Odisha Janamata : ଖଲ୍ଲିକୋଟ ଜିଲ୍ଲା ଶିକ୍ଷଓ ପ୍ରଶିକ୍ଷିଣ ପ୍ରତିଷ୍ଠାନ ତରଫରୁ ଜାତୀୟ ବିଜ୍ଞାନ ଦିବସ ପାଳିତ |

ଖଲ୍ଲିକୋଟ ଜିଲ୍ଲା ଶିକ୍ଷଓ ପ୍ରଶିକ୍ଷିଣ ପ୍ରତିଷ୍ଠାନ ତରଫରୁ ଜାତୀୟ ବିଜ୍ଞାନ ଦିବସ ପାଳିତ |

01-Mar-2025

ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନ, ଗଂଜାମ, ଖଲ୍ଲିକୋଟ ଆନୁକୁଲ୍ୟରେ ଜାତୀୟ ବିଜ୍ଞାନ ଦିବସ-୨୦୨୫ ପାଳିତ,

ଓଡ଼ିଶ ଜନମତ ବ୍ୟୁରୋ,

ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନ, ଗଂଜାମ, ଖଲ୍ଲିକୋଟ ଆନୁକୁଲ୍ୟରେ ଆଜି ଅନୁଷ୍ଠାନର ସମ୍ମିଳନୀ କକ୍ଷରେ ଜାତୀୟ ବିଜ୍ଞାନ ଦିବସ -୨୫ ଆନୁଷ୍ଠାନିକ ରୀତିରେ ଅନୁଷ୍ଠିତ ହୋଇଯାଇଛି । ପ୍ରତିଷ୍ଠାନର ଅଧ୍ୟକ୍ଷ ତଥା ବିଶିଷ୍ଟ ଶିକ୍ଷାବିତ୍ ଡକ୍ଟର ସନ୍ତୋଷ କୁମାର ପରିଡ଼ାଙ୍କ ଅଧ୍ୟକ୍ଷତାରେ ଅନୁଷ୍ଟିତ ଉତ୍ସବରେ ଆଇଜର, ବ୍ରହ୍ମପୁରର ରସାୟନ ବିଜ୍ଞାନ ବିଭାଗର ପ୍ରଫେସର ଡକ୍ଟର ପରୀକ୍ଷିତ ମଇତ୍ରା ମୁଖ୍ୟ ଅତିଥି, ଦିଲ୍ଲୀ ସରକାରଙ୍କ ଅଧୀନରେ କାର୍ଯ୍ୟରତ ବରିଷ୍ଠ ବୈଜ୍ଞାନିକ ଡକ୍ଟର ବିନୋଦ ଚନ୍ଦ୍ର ସାବତ ମୁଖ୍ୟ ବକ୍ତା, ନୀଳକଣ୍ଠ ନଗର, ବ୍ରହ୍ମପୁର ସ୍ଥିତ ସରସ୍ୱତୀ ଶିଶୁ ବିଦ୍ୟାମନ୍ଦିର ଡିଗ୍ରୀ ମହାବିଦ୍ୟାଳୟର ଅଧ୍ୟକ୍ଷ ଡକ୍ଟର ସୁବ୍ରତ କୁମାର ପାଣିଗ୍ରାହୀ, ଗଂଜାମ ଜିଲ୍ଲା ଇକୋ କ୍ଲବର ସଂଯୋଜକ ତଥା ପରିବେଶବିତ୍ ଡକ୍ଟର ଶଙ୍କର ନାରାୟଣ ବେଜ୍ ସମ୍ମାନୀତ ଅତିଥି ରୂପେ ଯୋଗଦାନ କରି ବିଜ୍ଞାନ ପ୍ରତି ସଚେତନତା, ସମାଜ ଉପରେ ବିଜ୍ଞାନର ପ୍ରଭାବ, ପ୍ରତିବର୍ଷ ଜାତୀୟ ବିଜ୍ଞାନ ଦିବସ ପାଳନର ଲକ୍ଷ୍ୟ ଆଭିମୁଖ୍ୟ, ନିତିଦିନିଆ ଜୀବନରେ ବିଜ୍ଞାନର ଉପଯୋଗିତା, ନୈତିକ ମୂଲ୍ୟବୋଧ ଓ ବିଜ୍ଞାନ, ବିଦ୍ୟାଳୟ ସ୍ତରୀୟ ଜାତୀୟ ବିଜ୍ଞାନ ଦିବସ ପାଳନର ମହନୀୟତା ଆଦି ବହୁବିଧ ଦିଗ ସମ୍ପର୍କରେ ସାରସ୍ୱତ ବକ୍ତବ୍ୟ ପ୍ରଦାନ କରିଥିଲେ । ସଭାପତି ଡକ୍ଟର ସନ୍ତୋଷ କୁମାର ପରିଡ଼ା ଆୟୋଜିତ କାର୍ଯ୍ୟକ୍ରମର ମୂଳ ଉଦ୍ଦେଶ୍ୟ, ଶିକ୍ଷାର୍ଥୀ ଶିକ୍ଷକଙ୍କ ମଧ୍ୟରେ ବିଜ୍ଞାନ ଭିତ୍ତିକ ଦୃଷ୍ଟିଭଙ୍ଗୀ ସୃଷ୍ଟି କରିବା, ରମଣୀ ପ୍ରଭାବ ସମ୍ପର୍କରେ ବିଶଦ ଆଲୋଚନା କରିଥିଲେ । ବରିଷ୍ଠ ପ୍ରଶିକ୍ଷିକା ଡକ୍ଟର ନୀହାରିକା ସାମନ୍ତରାୟ କାର୍ଯ୍ୟକ୍ରମର ସଫଳ ସଂଯୋଜନା କରିଥିଲେ ।
ଅତିଥିଙ୍କ ଦ୍ୱାରା ବିଜ୍ଞାନ ପତ୍ରିକା "ଅନୁସନ୍ଧାନ"ର ଶୁଭ ଉନ୍ମୋଚନ ହୋଇଥିଲା । ଏତଦବ୍ୟତୀତ ବିଜ୍ଞାନ ଆଧାରିତ ପ୍ରଶ୍ନାବଳୀ "ଜିଜ୍ଞାସାର ପଥ" ନାମକ ପ୍ରଶ୍ନ ଗୁଚ୍ଛର ଶୁଭ ଉନ୍ମୋଚନ ହୋଇଥିଲା । ଉକ୍ତ ପ୍ରଶ୍ନ ଗୁଚ୍ଛ ପ୍ରତ୍ୟେକ ମାସରେ ସମସ୍ତ ବିଦ୍ୟାଳୟକୁ ଯୋଗାଣ ପାଇଁ ପ୍ରତିଷ୍ଠାନର ଅଧ୍ୟକ୍ଷ ଡକ୍ଟର ପରିଡ଼ା ଘୋଷଣା କରିଥିଲେ । ଅନୁଷ୍ଠିତ କାର୍ଯ୍ୟକ୍ରମରେ ଗଂଜାମ ଜିଲ୍ଲାର ସମସ୍ତ ୨୨ ଗୋଟି ବ୍ଲକରୁ ଶିକ୍ଷକ ଶିକ୍ଷୟିତ୍ରୀଙ୍କ ମାର୍ଗଦର୍ଶନରେ ଛାତ୍ର ଛାତ୍ରୀଙ୍କ ଦ୍ୱାରା ପ୍ରସ୍ତୁତ ବିଜ୍ଞାନ ଭିତ୍ତିକ ପ୍ରକଳ୍ପ, ଇ.ଟି.ଆଇ. ପୋଲସରା, ଇ.ଟି.ଆଇ. ଚିକିଟିର ଅଧ୍ୟାପକମାନଙ୍କ ମାର୍ଗଦର୍ଶନରେ ଗୁରୁ ଛାତ୍ରଛାତ୍ରୀଙ୍କ ପ୍ରସ୍ତୁତ ବିଜ୍ଞାନ ଆଧାରିତ ପ୍ରକଳ୍ପ, ସେହିଭଳି ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନ, ଗଂଜାମ, ଖଲ୍ଲିକୋଟର ସମସ୍ତ ଗୁରୁ ଛାତ୍ରଛାତ୍ରୀଙ୍କ ଦ୍ବାରା ପ୍ରସ୍ତୁତ ସର୍ବମୋଟ ୧୪୮ ଗୋଟି ପ୍ରକଳ୍ପ ଆୟୋଜିତ ବିଜ୍ଞାନ ପ୍ରଦର୍ଶନୀରେ ପ୍ରଦର୍ଶିତ ହୋଇଥିଲା ।
ବରିଷ୍ଠ ପ୍ରଶିକ୍ଷକ ବିଷ୍ଣୁ ନାରାୟଣ ଜେନା, ଜିତେନ୍ଦ୍ର କୁମାର ପଣ୍ଡା, ନବୀନ ପ୍ରମାଣିକ, ଦେବେନ୍ଦ୍ର ନାଥ ସାହୁ, ସୁକୁଲେଇ ଟୁଡୁ, ବରିଷ୍ଠ ପ୍ରଶିକ୍ଷିକା ପ୍ରଜ୍ଞା ପାରମିତା, ନିବେଦିତା ପାଢ଼ୀ, ସରୋଜିନୀ ମିଶ୍ର, ସୁଶ୍ରୀ ଗାୟତ୍ରୀ ସ୍ୱାଇଁ, ଲିପି ଶ୍ରୀ ଦେବୀ, ଜୟନ୍ତୀ ବେହେରା, କଲ୍ୟାଣୀ କୁମାରୀ ଗୈାଡ, ଭାବିଲିତା ନାୟକ, ଅନୁପମା ଦାସ, ବବିତା ସିଂ ନାୟକଙ୍କ ସମେତ ସେକ୍ସନ ଅଧିକାରୀ ପ୍ରବେଶ କୁମାର ପଟ୍ଟନାୟକ, କନିଷ୍ଠ କିରାଣୀ ଆଶିଷ ରଞ୍ଜନ ସେଠୀ , କମ୍ପ୍ୟୁଟର ଇନଷ୍ଟ୍କକ୍ଟର ମନୋରଞ୍ଜନ ବାରିକ,
ପ୍ରତିଷ୍ଠାନର କର୍ମଚାରୀ ଜୟଶଙ୍କର ଗୈାଡ, ନିରୁପମା ପ୍ରଧାନ, ଚନ୍ଦ୍ର ନାୟକ ପ୍ରମୁଖ ଉପସ୍ଥିତ ରହି ସମସ୍ତ ପ୍ରକାର ସହଯୋଗ କାର୍ଯ୍ୟକ୍ରମକୁ ଶାନ୍ତି ଶୃଙ୍ଖଳାର ସହିତ ସମ୍ପାଦନ କରିଥିଲେ ।