Odisha Janamata : ଖଲ୍ଲିକୋଟ ବ୍ଲକ ର କିଛି ପଞ୍ଚାୟତ କୁ ଅଚାନକ ଧାନ ମଣ୍ଡି ପରିଦର୍ଶନ କଲେ ଆସ୍କା ଏମପି

ଖଲ୍ଲିକୋଟ ବ୍ଲକ ର କିଛି ପଞ୍ଚାୟତ କୁ ଅଚାନକ ଧାନ ମଣ୍ଡି ପରିଦର୍ଶନ କଲେ ଆସ୍କା ଏମପି

15-Jan-2025

ଆସିକା ସାଂସଦଙ୍କ ଅଚାନକ ଧାନମଣ୍ଡି ପରିଦର୍ଶନ , କଟନୀ ଛଟନୀ ନେଇ ମିଲଙ୍କୁ ତାଗିଦ,
-------- --------------------------
ଓଡିଶାଜନମତ,ଖଲ୍ଲିକୋଟ,ମାଧବ ବେହେରା, ୧୫/୦୧ :

ବୁଧବାର ଦିନ ଆସକା ସାଂସଦ ଶ୍ରୀମତୀ ଅନୀତା ଶୁଭଦର୍ଶିନୀ ପଟ୍ଟନାୟକ ଖଲ୍ଲିକୋଟ ବ୍ଳକର ବାରସର ଓ ବି ଏନ ପୁର ଧାନମଣ୍ଡିକୁ ଯାଇ ସରକାରଙ୍କ ପକ୍ଷରୁ ଚାଲିଥିବା ଧାନ କିଣା ସଂପର୍କରେ ଚାଷୀ ମାନଙ୍କୁ ଭେଟି ମଣ୍ଡି ସମସ୍ୟା ସମ୍ପର୍କରେ ପଚାରି ବୁଝିଥିଲେ। ପରେ ମିଲର ମାନଙ୍କ ସହ ଯୋଗାଯୋଗ କରି ଧାନ କିଣାର ମାନ୍ଦାବସ୍ଥା ଦୂର କରିବା ସହ ବିନା କଟନୀ ଛଟନୀରେ ଚାଷଙ୍କ ଠାରୁ ଧାନ କିଣିବା ପାଇଁ ତାଗିଦ କରିଥିବା ଜଣା ପଡିଛି। ଧାନ କିଣା ନେଇ ବିଭିନ୍ନ ବିଶୃଙ୍ଖଳା ଉପୁଜିବା ସହ ଠିକ ସମୟରେ ଚାଷଙ୍କ ଠାରୁ ଧାନ କିଣା ଯାଉ ନଥିବା ଅଭିଯୋଗ ହୋଇ ଆସୁଥିଲା। ଚାଷଙ୍କ ଠାରୁ ଧାନ କିଣାରେ ମନ୍ଥରତା ଯୋଗୁଁ ଧାନ କିଣା ଅବ୍ୟବସ୍ଥା ଉପୁଜୁଜୁଛି । ଖଲ୍ଲିକୋଟ ବ୍ଳକର ୨୦ ଗୋଟି ମଣ୍ଡିରେ ଚଳିତ ଜାନୁଆରୀ ମାସ ୧୨ ତାରିଖ ସୁଦ୍ଧା ମାତ୍ର ୧୦୫୫ କିଣ୍ଟାଲ ଧାନ କିଣା ଯାଇଥିବା ଜଣା ପଡିଛି। ଉତ୍ତମ ମାନର ଧାନକୁ ତୁରନ୍ତ ଚାଷଙ୍କ ଠାରୁ କିଣାଯିବା ସହ ଏଫ ଏ କ୍ୟୁ ନଥିବା ଖରାପ ଧାନକୁ ପର୍ଯ୍ୟାୟ କ୍ରମେ ଚାଷଙ୍କ ଠାରୁ ଅଗ୍ରାଧିକାର ଭିତ୍ତିରେ କିଣିବା ପାଇଁ ମଣ୍ଡର ସଂପାଦକ ଓ ମିଲର ମାନଙ୍କୁ ପରାମର୍ଶ ଦେବା ପାଇଁ ବିଭାଗୀୟ କର୍ତ୍ତୃପକ୍ଷଙ୍କୁ ସାଂସଦ ଶ୍ରୀ ମତୀ ପଟ୍ଟନାୟକ ଅବଗତ କରାଇଥିବା ଜଣା ପଡିଛି |