ପରିବେଶ ର ସୁରକ୍ଷା କରୁଛନ୍ତି ଶାଗୁଣା ମାନେ |
06-Nov-2025
ଶାଗୁଣା ବଂଶ ବିଲୁପ୍ତ ପ୍ରାୟ
ପରିବେଶର ରକ୍ଷକହେଉଛନ୍ତି ଶାଗୁଣା,
ଓଡିଶା ଜନ ମତ ବ୍ୟୁରୋ,
ଦିନକୁ ଦିନ ଶାଗୁଣା ବଂଶ ଲୋପ ପାଇବାକୁ ଗଲାଣି | କିଛି ବର୍ଷ ପୂର୍ବରୁ ଯଦି କେଉଁ ସ୍ଥାନରେ ପଶୁପକ୍ଷୀ ମରି ପଡ଼ିଥାନ୍ତି ତେବେ ତାଙ୍କ ଚତୁର୍ପାଶ୍ୱ ରେ ଦଳ, ଦଳ ଶାଗୁଣା ପକ୍ଷୀ ଉଡି ତାହାର ମାଂସ କୁ ଖାଇ ଥାନ୍ତି | ହେଲେ 1999 ମହାବାତ୍ୟା ପରେ ଓଡ଼ିଶାରେ ପ୍ରାୟ ଶାଗୁଣା ବଂଶ ଲୋପପାଇ ଗଲାଣି, ଯାହାଅଛି ତାହା କିଛିକି ନୁହଁ | ପ୍ରତି ବର୍ଷ ସେପପ୍ଟେମ୍ବର ପ୍ରଥମ ଶନିବାରକୁ ‘ ଅନ୍ତର୍ଜାତୀୟ ଶାଗୁଣା ସଚେତନତା ଦିବସ’ ଭାବରେ ପାଳନ କରାଯାଇ ଆସୁଛି ।
୨୦୦୬ ମସିହାରେ ଦକ୍ଷିଣ— ଆଫ୍ରିକାର ଏନ୍ଡେଞ୍ଜର୍ଡ ୱାଇଲ୍ଡ ଲାଇଫ୍ ଟ୍ରଷ୍ଟ ଓ ଇଂଲଣ୍ଡର ହକ୍ କଞ୍ଜରଭାନ୍ତି ଟ୍ରଷ୍ଟ ମିଳିତଭାବେ ଶାଗୁଣାଙ୍କ ସଂରକ୍ଷଣ ସକାଶେ ଅନ୍ତର୍ଜାତୀୟ ଶାଗୁଣା ସଚେତନତା ଦିବସ ଆରମ୍ଭ କରିଥିଲେ । ତେବେ ପ୍ରଥମ ଅନ୍ତର୍ଜାତୀୟ ଶାଗୁଣା ସଚେତନତା ଦିବସ ୨୦୦୯ ସେପମ୍ବର ପ୍ରଥମ ଶନିବାର ପାଳନକରାଯାଇଥିଲା । ପରିବେଶକୁ ପରିଷ୍କାର ରଖିବାରେ ଶାଗୁଣାଙ୍କ ଭୂମିକା ରୁତ୍ଵପୂର୍ଣ ଅଟେ କାରଣ ମରିଯାଇଥିବା ଜୀବଜନ୍ତୁ ପଚି ଶଢ଼ି ପରି ବେଶକୁ ପ୍ରଦୂଷଣ କରିବା ପୂର୍ବରୁ ଏମାନେ ସେଗୁଡ଼ିକୁ ଖାଇଦିଅନ୍ତି । ପ୍ରତିକୂଳ ସ୍ଥିତିକୁ ଭୂକ୍ଷେପ ନ କରି ଏମାନେ ନିଜ କାମରେ ଲାଗିଥାଆନ୍ତି । କିନ୍ତୁ ପରିତାପର ବିଷୟ, ଯେ ପରି ପରିବେଶ ସଫେଇରେ ବିଶେଷ ଭୂମିକା ନିଭାଉଥିବା ଏହି ପକ୍ଷୀଙ୍କ ବଂଶ ଧୀରେ ଧୀରେ ରେ ଲୋପ ପାଇଯିବାକୁ ବସି ବସିଛି । ତେଣୁ ଏମାନଙ୍କୁ ନେଇ ପରିବେଶବିତ୍ମାନେ ଉଦ୍ବେଗ ପ୍ରକାଶ କଲେଣି। ଏହି ଅବସରରେ ପରିସଂସ୍ଥା ସୁରକ୍ଷାକାରୀ ଶାଗୁଣାଙ୍କ ଗୁରୁତ୍ବପୂର୍ଣ ଭୂମିକା ବିଷୟ ରେ ଜନସାଧାରଣଙ୍କୁ ଅବଗତ କରାଇବା ଏବଂ ବିପଦଗ୍ରସ୍ତ ଉକ୍ତ ପ୍ରଜାତିଙ୍କ ସଂରକ୍ଷଣ ପ୍ରୟାସକୁ ପ୍ରୋତ୍ସାହିତ କରାଯାଇଥାଏ।