Odisha Janamata : ନିଖିଳ ଉତ୍କଳ ଖରୁଡ଼ା ସମାଜ ଖୋର୍ଦ୍ଧା ଶାଖା ପକ୍ଷରୁ ଗୋମାତା ଙ୍କୁ ଖାଦ୍ୟ ବଣ୍ଟନ ଓ ରକ୍ଷା ବନ୍ଧନ ଅନୁଷ୍ଠିତ |

ନିଖିଳ ଉତ୍କଳ ଖରୁଡ଼ା ସମାଜ ଖୋର୍ଦ୍ଧା ଶାଖା ପକ୍ଷରୁ ଗୋମାତା ଙ୍କୁ ଖାଦ୍ୟ ବଣ୍ଟନ ଓ ରକ୍ଷା ବନ୍ଧନ ଅନୁଷ୍ଠିତ |

09-Aug-2025

ନିଖିଳ ଉତ୍କଳ ଖରୁଡ଼ା ସମାଜ ଖୋର୍ଦ୍ଧା ଶାଖା ପକ୍ଷରୁ ଗୋ ମାତା ଙ୍କୁ ଖାଦ୍ୟ ବଣ୍ଟନ ଓ ରକ୍ଷା ବନ୍ଧନ
--------------------------------------------
ଓଡିଶା ଜନମତ,ଖୋର୍ଦ୍ଧା, ଗୋପାଳକୃଷ୍ଣ ପ୍ରଧାନ

ଖୋର୍ଦ୍ଧା ସହର ଅଧିନ କୋର୍ଟ ପାଖ ରେ ଥିବା ଗୋଶାଳା ରେ ନିଖିଳ ଉତ୍କଳ ଖରୁଡ଼ା ସମାଜ ଖୋର୍ଦ୍ଧା ଶାଖା ପକ୍ଷରୁ ସଭାପତି ରବୀନ୍ଦ୍ର ନାୟକ ଓ ସମ୍ପାଦକ ଶିବଶଙ୍କର ନାୟକଙ୍କ ଆୟୋଜନ ରେ ପବିତ୍ର ରକ୍ଷା ବନ୍ଧନ ଉପଲକ୍ଷେ ଗୋ ମାତା ଙ୍କୁ ଖାଦ୍ୟ ବଣ୍ଟନ ସହିତ ରକ୍ଷା ବନ୍ଧନ କରାଯାଇଥିଲା।ଅନୁଷ୍ଠାନ ର ୧୫ ରୁ ୨୦ ଜଣ ସଦସ୍ୟ ଏକତ୍ର ହୋଇ ଗୋଶାଳା ରେ ଥିବା ଗୋ ମାତା ଙ୍କୁ ଦୀପ, ଧୂପ ,ଚନ୍ଦନ,ଫୁଲ ମାଳ ଦେଇ ପୂଜା କରିବା ପରେ ପବିତ୍ର ରାଖୀ ବାନ୍ଧିଥିଲେ।ତତ ସହିତ କଦଳୀ,ସେଓ,କମଳା,ଓ ଅନ୍ୟାନ୍ୟ ଖାଦ୍ୟ ଦେଇଥିଲେ।ସେହିପରି ଉକ୍ତ ଅଞ୍ଚଳ ସଫା କରିଥିଲେ।ଏହି ସମୟରେ ଗୋଶାଳରେ ଏକ ଆଧ୍ୟାତ୍ମିକ ଓ ମନୋଜ୍ଞ ପରିବେଶ ସୃଷ୍ଟି ହୋଇଥିଲା ବେଳେ ଗୋମାତା ମାନେ ଏକ ଲୟରେ ଅନୁଷ୍ଠାନର କର୍ମକର୍ତ୍ତା ଙ୍କୁ ଚାହିଁ ରହିଥିଲେ।ସତେ ଯେମିତି ମା ଓ ପିଲାଙ୍କ ବାତ୍ସଲ୍ୟ ମମତା ବାରି ହୋଇ ପଡୁଥିଲା।ଅନୁଷ୍ଠାନ ର କର୍ମକର୍ତ୍ତା ଙ୍କ ଏଭଳି କାର୍ଯ୍ୟ କୁ ଗୋଶାଳାର କର୍ମକର୍ତ୍ତା ଓ ସ୍ଥାନୀୟ ବୃଦ୍ଧିଜୀବୀ ପ୍ରଶଂସା କରିଥିଲେ।ଏହି ମହତ କାର୍ଯ୍ୟ ରେ ଅନ୍ୟ ମାନଙ୍କ ମଧ୍ୟରେ ଉପସଭାପତି କୃଷ୍ଣଚନ୍ଦ୍ର ନାୟକ,ସହସମ୍ପଦକ ନୃସିଂହ ଚରଣ ନାୟକ, କୋଷାଢ଼6 ଦିଲ୍ଲୀପ କୁମାର ନାୟକ ସଭ୍ୟ ଦେବରାଜ ନାୟକ ,ହରିଶ ଚନ୍ଦ୍ର ନାୟକ,ଙ୍କ ସହିତ ଅନ୍ୟ ସଭ୍ୟ ମାନେ ଉପସ୍ଥିତ ରହି ସହଯୋଗ କରିଥିଲେ।ଏହି ଅନୁଷ୍ଠାନ କେବଳ ଯେ ଏହି କାର୍ଯ୍ୟ ନୁହେଁ ମେଡ଼ିକାଲ ସଫେଇ,ବୃକ୍ଷରୋପଣ ,ବରୁଣେଇ ଅଞ୍ଚଳକୁ ରଜ ସମୟରେ ସଫେଇ,ଆଦି କରିଥିଲା ବେଳେ ଖୁବଶୀଘ୍ର ରକ୍ତଦାନ ଶିବିର କରିବାକୁ ନିଷ୍ପତି ନେଇଥିବା ସମ୍ପାଦକ ଶିବ ଶଙ୍କର ନାୟକ ସୂଚନା ଦେଇଛନ୍ତି