Odisha Janamata : ଭଞ୍ଜନଗର ବସ ଷ୍ଟାଣ୍ଡ ନିକଟ ମହିଳା ପରିସ୍ରାଗାର ନିକଟରେ କୁଢ଼, କୁଢ଼ ଅକିଆ |

ଭଞ୍ଜନଗର ବସ ଷ୍ଟାଣ୍ଡ ନିକଟ ମହିଳା ପରିସ୍ରାଗାର ନିକଟରେ କୁଢ଼, କୁଢ଼ ଅକିଆ |

30-Jun-2025

ଅଳିଆ କୁଢ ପଲଟିଛି ଭଞ୍ଜନଗର ବସଷ୍ଟାଣ୍ଡ ସ୍ଥିତ ମହିଳା ପରିସ୍ରାଗାର,

ଓଡିଶା ଜନମତ ଭଞ୍ଜନଗର, ସପନ କୁମାର ସେଠୀ:

ଗଂଜାମ ଜିଲ୍ଲାର ପ୍ରମୂଖ ବ୍ଲକ ମଧ୍ୟରେ ଭଞ୍ଜନଗର ବ୍ଲକ ଓ ଏଥି ମଧ୍ୟରେ ଭଞ୍ଜନଗର ବିଜ୍ଞାପିତ ଅଞ୍ଚଳ ପରିଷଦ ର ସୁନାମ ଓଡିଶା ରେ ଅଛି। କାରଣ ଏଠିକାର ସ୍ଵଛତା ସୁନ୍ଦରତା ଓ ପରିମଳ ଉପରେ ପରିଷଦ ଅଧ୍ୟକ୍ଷ ଶ୍ରୀଯୁକ୍ତ ଗୋପବନ୍ଧୁ ମହାପାତ୍ର ଗୁରୁତ୍ୱ ଦେଇଥାନ୍ତି,କିନ୍ତୁ ଭଞ୍ଜନଗର ବିଜ୍ଞାପିତ ଅଞ୍ଚଳ ପରିଷଦ ଅନ୍ତର୍ଗତ ନୂତନ ବସ ଷ୍ଟାଣ୍ଡ ର ଅବସ୍ଥା ନ କହିଲେ ଭଲ। ସରକାରୀ ବସ ଷ୍ଟାଣ୍ଡ ନିକଟରେ ଥିବା ପଥ ପ୍ରାନ୍ତ ପରିଶ୍ରା ଗାର ନିକଟକୁ ଥରେ ଯିଏ ଯିବ ସେ ରୋଗରେ ପଡିବା ସୁନିଶ୍ଚିତ।ସରକାର ମହିଳା ମାନଙ୍କ ସୁବିଧା ସକାଶେ ନିର୍ମାଣ କରିଥିବା ମହିଳା ପରିସ୍ରାଗାର କୁ ଅକ୍ତିଆର କୁ ନେଇଛନ୍ତି ଖୋଲା ମଦୁଆ ମାନେ,ଶୌଚାଳୟ ମଧ୍ୟରେ ପଡ଼ି ରହିଛି କୁଢ଼ କୁଢ଼ ଅଳିଆ, ମଦ ବୋତଲ, ଗ୍ଲାସ।ଏମିତିକି ବହୁ ଦିନ ଧରି ସଫା ହୋଇନି ଏହି ମହିଳା ପରିସ୍ରାଗାର।ନିକଟରେ ପୁରୁଷ ମାନଙ୍କ ପାଇଁ ନିର୍ମାଣ ହୋଇଥିବା ପରିସ୍ରାଗାର ତା ଠାରୁ ଅଧିକ ଶୋଚନୀୟ।ଯିଏ ଯେମିତି ,ଯେଉଁଠି ପରିସ୍ରା କରି ପାରିଲା, ଯିଏ ଯେମିତି ମଳ ତ୍ୟାଗ କରି ପାରିଲା।ଏହି ପ୍ରକାର ଦୟନୀୟ ପରିମଳ ଅବସ୍ଥା କୁ ଦେଖି ଯାତ୍ରୀ ହେଉ କିମ୍ବା ଦୋକାନୀ କିମ୍ବା ବସ କର୍ମଚାରୀ ସମସ୍ତେ ତାଯୁବ ।ମହିଳା ଯାତ୍ରୀ ମାନେ ଯେଉଁ ପ୍ରକାର ହଇରାଣ ହେଉଛନ୍ତି ସେହି ପ୍ରକାର ହଇରାଣ ହେଉଛନ୍ତି ସାଧାରଣ ଯାତ୍ରୀ ଟିଏ।ବସଷ୍ଟାଣ୍ଡ ଠାରୁ ଅଳ୍ପ ଦୂରରେ ଥାନା ଅଫିସ, ଉପଜିଲ୍ଲାପାଳ କାର୍ଯ୍ୟାଳୟ, ବ୍ଲକ କାର୍ଯ୍ୟଳୟ ଏହି ବାଟ ଦେଇ ପ୍ରତିଦିନ ଏହି ଅଫିସ ର ବାବୁମାନେ ଯିବାଆସିବା କରନ୍ତି କିନ୍ତୁ କାହାର ଏଥି ପ୍ରତି ଧ୍ୟାନ ନାହିଁ। ଏଠି ଅଛି ସରକାର ଙ୍କ ଆନ୍ତରିକତା ନା ପ୍ରଶାସନ କାହାର କିଛି ଯାଏଆସ ନାହିଁ। ଏଠି କେବଳ ନିରୀହ ଜନସାଧାରଣ ବଳିପଡୁଛନ୍ତି। ଆଗକୁ ବର୍ଷା ଦିନ ବିଭିନ୍ନ ପ୍ରକାରର ଝାଡା ବାନ୍ତି ଓ ହଇଜା ବ୍ୟାପିବା ର ସମ୍ଭାବନା ରହିଛି ତେଣୁ ସରକାର ଏଥି ପ୍ରତି ଧ୍ୟାନ ଦେବା କୁ ବୁଦ୍ଧିଜୀବୀ ମହଲରେ ଦାବି ଜୋର ଧରିଛି ।
ଆମେ ଖବର ସଂଗ୍ରହ କରିବା ସମୟରେ ମହିଳା ଯାତ୍ରୀ ମାନେ ମୁହଁରେ ରୁମାଲ ଦେବା ସହ ଶୌଚାଳୟ ସାମ୍ନାରେ ଥିବା କୁଢ଼ କୁଢ଼ ମଇଳା ଓ ଶୌଚାଳୟ ଭିତର ଅବସ୍ଥା ଦେଖି ଫେରି ଆସୁଥିଲେ। ମାନେସୂଚନାଯୋଗ୍ୟ ଯେ ଏଠାରେ ଥିବା ହୋଟେଲ ରୁ ମଧ୍ୟ ବର୍ଯ୍ୟ ଵସ୍ତୁ ପରିମଳ ଅବସ୍ଥା କୁ ଗୁରୁତର କରୁଛି।ତେଣୁ ଏଠାରେ ପ୍ରଶ୍ନ ଉଠୁଛି ଯେ ଏହି ପରିମଳ ଅବସ୍ଥା ପାଇଁ ଦାୟୀ କିଏ, ଯଦି ସରକାର ତାଙ୍କ କାର୍ଯ୍ୟ କରୁଛନ୍ତି ,ଜନସାଧାରଣ ମଧ୍ୟ ପରିମଳ କୁ ସଫା ରଖିବାର ଦାଇତ୍ଵ ରହିଛି।ଯେମିତି ନିଜ ଘର ନିଜେ ସଫା ରଖୁଛନ୍ତି ସେହିପରି ନିଜ ସହରକୁ ନିଜେ ସଫା ରଖିବା।ତେଣୁ ସମସ୍ୟା କୁ ଭଞ୍ଜନଗର ବିଜ୍ଞାପିତ ଅଞ୍ଚଳ ପରିଷଦ ଗୁରୁତର ସହ ନେଇ ପରିମଳ ବ୍ୟବସ୍ଥା ମୁ ସୁଧାରିବା ସହ ଜନ ସାଧାରଣ ଙ୍କୁ ମଧ୍ୟ ଅନୁରୋଧ ଏଥିପ୍ରତି ଧ୍ୟାନ ଦେବେ।