Odisha Janamata : ଅବସର କାଳୀନ ସମ୍ବର୍ଦ୍ଧନା ଉତ୍ସବ ପାଳିତ |

ଅବସର କାଳୀନ ସମ୍ବର୍ଦ୍ଧନା ଉତ୍ସବ ପାଳିତ |

30-Apr-2025

ଅବସର କାଳୀନ ସମ୍ବର୍ଦ୍ଧନା ଉତ୍ସବ ପାଳିତ,

ଓଡିଶାଜନମତ,ଖୋର୍ଦ୍ଧା, ଗୋପାଳ କୃଷ୍ଣ ପ୍ରଧାନ,ତା --30/04/25:
ସରକାରୀ ଉଚ୍ଚ ବିଦ୍ୟାଳୟ, ଗୋଳବାଇ ପରିସର ମଧ୍ୟରେ ବରିଷ୍ଠ ଶିକ୍ଷୟତ୍ରି ସୁପ୍ରଭା ବିଶ୍ଵାଳ ଙ୍କ ଅବସର କାଳୀନ ସମ୍ବର୍ଧନା ଉତ୍ସବ ଅନୁଷ୍ଠିତ ହୋଇଯାଇଅଛି। ବିଦ୍ୟାଳୟ ପରିଚାଳନା କମିଟି ର ଚେୟାରମେନ ସନ୍ତୋଷ କୁମାର ମଙ୍ଗରାଜ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା। ଏହି ସମ୍ବର୍ଧନା ଉତ୍ସବରେ ପୂର୍ବତନ ପ୍ରଧାନ ଶିକ୍ଷକ ଗୋଲଖ ବିହାରୀ ସାହୁ ଓ ଭାସ୍କର ଚନ୍ଦ୍ର ସାହୁ ଉପସ୍ଥିତ ଥିଲେ। ପ୍ରାଥମିକ ବିଦ୍ୟାଳୟ ଶିକ୍ଷକ ସଂଘ ର ରାଜ୍ୟ ଉପସଭାପତି ଅଗାଧୁ ସେଠି ତାଙ୍କ ଭାଷଣରେ କହିଥିଲେ ଯେ ଚାକିରି ଜୀବନ ଆରମ୍ଭ ହେଇଛି ମାନେ ଅବସର ନିଶ୍ଚିତ ଭାବରେ ଅଛି ତେଣୁ ଚାକିରୀ ଜୀବନ କାଳରେ ନିଜର ବୃତ୍ତିକୁ ନିଷ୍ଠା ର ସହିତ କାର୍ଯ୍ୟ କରୁଥିଲେ ଅବସର ଜୀବନ କୁ ଠାକୁର ନିଶ୍ଚିତ ଭାବରେ ସୁଖରେ ରଖିବେ। ବର୍ତ୍ତମାନ ର ପ୍ରଧାନ ଶିକ୍ଷୟତ୍ରୀ ସ୍ଵସ୍ତିକା ପାଳ ତାଙ୍କ ଅଭିଭାଷଣରେ କହିଥିଲେ ଯେ ଆମେ ତାଙ୍କ ଠାରୁ କିଛି ଶିଖିବା ଦରକାର, ସମୟାନୁବର୍ତିତା, ଧୈଯ୍ୟ, ସହନଶୀଳତା,ପିଲାମାନଙ୍କୁ ଭଲ ପାଇବା , ସରକାରଙ୍କ ବିଭିନ୍ନ କାର୍ଯ୍ୟ କୁ ସୂଚାରୁ ରୁପେ ସମ୍ପାଦିତ କରିବା।ପରିଚାଳନା କମିଟି ର ଚେୟାରମେନ ମଙ୍ଗରାଜ ବାବୁ କହିଥିଲେ ଯେ ସରକାର ଙ୍କ ନିୟମ ଅନୁଯାୟୀ 60 ବର୍ଷ ବୟସରେ ଅବସର ନେବା କିନ୍ତୁ ଭଲ କାମକୁ ଆମେ ବ୍ୟକ୍ତିଗତ ସ୍ତରରେ ଆମେ କାର୍ଯ୍ଯ ରେ ଲଗାଇଲେ ତାହା ସାର୍ଥକ ହେବ। ସ୍ଵପ୍ନେଶ୍ୱର୍ ସାର୍ ତାଙ୍କ ଅଭିଭାଷଣରେ କହିଥିଲେ ଯେ ଆମେ ବହୁତ କିଛି ତାଙ୍କ ଠାରୁ ଶିଖିଚେ ତାକୁ ଆମେ ବିଦ୍ୟାଳୟ ରେ କାର୍ଯ୍ୟରେ ଲଗାଇଲେ ନିଶ୍ଚିତ ଆମେ ତାଙ୍କୁ ମନେ ପକେଇ ବା।ବିଦ୍ୟାଳୟର ସମସ୍ତ ଶିକ୍ଷକ ଓ ଶିକ୍ଷୟତ୍ରୀ ବିଦାୟୀ ଶିକ୍ଷୟତ୍ରୀ ଙ୍କର ଗୁଣ ଗାନ କରିବା ସହିତ ତାଙ୍କର ଭଲ ଗୁଣ ସବୁ ଆମ ଦୈନନ୍ଦିନ ଜୀବନରେ ଓ ବିଦ୍ୟାଳୟ ରେ ବିନିଯୋଗ କଲେ ଆମେ ତାଙ୍କୁ ମନେ ପକେଇପରିବା ବୋଲି କହିଥିଲେ। ବିଦ୍ୟାଳୟ ର ବରିଷ୍ଠ ଶିକ୍ଷକ ଲକ୍ଷ୍ମୀକାନ୍ତ ମହାପାତ୍ର କବିତା ମାଧ୍ୟମରେ ମାନପତ୍ର ପ୍ରଦାନ କରିଥିଲେ ଯାହାକି ସମସ୍ତଙ୍କ ମନକୁ ଛୁଇଁ ଥିଲା। ପରିଶେଷରେ ବିଦ୍ୟାଳୟର ସମସ୍ତ ଶିକ୍ଷକ ଓ ଶିକ୍ଷୟତ୍ରୀ , କର୍ମଚାରୀ ଙ୍କ ଉପସ୍ଥିତିରେ ସଭା ଟି ସଫଳ ହୋଇଥିଲା ଓ ପ୍ରଧାନ ଶିକ୍ଷୟତ୍ରୀ ସମସ୍ତଙ୍କୁ ଧନ୍ୟବାଦ ଦେଇ ସଭା ସାଙ୍ଗ କରିଥିଲେ।