Odisha Janamata : ପୁରୁଷୋତ୍ତମପୁର ସରସ୍ବତୀ ଶିଶୁମନ୍ଦିର ରେ ଜାତୀୟ ବିଜ୍ଞାନ ଦିବସ ପାଳିତ |

ପୁରୁଷୋତ୍ତମପୁର ସରସ୍ବତୀ ଶିଶୁମନ୍ଦିର ରେ ଜାତୀୟ ବିଜ୍ଞାନ ଦିବସ ପାଳିତ |

01-Mar-2025

ସରସ୍ବତୀ ଶିଶୁ ମନ୍ଦିରରେ ଜାତୀୟ ବିଜ୍ଞାନ ଦିବସ ପାଳନ,,

ଓଡିଶା ଜନମତ ବ୍ୟୁରୋ,

ପୁରୁଷୋତ୍ତମପୁର ସହର ସ୍ଥିତ ସ୍ଥାନୀୟ ସରସ୍ବତୀ ଶିଶୁ ମନ୍ଦିରରେ ଜାତୀୟ ବିଜ୍ଞାନ ଦିବସ ପାଳିତ ହୋଇଯାଇଛି |ବିଦ୍ୟାଳୟ ର ପ୍ରଧାନଆଚାର୍ଯ୍ୟ ଶ୍ରୀଯୁକ୍ତ ନିରଞ୍ଜନ ଡାକୁଆଙ୍କ ତତ୍ତ୍ବ|ବଧାନ ରେ ଶ୍ରୀମତୀ ତ୍ରିପୁରା କୁମାରୀ ପାତ୍ର ପରିଚାଳନା କରିଥିଲେ | ଶ୍ରୀମତୀ ପ୍ରମୋଦିନୀ ସାହୁ ପ୍ରଦୀପ ପ୍ରଜ୍ଜଳନ କରିଥିଲେ |ଏହିଉତ୍ସବରେପ୍ରଧାନଆଚାର୍ଯ୍ୟ ମହୋଦୟ ଓ ଶ୍ରୀମତୀ ନିବେଦିତା ପଣ୍ଡା ଆଜିର ଦିବସ ର ମହତ୍ବ ତଥା ବିଜ୍ଞାନ ର ଉପକାରିତା ବିଷୟରେ ଶିଶୁ ଭାଇ, ଭଉଣୀଙ୍କୁ ଅତି ସୁନ୍ଦର ଭାବରେ ବର୍ଣ୍ଣନା କରିଥିଲେ ଏବଂ ଆଜି ବୀର ସୁରେନ୍ଦ୍ର ସାଏଙ୍କ ତିରୋଧାନ ଦିବସ ଅବସରରେ ଶ୍ରୀମତୀ ସୁନା ରାଣୀ ପାଳ ସୁରେନ୍ଦ୍ର ସାଏଙ୍କ ସଂଗ୍ରମୀ ଜୀବନ ବିଷୟରେ ଶିଶୁ ଭାଇ ଭଉଣୀଙ୍କୁ କିଛି କଥା ସୁନ୍ଦର ଭାବରେ ବର୍ଣ୍ଣନା କରିଥିଲେ |କିଛି ଶିଶୁ ଭାଇ ଭଉଣୀ ମଧ୍ଯ ସଂକ୍ଷେପରେ ବିଜ୍ଞାନ ର ଆବଶ୍ୟକତା ବିଷୟରେ ଭାଷଣ ଦେଇଥିଲେ | ବିଦ୍ୟାଳୟ ର ସମ୍ପାଦକ ଶ୍ରୀଯୁକ୍ତ ସୁଶାନ୍ତ କୁମାର ବେହେରା ଯୋଗ ଦେଇ ଶିଶୁଙ୍କୁ ଏହି ଉତ୍ସବ ଅବସରରେ କିଛି ଗୁରୁତ୍ବ ପୂର୍ଣ କଥା କହି ଚନ୍ଦ୍ର ଶେଖର ଭେଙ୍କଟ ରମଣ କିପରି ଜଣେ ମହାନ ବୈଜ୍ଞାନିକ ହୋଇ କ୍ଷାତି ଅର୍ଜନ କରିଛନ୍ତିତା ଉପରେ ବୁଝାଇ ଥିଲେ | ସେହିଭଳି ଶିଶୁ ଭାଇ ଭଉଣୀ କିପରି ଜଣେ ଜଣେ ସଫଳ ବୈଜ୍ଞାନିକ ହୋଇପାରିବେ ତାହା ବର୍ଣ୍ଣନା କରିଥିଲେ | ଏହି ଉତ୍ସବ ରେ ବିଜ୍ଞାନ ପ୍ରତିଯୋଗିତାରେ କୃତୀ ଛାତ୍ର ଛାତ୍ରୀଙ୍କୁ ସମ୍ପାଦକ ମହୋଦୟ ଓ ପ୍ରଧାନ ଆଚାର୍ଯ୍ୟଙ୍କ ଦ୍ବାରା ପୁରସ୍କାର ପ୍ରଦାନ କରାଯାଇ ଥିଲା | ଏହି କାର୍ଯ୍ୟକ୍ରମ ରେ ବହୁ ସଂଖ୍ୟା ରେ ଶିଶୁ ଯୋଗ ଦେଇଥିଲେ | ସମସ୍ତ ଗୁରୁଜୀ ଗୁରୁମା ସେବକ ସେବିକା ବାହାନ ଚାଳକ ଭାଇ ମାନେ ସମ୍ପୂର୍ଣ ସହଯୋଗ କରିଥିଲେ | ପରିଶେଷରେ ପ୍ରଣତି ଗୁରୁମା ଧନ୍ୟବାଦ ଅର୍ପଣ କରିଥିଲେ |