦଳ ଯାଇ ସ୍ଥିତି ନିରୀକ୍ଷଣ କରୁଛନ୍ତି । ଗାଁରେ ଅଧୂକ ଯେପରି ନ ବ୍ୟାପିବ ସେଥି ପାଇଁ ଗ୍ରାମବାସୀଙ୍କୁ ସଚେତନ କରାଯାଉଛି । ଔଷଧ ଓ ଆର ଏସ ଆଦି ଯୋଗାଇ ଦିଆଯାଉଛି। ଆକ୍ରାନ୍ତ ହେବା ସଙ୍ଗେ ସଙ୍ଗେ ରୋଗୀଙ୍କୁ ମେଡିକାଲ୍ ଆଣିବା ପରି ବର୍ତ୍ତେ ଗୁଣିଆଙ୍କ ପାଖକୁ ନିଆଯାଉଛି। ବହୁ ବିଳମ୍ବରେ ଓ ସ୍ଥିତି ଅଣାୟତ ହେବା ପରେ ମେଡିକାଲ୍ କୁ ଅଣାଯାଉଛି ଓ ତେଣୁ ଗାଁ ରେ ଦୁଇ ମହିଳାଙ୍କ ମୃତ୍ୟୁ ଘଟିଛି। ଖବର ପାଇ କୋରାପୁଟ ଡି ପି ଏମ୍ ଏବଂ ଆଶା ମ୍ୟାନେଜର ଗାଁକୁ ଆସି ସ୍ଥିତି ଅନୁଧ୍ୟାନ କରି ଫେରିଥ‌ିବା ଜଣାପଡିଛି