Odisha Janamata : ବନ୍ଧୁଙ୍ଗା ବ୍ଲକର ଦୁଇଟି କଲେଜ ରେ ଯୁକ୍ତ ଦୁଈ ପରୀକ୍ଷା ଆରମ୍ଭ |

ବନ୍ଧୁଙ୍ଗା ବ୍ଲକର ଦୁଇଟି କଲେଜ ରେ ଯୁକ୍ତ ଦୁଈ ପରୀକ୍ଷା ଆରମ୍ଭ |

18-Feb-2025

ବନ୍ଧୁଗାଁ ବ୍ଲକର ୨ ଟି ଉଚ୍ଚ ମାଧ୍ୟମିକ ବିଦ୍ୟାଳୟରେ ଦ୍ବାଦଶ ଶ୍ରେଣୀ ବାର୍ଷିକ ପରୀକ୍ଷା ଅନୁଷ୍ଠିତ,

ଓଡିଶା ଜନମତ ବ୍ୟୁରୋ,

ବନ୍ଧୁଗାଁ ତା ୧୮/୨/୨୫ କୋରାପୁଟ ଜିଲ୍ଲା ବନ୍ଧୁଗାଁ ବ୍ଲକର ୨ ଟି ଉଚ୍ଚ ମାଧ୍ୟମିକ ବିଦ୍ୟାଳୟରେ ଦ୍ବାଦଶ ଶ୍ରେଣୀର ବିଜ୍ଞାନ ବାର୍ଷିକ ପରୀକ୍ଷା ଅନୁଷ୍ଠିତ ହୋଇ ଯାଇଛି। ପ୍ରଥମ କରି ବନ୍ଧୁଗାଁ ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟରେ ଦ୍ବାଦଶ ଶ୍ରେଣୀ ବିଜ୍ଞାନ ବାର୍ଷିକ ପରୀକ୍ଷା ପାଇଁ ୧୨୧ ଜଣ ଛାତ୍ରଛାତ୍ରୀଙ୍କ ମଧ୍ୟରୁ ୧୧୯ ଜଣ ଛାତ୍ରଛାତ୍ରୀ ପରୀକ୍ଷା ଦେଉଥିବା ବେଳେ ୩ ଜଣ ପିଲା ପରୀକ୍ଷା ଦେଇ ନ ଥିଲେ। ପରୀକ୍ଷା କେନ୍ଦ୍ରର ସୁପରୀଟେଣ୍ଡେଣ୍ଟ ଭାବେ ପ୍ରଧାନ ଶିକ୍ଷୟତ୍ରୀ ଶ୍ରୀମତୀ ରଶ୍ମିତା ସେଠୀ, ଉପ ସୁପରୀଟେଣ୍ଡେଣ୍ଟ ଭାବେ ଦୁର୍ଗାପ୍ରସାଦ ଚୌଧୁରୀ, ପରୀକ୍ଷା ନିରୀକ୍ଷକ ଭାବେ ମଙ୍ଗଳ ସମ୍ପ୍ରସାରଣ ଅଧିକାରୀ ଚନ୍ଦନ କୁମାର ସ୍ବାଇଁ ଓ ଲକ୍ଷ୍ମୀପୁର ଉଚ୍ଚ ମାଧ୍ୟମିକ ବିଦ୍ୟାଳୟର ଅଧ୍ୟାପକ ଶୀତଲ ପ୍ରସାଦ ଦାସ କାର୍ଯ୍ୟ ତୁଲାଇ ଥିଲେ । ଅନୁସୂଚିତ ଜନଜାତି ଏଵଂ ଜାତି ଉନ୍ନୟନ ବିଭାଗ ଦ୍ୱାରା ପରିଚାଳିତ ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟ କୁମ୍ଭାରିପୁଟ ରେ ଦ୍ୱାଦଶ ବିଜ୍ଞାନ ବାର୍ଷିକ ପରୀକ୍ଷା ୧୪୧ ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିଲେ। ପରୀକ୍ଷା ସୂପରିଟେଣ୍ଡେଣ୍ଟ ଭାବେ ସୁଶିଲ କୁମାର ପ୍ରଧାନ ବାଣିଜ୍ୟ ବିଭାଗ ଅଧ୍ୟାପକ , ଉପ ସୂପରିଟେଣ୍ଡେଣ୍ଟ ଭାବେ ପ୍ରମଦ କୁମାର ଦାସ ପ୍ରାଣୀ ବିଜ୍ଞାନ ଅଧ୍ୟାପକ , ପରୀକ୍ଷା ନିରୀକ୍ଷକ ଭାବେ ତହସିଲଦାର ଶ୍ରୀମତୀ ସୋନାଲି ପାତ୍ର, ଅତିରିକ୍ତ ତହସିଲଦାର ଜିତେନ୍ଦ୍ର ବାଗ ଓ ଲକ୍ଷ୍ମୀପୁର ମହାବିଦ୍ୟାଳୟ ରୁ ଅଧ୍ୟାପକ ନିୟୋଜିତ ହୋଇ ଥିଲେ। ଦୁଇଟି ପରୀକ୍ଷା କେନ୍ଦ୍ରରେ ଅନେକ ପରୀକ୍ଷକ ନିୟୋଜିତ ଥିଲେ। ଏହାସହ ଦୁଇଟି ପରୀକ୍ଷା କେନ୍ଦ୍ରରେ ଆଇନ ଶୃଙ୍ଖଳା ନିୟନ୍ତ୍ରଣ କରିବା ପାଇଁ ସ୍ଥାନୀୟ ପୋଲିସ ଥାନା ଆଇଆଇସି ପ୍ରସନ୍ନ କୁମାର ମିଶ୍ରଙ୍କ ସହଯୋଗରେ ପୋଲିସ ଉପସ୍ଥିତ ରହି ଶାନ୍ତି ଶୃଙ୍ଖଳାର ସହିତ ପରୀକ୍ଷା ଅନୁଷ୍ଠିତ ହୋଇଥିଲା।