Odisha Janamata : ଖୋର୍ଦ୍ଧା ଜିଲ୍ଲା ପ୍ରେସ କ୍ଲବ ପକ୍ଷରୁ ମେଗା ରକ୍ତ ଦାନ ଶିବିର ଅନୁଷ୍ଠିତ |

ଖୋର୍ଦ୍ଧା ଜିଲ୍ଲା ପ୍ରେସ କ୍ଲବ ପକ୍ଷରୁ ମେଗା ରକ୍ତ ଦାନ ଶିବିର ଅନୁଷ୍ଠିତ |

08-May-2025

ଖୋର୍ଦ୍ଧା ଜ଼ିଲ୍ଲା ପ୍ରେସ କ୍ଲବ ପକ୍ଷରୁ ମେଗା ରକ୍ତ ଦାନ ଶିବିର ରେ ୫୧ ୟୁନିଟ ରକ୍ତ ସଂଗୃହିତ,

ଓଡିଶା ଜନମତ,ଖୋର୍ଦ୍ଧା, ଗୋପାଳକୃଷ୍ଣ ପ୍ରଧାନ
8//05/25:

ଖୋର୍ଦ୍ଧ ଜ଼ିଲ୍ଲା ପ୍ରେସ କ୍ଲବ ର ସକ୍ରୀୟ ସଦସ୍ୟ, ସମ୍ମିଳିତ କର୍ମ ଜୀବି ସାମ୍ବାଦିକ ସଙ୍ଘ(ଓ.ୟୁ.ଡବ୍ଲୁ.ଜେ ) ଖୋର୍ଦ୍ଧା ଜ଼ିଲ୍ଲା ଶାଖା ର ସଭାପତି ତଥା ଯୁବ ସମାଜସେଵୀ ପ୍ରକାଶ କୁମାର ହାତୀ ଙ୍କ ଆହ୍ୱାନକ୍ରମେ, ବିଶ୍ୱ ଥାଲେସେମିୟା ଦିବସ ଉପଲକ୍ଷେ ଏକ ମେଗା ରକ୍ତଦାନ ଶିବିର ସାମ୍ବାଦିକ ଭବନ ପରିସରରେ ଅନୁଷ୍ଠିତ ହୋଇଥିଲା l ଖୋର୍ଦ୍ଧା ଜ଼ିଲ୍ଲା ମୁଖ୍ୟ ଚିକିତ୍ସାଳୟ ର, ଡି.ଏମ.ଓ(ଏମ.ଏସ ) ଡାକ୍ତର ମନୋରଞ୍ଜନ ରାଉତ ଆନୁଷ୍ଠାନିକ ଭାବେ ଏହି ଶିବିର କୁ ଉଦଘାଟନ କରିଥିଲେ l ଅନ୍ୟ ମାନଙ୍କ ମଧ୍ୟରେ, ଜ଼ିଲ୍ଲା ପ୍ରେସ କ୍ଲବ ସଭାପତି ଶୁଭ୍ରାଂଶୁ ରଞ୍ଜନ ସାମନ୍ତରାୟ, ସମ୍ପାଦକ ଦିଲ୍ଲୀପ କୁମାର ପଟ୍ଟନାୟକ, ଓ.ୟୁ.ଜେ. ଖୋର୍ଦ୍ଧା ଜ଼ିଲ୍ଲା ଶାଖା ସଭାପତି ତଥା ଜ଼ିଲ୍ଲା ପ୍ରେସ କ୍ଲବ ର ଉପଦେଷ୍ଟା ତପନ କୁମାର ନାୟକ,ଉତ୍କଳ ସାମ୍ବାଦିକ ସଙ୍ଘ ଖୋର୍ଦ୍ଧା ଜ଼ିଲ୍ଲା ଶାଖା ସଭାପତି ଅବ୍ୟକ୍ତ ହରି ହର ଖାଡ଼ଙ୍ଗା, ପ୍ରେସ କ୍ଲବ ଉପସଭାପତି ପ୍ରସନ୍ନ କୁମାର ପାଇକରାୟ, ଲଳିତ ମୋହନ ମହାପାତ୍ର,ଯୁବ ସମାଜସେଵୀ ପ୍ରଭାତ କୁମାର ପାଣିଗ୍ରାହୀ,ଶୁଭାକାନ୍ତ ମହାପାତ୍ର, ରଞ୍ଜିତ ପାଟଶାଣୀ,ଗୋପାଳ କୃଷ୍ଣ ପ୍ରଧାନ, ରଞ୍ଜିତ ସାମନ୍ତରାୟ, ଜ଼ିଲ୍ଲା ମୁଖ୍ୟ ଚିକିତ୍ସାଳୟ ର ବରିଷ୍ଠ ଚର୍ମ ରୋଗ ବିଶେଷଜ୍ଞ ଡାକ୍ତର ହର ପ୍ରସନ୍ନ ତ୍ରିପାଠୀ, ଖୋର୍ଦ୍ଧା ଆଦର୍ଶ ଥାନା ଅଧିକାରୀ ସଞ୍ଜୟ ନାୟକ,ବିଶିଷ୍ଟ ସମାଜସେବୀ, ସଞ୍ଜୟ ପଟ୍ଟନାୟକ, ପ୍ଲାବନ ପଟ୍ଟନାୟକ, ଖୋର୍ଦ୍ଧା ଗୋଶାଳା ର ପ୍ରତିଷ୍ଠାତା ରାଧା ମୋହନ ପ୍ରଧାନ,ରାମ ନାରାୟଣ ଦାଶ,କଂଗ୍ରେସ ନେତ୍ରୀ ସୋନାଲି ସାହୁ, ବିଜେପି ନେତ୍ରୀ ଶୁଚିସ୍ମିତା ମିଶ୍ର, ଶୋଭନ ଘୋଷ ପ୍ରମୁଖ ଉପସ୍ଥିତ ରହି ରକ୍ତଦାତା ମାନଙ୍କୁ ଉତ୍ସାହିତ କରି ଥିଲେ l ପ୍ରବଳ ଗ୍ରୀଷ୍ମ ପ୍ରବାହ ସମୟରେ ରକ୍ତ ର ଅଭାବ ଏବଂ ସାମ୍ଭାବ୍ୟ ଯୁଦ୍ଧ ପରିସ୍ଥିତି କୁ ଆଖି ଆଗରେ ରଖି ଏହି ରକ୍ତଦାନ ଶିବିର ର ଆୟୋଜନ କରାଯାଇଥିବାବେଳେ ବହୁ ସଂଖ୍ୟା ରେ ଯୁବକ, ଯୁବତୀ ଏହି ଶିବିର କୁ ଆସି ସ୍ବେଛାକୃତ ଭାବରେ ରକ୍ତଦାନ କରିଥିଲେ l ଏହି ରକ୍ତଦାନ ଶିବିରରେ 51 ୟୁନିଟ ରକ୍ତ ସଂଗୃହିତ ହୋଇଥିଲା l ଖୋର୍ଦ୍ଧା ବ୍ଲଡ଼ ବ୍ୟାଙ୍କ ଡାକ୍ତର ସୌରଭ ସୁନ୍ଦରାୟ, ଝାନସୀ ରାଣୀ ପାତ୍ର, ଅରୁଣ ସାହୁ, ଲଷ୍ମୀପ୍ରିୟା ପ୍ରଧାନ ଏବଂ ଶ୍ରୀକାନ୍ତ ସାମନ୍ତସିଂହାର ପ୍ରମୁଖ ରକ୍ତ ସଂଗ୍ରହ କରିଥିଲେ l ଖୋର୍ଦ୍ଧା ଜ଼ିଲ୍ଲା ର ଏକ ଅଗ୍ରଣୀ ସଂଗଠନ ଭାବେ ଜ଼ିଲ୍ଲା ପ୍ରେସ କ୍ଲବ ର ଏପରି ସମାଜ କଲ୍ୟାଣ ମୂଳକ କାର୍ଯ୍ୟକ୍ରମ କୁ ସାଧାରଣ ରେ ଉଚ୍ଚ ପ୍ରଶଂସା କରାଯାଇଛି l