Odisha Janamata : ଭଞ୍ଜନଗର ମେଡିକାଲ ରେ ଚିକିତ୍ସା ପାଇଁ ଯାଇ ଥିବା ରୋଗୀକୁ ଡାକ୍ତର ଙ୍କ ଅଣଦେଖା ଯୋଗୁଁ ରୋଗୀର ମୃତ୍ୟୁ |

ଭଞ୍ଜନଗର ମେଡିକାଲ ରେ ଚିକିତ୍ସା ପାଇଁ ଯାଇ ଥିବା ରୋଗୀକୁ ଡାକ୍ତର ଙ୍କ ଅଣଦେଖା ଯୋଗୁଁ ରୋଗୀର ମୃତ୍ୟୁ |

20-Jul-2025

ଜୀବନ୍ତ ମଣିଷ ଶବ ହୋଇ ଫେରୁଛି

ଓଡିଶା ଜନମତ ଭଞ୍ଜନଗର, ସପନ କୁମାର ସେଠୀ :

କୁନି ଝିଅ ପୋଛି ଦେଉଛି ମାଆ ଆଖିର ଲୁହ!!! ମାଆ ଲୋ କଣ ହେଲା, କାନ୍ଦେନି। ଏମାନେ ଡାକ୍ତର ନୁହନ୍ତି ଲୋ, ଏମାନେ ହେଲେ ନର ରୂପି ରାକ୍ଷସ। ଡାକ୍ତର ର କାମ ହେଲା ରୋଗୀ ସେବା କରିବା। ସେଥି ପାଇଁ ଡାକ୍ତର ଙ୍କୁ ଭଗବାନ ଙ୍କ ରୂପ ଦିଆ ଯାଇଛି।ରୋଗୀଟିଏ ଉତ୍ତମ ସ୍ୱାସ୍ଥ୍ୟ ପାଇଁ ଧାଇଁ ଆସି ଥାଏ ସରକାରୀ ଡାକ୍ତରଖାନାକୁ କିନ୍ତୁ ଅନେକ ସମୟରେ ଏସବୁର ବ୍ୟତୀକ୍ରମ ଦେଖିବାକୁ ମିଳୁଛି।ଏମିତି କିଛି ଘଟଣା ଦେଖିବାକୁ ମିଳୁଛି ଭଞ୍ଜନଗର ଡାକ୍ତରଖାନାରେ। ଗଂଜାମ ଜିଲ୍ଲା ବାଲିପଦର ନିକଟ ଗଉଙ୍ଗୁ ଅଞ୍ଚଳ ର ଜଣେ ଜ୍ୱର ହେଉଥିବା ରୋଗୀ ଦିନ ତିନିଟାରେ ଭଂଜନଗର ଡାକ୍ତର ଖାନାକୁ ଆସିଥିଲେ।ତାଙ୍କୁ ଚିକିତ୍ସା କରାଯାଇ ଥିଲା ,ସାଲାଇନ ଦିଆ ଯାଇଥିଲା କିନ୍ତୁ ରୋଗୀ କୁ ଠିକ ରେ ଚିକିତ୍ସା ଦିଆ ଯାଇ ନ ଥିଲା ଏପରିକି ଦିଆ ଯାଇଥିବା ସାଲାଇନ ସରି ରୋଗୀ ଦେହରୁ ରକ୍ତ ବାହାରି ଯାଇଥିଲା।ରୋଗୀ ଙ୍କ ସ୍ତ୍ରୀ କେତେ କାକୁତି ମିନତି କଲେ ସୁଦ୍ଧା କେହି ଦେଖିଲେ ନାହିଁ ଯାହାଫଳରେ ରୋଗୀ ର ମୃତ୍ୟ ହୋଇଯାଇଥିଲା | କିନ୍ତୁ ଯେତେବେଳେ ଦୀର୍ଘ ସମୟ ପ୍ରଯ୍ୟନ୍ତ କେହି କିଛି ନ କହିବାରୁ ମେଡିକାଲ ପରିସରରେ ଉତ୍ତେଜନା ସୃଷ୍ଟି ହୋଇଥିଲା।ଏହାକୁ ଦେଖି ମେଡିକାଲ କର୍ତ୍ତୃପକ୍ଷ ମୃତ ବ୍ୟକ୍ତି କୁ ଅକ୍ସୀଜେନ ଦେବାକୁ ଆସିଥିଲେ।ଏଠାରେ ପ୍ରଶ୍ନ ଉଠୁଛି କେଉଁ ଉଦ୍ଧେଶ୍ୟରେ ମୃତ ବ୍ୟକ୍ତି ଙ୍କୁ ଅକ୍ସୀଜେନ ଦିଆଗଲା ?ବଞ୍ଚି ଥିବା ସମୟରେ କଣ ମେଡିକାଲ ରେ ଅକ୍ସୀଜେନ ନ ଥିଲା କି?ସୂଚନାଯୋଗ୍ୟ ଯେ ଗୋଟିଏ ଦିନରେ ତିନି ତିନୋଟି ରୋଗୀ ମାରିବା ଘଟଣା କୁ ଚକିତ କରୁଛି।ଏହି ଘଟଣା ଜାଣିବା ପରେ ଯୁବ ସମାଜ ସେବୀ ତଥା କଂଗ୍ରେସ ନେତା କୁଲୁ ଭୂୟାଁ ଭଞ୍ଜନଗର ମେଡିକାଲ ରେ ପହଂଚି ମୃତ ପରିବାରକୁ ଶାତ୍ବନା ଦେବା ସହ ଘଟଣା ବିଷୟରେ ବୁଝି ଥିଲେ।ସୂଚନାଯୋଗ୍ୟ ଅନେକ ସମୟରେ ମେଡିକାଲ କର୍ମଚାରୀ ଙ୍କ ଵ୍ୟବହାର ଓ ମେଡିକାଲ ଷ୍ଟାଫ ମାନଙ୍କ ମନୋମୁଖୀ କାମ ଯୋଗୁଁ ରୋଗି ମୃତ୍ୟୁ ହେଉଛି।ଏହା ଛଡା ରାତ୍ର ସମୟରେ ଆସୁଥିବା ଗୁରୁତର ନ ଥିବା ରୋଗୀ ମାନଙ୍କୁ ବ୍ରହ୍ମପୁର କୁ ପଠା ଯାଉଛି।ତେଣୁ ନାହିଁ ନାହିଁ ରେ ଚାଲୁଥିବା ଭଞ୍ଜନଗର ମେଡ଼ିକାଲ ର ସମସ୍ୟା କେବେ ସୁଧୁରିବ ତାହା ଦେଖିବାକୁ ବାକି ରହିଲା।