Odisha Janamata : ଖଲ୍ଲିକୋଟ ଶିଶୁ ବିକାଶ ବିଦ୍ୟା ମନ୍ଦିର ରେ ଗୁରୁପୂର୍ଣ୍ଣିମା ବନୋ ମହୋତ୍ସବ ପାଳିତ |

ଖଲ୍ଲିକୋଟ ଶିଶୁ ବିକାଶ ବିଦ୍ୟା ମନ୍ଦିର ରେ ଗୁରୁପୂର୍ଣ୍ଣିମା ବନୋ ମହୋତ୍ସବ ପାଳିତ |

11-Jul-2025

ଖଲ୍ଲିକୋଟ: ଶିଶୁ ବିକାଶ ବିଦ୍ୟା ମନ୍ଦିରରେ ଗୁରୁପୂର୍ଣ୍ଣିମା, ବନମହୋତ୍ସବ ପାଳିତ

ଓଡିଶା ଜନମତ ବ୍ୟୁରୋ,

ଖଲ୍ଲିକୋଟ ସ୍ଥିତ ଅଗ୍ରଣୀ ଶିକ୍ଷାନୁଷ୍ଠାନ ଶିଶୁ ବିକାଶ ବିଦ୍ୟା ମନ୍ଦିର ପକ୍ଷରୁ ପବିତ୍ର ଗୁରୁପୂର୍ଣ୍ଣିମା ଉତ୍ସବ ସହିତ ବନମହୋତ୍ସବ ଆନୁଷ୍ଠାନିକ ରୀତିରେ ପାଳିତ ହୋଇଯାଇଛି । ପ୍ରାତଃ ସମୟରେ ଗୁରୁପୂର୍ଣ୍ଣିମା ଉତ୍ସବ ପାଳନ ହେବା ଅବସରରେ ଏକ ବୈଠକ ଅନୁଷ୍ଠାନର ପ୍ରଧାନ ଆଚାର୍ଯ୍ୟା ଶ୍ରୀମତୀ ଅନୁସୂୟା ମହାରଣାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା । ଅନୁଷ୍ଠାନର ସମ୍ପାଦକ ଶ୍ରୀଯୁକ୍ତ ଭାଗିରଥି ସ୍ୱାଇଁ ପ୍ରଦୀପ ପ୍ରଜ୍ଜ୍ୱଳନ କରିବା ପରେ ଆଚାର୍ଯ୍ୟାଙ୍କ ସହିତ ଶିଶୁମାନେ ଦୀପ ମନ୍ତ୍ର ଉଚ୍ଚାରଣ କରିଥିଲେ । ଶିଶୁମାନେ ଗୁରୁ ବନ୍ଦନା ଗାନ କରିବା ସହିତ ଗୁରୁଜୀ ଗୁରୁମାଆମାନଙ୍କୁ ପାରମ୍ପରିକ ରୀତିରେ ପୂଜନ କରିଥିଲେ । ଗୁରୁପୂର୍ଣ୍ଣିମା ପାଳନର ଉଦ୍ଦେଶ୍ୟ, ମହାନ ପରମ୍ପରା, ସମାଜରେ ଗୁରୁଙ୍କ ପ୍ରତି ସମ୍ମାନବୋଧ, ପ୍ରକାରାନ୍ତରେ ଗୁରୁ ଆଦି ବହୁବିଧ ଦିଗ ସମ୍ପର୍କରେ ଅନୁଷ୍ଠାନର ସମ୍ପାଦକ ଶ୍ରୀଯୁକ୍ତ ଭାଗିରଥି ସ୍ୱାଇଁ, ପ୍ରଧାନ ଆଚାର୍ଯ୍ୟା ଅନୁସୂୟା ମହାରଣା, ସହ ପ୍ରଧାନ ଆଚାର୍ଯ୍ୟା କାଜଲ ବାରିକ, ସହକାରୀ ଆଚାର୍ଯ୍ୟା ସୁମିତ୍ରା ଜେନା, ସୁବାସିନୀ ଖଟୁଆ ପ୍ରମୁଖ ବକ୍ତବ୍ୟ ଉପସ୍ଥାପନ କରିଥିଲେ । ତତ୍ପରେ ଅନୁଷ୍ଠାନ ପରିସରରେ ପଠନରତ ଶିଶୁ, ଗୁରୁ ଜୀ, ଗୁରୁମା ମିଶି ଉତ୍ସାହ ସହକାରେ ବହୁ ଉପାଦେୟ ବୃକ୍ଷ ରୋପଣ କରି ବନମହୋତ୍ସବ ପାଳନ କରିଥିଲେ ।