Odisha Janamata : ନିଷ୍ଠା--ସମତା ଓ ଅନ୍ତର୍ନିବେଶୀ ଶିକ୍ଷା ଶିକ୍ଷକ ତାଲିମ କାର୍ଯ୍ୟକ୍ରମ ଅନୁଷ୍ଠିତ |

ନିଷ୍ଠା--ସମତା ଓ ଅନ୍ତର୍ନିବେଶୀ ଶିକ୍ଷା ଶିକ୍ଷକ ତାଲିମ କାର୍ଯ୍ୟକ୍ରମ ଅନୁଷ୍ଠିତ |

11-Jul-2025

ନିଷ୍ଠା-ସମତା ଓ ଅନ୍ତର୍ନିବେଶୀ ଶିକ୍ଷା ଶିକ୍ଷକ ତାଲିମ କାର୍ଯ୍ୟକ୍ରମ

ଅନୁଷ୍ଠିତ,

ଓଡିଶା ଜନମତ ବ୍ୟୁରୋ,

ନିଷ୍ଠା -ସମତା ଓ ଅନ୍ତର୍ନିବେଶୀ ଶିକ୍ଷା ଶିକ୍ଷକ ତାଲିମ କାର୍ଯ୍ୟକ୍ରମରେ ବ୍ଲକର ସମସ୍ତ ବିଦ୍ୟାଳୟରୁ ଜଣେ ଜଣେ ଶିକ୍ଷକ ଶିକ୍ଷୟିତ୍ରୀ ତାଲିମ ଗ୍ରହଣ କରିବା ପରିପ୍ରେକ୍ଷୀରେ ସ୍ଥାନୀୟ ଗୋଷ୍ଠୀ ଶିକ୍ଷା କାର୍ଯ୍ୟାଳୟ ତରଫରୁ ଷ୍ଟାରସ୍ କାର୍ଯ୍ୟକ୍ରମରେ ବ୍ୟବସ୍ଥା କରାଯାଇଛି । ଏହି ତାଲିମ କାର୍ଯ୍ୟକ୍ରମରେ ସମୁଦାୟ ୧୯୩ ଜଣ ଶିକ୍ଷକ ଶିକ୍ଷୟିତ୍ରୀଙ୍କୁ ୪ଟି ପର୍ଯ୍ୟାୟରେ ତାଲିମ ପ୍ରଦାନ ପାଇଁ ସ୍ଥିରୀକୃତ ହୋଇଛି । ସମ୍ପ୍ରତି ଦୁଇଗୋଟି ପର୍ଯ୍ୟାୟ ତାଲିମ ସମାପ୍ତି ଘଟି ତୃତୀୟ ପର୍ଯ୍ୟାୟ ତାଲିମ ଗତ ତା ୦୭/୦୭/୨୫ ରିଖରୁ ଆରମ୍ଭ ହୋଇ ଆଜି ଅର୍ଥାତ୍ ତା ୧୧/୦୭/୨୫ ରିଖ ରେ ସ୍ଥାନୀୟ କନକ ମଞ୍ଜରୀ ବାଳିକା ଉଚ୍ଚ ବିଦ୍ୟାଳୟ ଠାରେ ଉଦଯାପିତ ହୋଇଯାଇଛି । ଖଲ୍ଲିକୋଟ ଗୋଷ୍ଠୀ ଶିକ୍ଷା ଅଧିକାରୀଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ତାଲିମ କାର୍ଯ୍ୟକ୍ରମ ପରିଚାଳିତ ହେଉଛି । ପ୍ରଶିକ୍ଷକ ମନୋଜ କୁମାର ଜେନା, କାମିନିବାଳା ସାହୁ, ଭକ୍ତିଲତା ରାଉତରାୟ ଶିକ୍ଷକ ଶିକ୍ଷୟିତ୍ରୀଙ୍କୁ ପ୍ରଶିକ୍ଷଣ ପ୍ରଦାନ କରିଥିଲେ । ଆଜିର ଉଦଯାପନୀ ଦିବସରେ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀଯୁକ୍ତ ରୁଦ୍ର ନାରାୟଣ ସାହୁ ତାଲିମ ଆୟୋଜନର ଅସଲ ଉଦ୍ଦେଶ୍ୟ, ବିଦ୍ୟାଳୟ ଓ ଛାତ୍ର ଛାତ୍ରୀଙ୍କ ନିକଟରେ ସାର୍ବଜନୀନ ଶିକ୍ଷଣ ଢାଞ୍ଚାକୁ ପହଞ୍ଚାଇପାରିଲେ ତାଲିମ ସଫଳ ହୋଇପାରିବ ବୋଲି ପ୍ରଶିକ୍ଷାର୍ଥୀମାନଙ୍କୁ ମାର୍ଗ ଦର୍ଶନ କରିଥିଲେ । ରାଜ୍ୟ ସମ୍ବଳ କର୍ମୀ ତଥା ଗୋଷ୍ଠୀ ସମ୍ବଳ ଶିକ୍ଷକ ପ୍ରଣବ କୁମାର ଶତପଥୀ ଉପସ୍ଥିତ ରହି ପ୍ରଶିକ୍ଷଣ ପେଟିକା ପ୍ରସ୍ତୁତି ଆଦି ବିଭିନ୍ନ ସୋପାନ ବିଷୟରେ ଆଲୋଚନା କରିଥିଲେ । ଚତୁର୍ଥ ପର୍ଯ୍ୟାୟ ତାଲିମ କାର୍ଯ୍ୟକ୍ରମ ଆଗାମୀ ତା ୧୪/୦୭/୨୫ ରିଖ ରେ ଆରମ୍ଭ ହୋଇ ତା ୧୮/୦୭/୨୫ ରିଖରେ ଉଦଯାପିତ ହେବ ବୋଲି କାର୍ଯ୍ୟାଳୟ ପକ୍ଷରୁ ପ୍ରକାଶ ପାଇଛି । ପ୍ରଶିକ୍ଷଣ ଗ୍ରହଣ କରିଆସୁଥିବା ଶିକ୍ଷକ ଶିକ୍ଷୟିତ୍ରୀ କିଭଳି ଭାବେ ଅନ୍ତର୍ନିବେଶୀ ଶିକ୍ଷାରେ ଦିବ୍ୟାଙ୍ଗ ଛାତ୍ର ଛାତ୍ରୀଙ୍କୁ ଗୁଣାତ୍ମକ ତଥା ସମତା ଭିତ୍ତିକ ଶିକ୍ଷା ଯୋଗାଇ ପାରିବେ , ସେହି ଲକ୍ଷ୍ୟ ଆଭିମୁଖ୍ୟ ଆଧାରରେ ଆୟୋଜିତ ପ୍ରଶିକ୍ଷଣ କାର୍ଯ୍ୟକ୍ରମର ରୂପାୟନ ହୋଇଛି । ସମସ୍ତ ଆଞ୍ଚଳିକ ସାଧନ କର୍ମୀଙ୍କ ପ୍ରତ୍ୟକ୍ଷ ସହଯୋଗ, କାର୍ଯ୍ୟାଳୟ କର୍ମଚାରୀଙ୍କ ସମ୍ପୃକ୍ତି ଯୋଗୁଁ ତାଲିମ କାର୍ଯ୍ୟକ୍ରମ ସୂଚାରୁରୂପେ ସମ୍ପାଦନ ହୋଇଆସୁଛି ।