Odisha Janamata : ଗାଙ୍ଗପୁର ପୋଲିସ ତରଫରୁ ଜଣେ ନାବାଳିକା କୁ ଦୁଷ୍କର୍ମ ଓ ଗର୍ଭବତୀ ମାମଲା ରେ ଯୁବକ ଗିରଫ |

ଗାଙ୍ଗପୁର ପୋଲିସ ତରଫରୁ ଜଣେ ନାବାଳିକା କୁ ଦୁଷ୍କର୍ମ ଓ ଗର୍ଭବତୀ ମାମଲା ରେ ଯୁବକ ଗିରଫ |

06-Sep-2025

ନାବାଳିକାକୁ ଦୁଷ୍କର୍ମ ଓ ଗର୍ଭବତୀ ମାମଲାରେ ଯୁବକ ଗିରଫ,

ଓଡିଶା ଜନ ମତ ,

ବ୍ରହ୍ମପୁର,କୈଳାଶ ଚନ୍ଦ୍ର ଚୌଧୁରୀ
ଘରେ କେହି ନଥିବାର ସୁଯୋଗ ନେଇ ଜଣେ ନାବାଳିକାକୁ ଦୁଷ୍କର୍ମ କରି ଗର୍ଭବତୀ କରିବା ମାମଲାରେ ଆଜି ଜଣକୁ ଗିରଫ କରିଛନ୍ତି ଗାଙ୍ଗପୁର ପୋଲିସ୍ I ଗିରଫ ବ୍ୟକ୍ତି ଜଣକ ଗାଙ୍ଗପୁର ଥାନା ଅନ୍ତର୍ଗତ କାଳିଆଗୁଡ଼ା ଗ୍ରାମର ଭଞ୍ଜ ନାଇକ I ସୂଚନା ପ୍ରକାରେ ଗତ ମାସ ସତର ତାରିଖରେ ନାବାଳିକାଙ୍କ ମାଆ ଗାଙ୍ଗପୁର ଥାନାରେ ଅଭିଯୋଗ ଏହି ଯେ ତାଙ୍କ ସ୍ଵାମୀ ଚେନେଇ ଯାଇ ମୂଲ କାମ କରନ୍ତି । ସେ ମଧ୍ୟ ନିଜ ପାଞ୍ଚ ଝିଅକୁ ନେଇ ବଡ ଭଉଣୀ ଏବଂ ମାଆଙ୍କ ସହିତ ଭୁବନେଶ୍ୱରରେ ରହି ମୂଲ କାମ କରନ୍ତି । କିଛିଦିନ ତଳେ ତାଙ୍କର ୧୩ ବର୍ଷୀୟା ନାବାଳିକା ଝିଅ ପେଟ କାଟୁଛି କହି ବାନ୍ତି କରିବାରୁ ସେ ସନ୍ଦେହ କରି ଗର୍ଭ ପରୀକ୍ଷା କୀଟ ଆଣି ପରୀକ୍ଷା କରିଥିଲେ I ପରୀକ୍ଷାରୁ ତାଙ୍କ ଝିଅ ଗର୍ଭବତୀ ଅଛି ଜାଣିବା ପରେ ଝିଅକୁ ପଚାରି ଜାଣିବାକୁ ପାଇଥିଲେ ଯେ ଗତ ଜୁଲାଇ ମାସରେ ଅଭିଯୋଗ କାରିଣୀ ନିଜ ପାଞ୍ଚ ଝିଅକୁ ନେଇ ତାଙ୍କ ବାପା ଘର କାଳିଆଗୁଡାକୁ ଯାଇଥିଲେ । କାଳିଆଗୁଡା ଗାଁରେ ଥିବା ସମୟରେ ଦିନେ ଖରାବେଳେ ଉକ୍ତ ମହିଳା ଦୋକାନକୁ ଯାଇଥିବା ସମୟରେ ଘରେ ତାଙ୍କ ପାଞ୍ଚ ଝିଅ ଶୋଇଥିଲେ I ଏହି ସମୟରେ ତାଙ୍କ ବାପ ଘର ପଡ଼ୋଶୀ ପିଉସୀ ପୁଅ ଭାଇ ଭଞ୍ଜ ନାଇକ ଘରେ ପଶି ତାଙ୍କ ନାବାଳିକା ଝିଅର ପାଟିରେ କନା ପୁରେଇ ଦୁଷ୍କର୍ମ କରି ଧମକ ଦେଇ ଘଟଣାସ୍ଥଳରୁ ଚମ୍ପଟ୍ ମାରିଥିଲା।