Odisha Janamata : ବନ୍ଧୁଙ୍ଗା ବ୍ଳକରେ ନିପୁଣ ଓଡିଶା ମେଳା ଅନୁଷ୍ଠିତ |

ବନ୍ଧୁଙ୍ଗା ବ୍ଳକରେ ନିପୁଣ ଓଡିଶା ମେଳା ଅନୁଷ୍ଠିତ |

18-Feb-2025

ବନ୍ଧୁଗାଁ ବ୍ଲକରେ ବ୍ଲକସ୍ତରୀୟ ନିପୁଣ ଓଡ଼ିଶା ମେଳା ଅନୁଷ୍ଠିତ |

ଓଡିଶା ଜନ ମତ ବ୍ୟୁରୋ,

ବନ୍ଧୁଗାଁ ତା ୧୬/୨/୨୫ କୋରାପୁଟ ଜିଲ୍ଲା ବନ୍ଧୁଗାଁ ବ୍ଲକର ସଦର ପଞ୍ଚାୟତରେ ଥିବା କସ୍ତୁରବା ଗାନ୍ଧୀ ବାଳିକା ବିଦ୍ୟାଳୟ ପରିସରରେ ବ୍ଲକ ସ୍ତରୀୟ ନିପୁଣ ଓଡ଼ିଶା ମେଳା ଅନୁଷ୍ଠିତ ହୋଇଯାଇଛି। ଗୋଷ୍ଟି ଶିକ୍ଷା ଅଧିକାରୀ ରଘୁନାଥ ପାଙ୍ଗି ଙ୍କ ଅଧ୍ୟକ୍ଷତା ଓ ସଭାପତିତ୍ବରେ ମୁଖ୍ୟ ଅତିଥି ଭାବେ ପଞ୍ଚାୟତ ସମିତି ଅଧ୍ୟକ୍ଷା ଲକ୍ଷ୍ମୀ ମିଣିଆକା ଯୋଗଦେଇଥିଲେ । ସମ୍ମାନିତ ଅତିଥି ଭାବେ ଲକ୍ଷ୍ମୀପୁର ନିର୍ବାଚନ ମଣ୍ଡଳୀର ବିଧାୟକ ପ୍ରତିନିଧି ଡି ଏଙ୍କାଟି , ସରପଞ୍ଚ ଲକ୍ଷ୍ମୀ କାଡ୍ରାକା, ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଈଶ୍ୱର ଚନ୍ଦ୍ର ମୁଦୁଲି , ମଦନ ପାଣି ଓ କସ୍ତୁରବା ଗାନ୍ଧୀ ବାଳିକା ବିଦ୍ୟାଳୟ ର ପ୍ରଧାନ ଶିକ୍ଷୟତ୍ରୀ ଲାବିଟି ମଣି ପ୍ରମୁଖ ମଞ୍ଚାସିନ ଥିଲେ। ଶିକ୍ଷକ ପ୍ରଶାନ୍ତ କୁମାର ମହାନ୍ତି ମଞ୍ଚ ପରିଚାଳନା କରିଥିଲେ। ସଭାପତି, ମୁଖ ଅତିଥି ଓ ସମ୍ମାନିତ ଅତିଥି ମାନଙ୍କ ଦ୍ଵାରା ଭାରତ ସରକାରଙ୍କ ଜାତୀୟ ଶିକ୍ଷା ନୀତି ୨୦୨୧ ମସିହାରୁ ଆରମ୍ଭ ହୋଇ ଥିବା ବେଳେ ଓଡ଼ିଶା ରେ ୨୦୨୪-୨୫ ଶିକ୍ଷା ବର୍ଷ ରୁ ଜାତୀୟ ଶିକ୍ଷା ନୀତି ଲାଗୁ ହେବ ଏହାରି ଆଧାରରେ ପ୍ରଥମ ଶ୍ରେଣୀରୁ ତୃତୀୟ ଶ୍ରେଣୀ ପଡ଼ୁଥିବା ପିଲାଙ୍କୁ ମୌଳିକ ସାକ୍ଷରତା ଓ ସଂଖ୍ୟା ଜ୍ଞାନ ହାସଲ କରିବା ଏହି ନିପୁଣ ଓଡ଼ିଶା ମେଳା ର ମୂଳ ଲକ୍ଷ୍ୟ ବୋଲି କହିଥିଲେ। ଏହି ଉପଲକ୍ଷେ ଷ୍ଟଲ ଗୁଡ଼ିକରେ ଟିଏଲଏମ ସହ ଶିକ୍ଷଣ ସାମଗ୍ରୀ ଛାତ୍ରଛାତ୍ରୀ ମାନଙ୍କ ଦ୍ୱାରା ପ୍ରଦର୍ଶନ କରାଯାଇ ଥିଲା। ବନ୍ଧୁଗାଁ କ୍ଲଷ୍ଟର ରେ ଥିବା ୧୩ ଟି ବିଦ୍ୟାଳୟ ରୁ ୧୩୦ ଜଣ ଛାତ୍ରଛାତ୍ରୀ, ୧୩ ଗାଇଡ ଶିକ୍ଷକ ଓ ବ୍ଲକ ୮ ଟି କ୍ଲଷ୍ଟର ୮ ଜଣ ଶିକ୍ଷକ ଶିକ୍ଷୟତ୍ରୀ ମେଳାରେ ଯୋଗ ଦେଇ ଥିଲେ। ଷ୍ଟଲରେ ଶିକ୍ଷଣୀୟ ସାମଗ୍ରୀ ପ୍ରଦର୍ଶନ କରି ଥିବା ୧୩୦ ଜଣ ଛାତ୍ରଛାତ୍ରୀଙ୍କୁ ପ୍ରତିଭା ମାନପତ୍ର ସହ ଖାତା ଓ କଲମ ଦେଇ ପୁରସ୍କୃତ କରା ଯାଇଥିଲା । ଏହି କାର୍ଯ୍ୟକ୍ରମରେ ସିଆରସିସି କେ ପ୍ରତାପ କୁମାର, ସଞ୍ଜୟ କୁମାର ସିଂ, ଅଶୋକ ସାହୁ, ଅଜିତ ପରିଡ଼ା, ନିରଞ୍ଜନ ସାହୁ, ସଂଜିତ୍ ମହାପାତ୍ର ଓ ଅନ୍ୟ ସମସ୍ତ ଶିକ୍ଷକ ଶିକ୍ଷୟତ୍ରୀ ଉପସ୍ଥିତ ରହି ଥିଲେ।