Odisha Janamata : ଖଲ୍ଲିକୋଟ ପାନ ନୂଆଙ୍ଗା ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ନବମ କ୍ଲଷ୍ଟର ସ୍ତରୀୟ ମାସିକ ବୈଠକ ଅନୁଷ୍ଠିତ |

ଖଲ୍ଲିକୋଟ ପାନ ନୂଆଙ୍ଗା ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ନବମ କ୍ଲଷ୍ଟର ସ୍ତରୀୟ ମାସିକ ବୈଠକ ଅନୁଷ୍ଠିତ |

16-Feb-2025

ଖଲ୍ଲିକୋଟ : ପାନ ନୂଆଗାଁ ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ନବମ କ୍ଲଷ୍ଟର ସ୍ତରୀୟ ମାସିକ ବୈଠକ ଅନୁଷ୍ଠିତ,

ଓଡିଶା ଜନମତ ବ୍ୟୁରୋ,

ଖଲ୍ଲିକୋଟ ବ୍ଲକ୍ ଅନ୍ତର୍ଗତ କନକା କ୍ଲଷ୍ଟର ଅଧୀନସ୍ଥ ପାନ ନୂଆଗାଁ ସ୍ଥିତ ଉଚ୍ଚ ପ୍ରାଥମିକ ବିଦ୍ୟାଳୟ
ପରିସରରେ ଆନୁଷ୍ଠାନିକ ରୀତିରେ ନବମ କ୍ଲଷ୍ଟର ସ୍ତରୀୟ ବୈଠକ ଅନୁଷ୍ଠିତ ହୋଇଯାଇଛି । ବିଦ୍ୟାଳୟର ସହକାରୀ ଶିକ୍ଷକ ରମେଶ ଚନ୍ଦ୍ର ସାହୁ ଜଗତର ନାଥ ଶ୍ରୀଜଗନ୍ନାଥଙ୍କ ଉଦ୍ଦେଶ୍ୟରେ ପ୍ରଦୀପ ପ୍ରଜ୍ଜ୍ୱଳନ କରି ବୈଠକର ଶୁଭ ଉଦ୍ଘାଟନ କରିଥିଲା ବେଳେ ପ୍ରଧାନ ଶିକ୍ଷକ ବାଲ୍ମୀକି ମିଶ୍ର ଦୀପ ମନ୍ତ୍ର, ଶ୍ଳୋକ ଗାନ କରିଥିଲେ । ଶିକ୍ଷକ ଦେବରାଜ ଗୈାଡ ସୁଲଳିତ କଣ୍ଠରେ ଭକ୍ତି ରସାତ୍ମକ ଭଜନ ପରିବେଷଣ କରିଥିଲେ । ବୈଠକର ପ୍ରାରମ୍ଭରେ ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଡକ୍ଟର ଦ୍ବାରିକାନାଥ ମହାରଣା ବୈଠକରେ ଉପସ୍ଥିତ ସମସ୍ତ ଶିକ୍ଷକ ଶିକ୍ଷୟିତ୍ରୀଙ୍କୁ ସ୍ୱାଗତ ଜଣାଇ ପ୍ରତ୍ୟେକ ମାସରେ ଅନୁଷ୍ଠିତ କ୍ଲଷ୍ଟର ସ୍ତରୀୟ ବୈଠକର ଆବଶ୍ୟକତା, ଉଭୟ ପ୍ରାଥମିକ, ଉଚ୍ଚ ପ୍ରାଥମିକ ବିଦ୍ୟାଳୟ ସ୍ତରରେ ଭାଷା, ଗଣିତ ବିଷୟ କ୍ରମରେ ଶିକ୍ଷଣ ଫଳାଫଳ ସମ୍ପର୍କରେ ଆଲୋଚନା କରିଥିଲେ ।
ଏତଦବ୍ୟତୀତ ଫେବୃୟାରୀ ମାସର ଶୈକ୍ଷିକ କ୍ୟାଲେଣ୍ଡର, ପାଠ୍ୟ ଯୋଜନା, ମୈଳିକ ସାକ୍ଷରତା, ସଂଖ୍ୟା ଜ୍ଞାନ, ଏକକ ଶ୍ରେଣୀ, ବହୁ ଶ୍ରେଣୀ ପାଠ ଯୋଜନା, ଭାଷା ଶିକ୍ଷଣ, ଗଣିତ କିଟ୍ ଆଦି ବହୁବିଧ ଦିଗ ସମ୍ପର୍କରେ ସମବେତ ପ୍ରଧାନ ଶିକ୍ଷକ/ ଶିକ୍ଷୟିତ୍ରୀ, ଏଫ୍. ଏଲ୍. ଏନ୍. ଶିକ୍ଷକ ଶିକ୍ଷୟିତ୍ରୀଙ୍କ ସମ୍ମୁଖରେ ପ୍ରଶିକ୍ଷଣ ପ୍ରଦାନ ସହିତ ଆଲୋଚନା କରିଥିଲେ । କ୍ଲଷ୍ଟରରେ କାର୍ଯ୍ୟରତ ଶିକ୍ଷକ ଦେବରାଜ ଗୈାଡ, ହରେକୃଷ୍ଣ ମଲ୍ଲିକ, ପ୍ରଫୁଲ୍ଲ ଶବର, ନିରଞ୍ଜନ ପଣ୍ଡା, କେଦାରନାଥ ନାୟକ, କମଲଜିତ୍ ତ୍ରିପାଠୀ, ସନ୍ତୋଷ କୁମାର ବାରିକ, ଏକାଦଶୀ ବେହେରା, ଶିକ୍ଷୟିତ୍ରୀ ଚମ୍ପାବତୀ ପଟ୍ଟନାୟକ, ବିଦ୍ୟୁତ୍ ପ୍ରଭା ନାୟକ, ରୀନା କୁମାରୀ ମହାପାତ୍ର, ତପସ୍ୱିନୀ ଜାନି, ଅନିତା କୁମାରୀ ବାରିକ, ସୋନାଲି ପାହାନ୍ତା ସିଂ, ଲକ୍ଷ୍ମୀପ୍ରିୟା ପାତ୍ର, ସତ୍ୟଭାମା ଦେବତା ପ୍ରମୁଖ ଯୋଗଦେଇଥିଲେ ।

ଖଲ୍ଲିକୋଟ ଲକ୍ଷ୍ମୀ ନାରାୟଣ ପୁର ରେ ବାଇକ ଏକ୍ସଲ ମୁହାଁ ମୁହିଁ ଧକ୍କା 3ଗୁରୁତର, ମେଡିକାଲ ରେ ଚିକିତ୍ସିତ |

ବାଲିଗୁଡା, ଗୋଟିଏ ରାତ୍ରରେ 3ଗୋଟି ସାନରୁ ସିରିଜ ଚୋରି