Odisha Janamata : ଇଣ୍ଡିଆନ ଆଇ ଡ଼ିଏଲ ବିଜେତା ଜ୍ୟୋତିର୍ମୟୀ ଙ୍କୁ ସମ୍ବର୍ଦ୍ଧିତ କଲେ ଓଡିଶା ମୁଖ୍ୟମନ୍ତ୍ରୀ |

ଇଣ୍ଡିଆନ ଆଇ ଡ଼ିଏଲ ବିଜେତା ଜ୍ୟୋତିର୍ମୟୀ ଙ୍କୁ ସମ୍ବର୍ଦ୍ଧିତ କଲେ ଓଡିଶା ମୁଖ୍ୟମନ୍ତ୍ରୀ |

29-Jul-2026

ମୁଖ୍ୟମନ୍ତ୍ରୀ ଇଣ୍ଡିଆନ ଆଇଡଲ ବିଜେତା ଜ୍ୟୋତିର୍ମୟୀଙ୍କୁ କଲେ ସମ୍ବର୍ଦ୍ଧନା, ଘୋଷଣା ହେଲା ୫ ଲକ୍ଷ ଟଙ୍କାର ପୁରସ୍କାର ରାଶି |
ଓଡିଶା ଜନ ମତ ବ୍ୟୁରୋ ,

ରାଜ୍ୟ ତଥା ଦେଶ ପାଇଁ ଗର୍ବ ଓ ଗୌରବ ଆଣିଥିବା ଓଡିଶା ମାଟିର ଓଡ଼ିଆ ଝିଅ ନିଜର ଦକ୍ଷତା ପାଇଁ ଆଜି ସମଗ୍ର ଦେଶରେ ଓଡ଼ିଶାର ନାମ ରୋଶନ କରିଥିବା ଚଳିତ ବର୍ଷର ‘ଇଣ୍ଡିଆନ୍ ଆଇଡଲ୍- ସିଜିନ୍ ୧୬’ର ବିଜେତା ଜ୍ୟୋତିର୍ମୟୀ ନାୟକଙ୍କୁ ରାଜ୍ୟ ସରକାରଙ୍କ ପକ୍ଷରୁ ଭବ୍ୟ ସମ୍ବର୍ଦ୍ଧନା ଜଣାଯାଇଛି। ଆଜି ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ନିଜ ସରକାରୀ ବାସଭବନରେ କଣ୍ଠଶିଳ୍ପୀ ଜ୍ୟୋତିର୍ମୟୀଙ୍କୁ ସମ୍ବର୍ଦ୍ଧିତ କରିବା ସହ ତାଙ୍କର ଏହି ଅସାଧାରଣ କୃତିତ୍ୱ ପାଇଁ ୫ ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା କରିଛନ୍ତି।ଆଜି ଜ୍ୟୋତିର୍ମୟୀ ମୁଖ୍ୟମନ୍ତ୍ରୀଙ୍କ ସରକାରୀ ବାସଭବନରେ ତାଙ୍କୁ ଭେଟିବା ସହ ନିଜ ଜିତିଥିବା ‘ଇଣ୍ଡିଆନ୍ ଆଇଡଲ୍ ଟ୍ରଫି’ ପ୍ରଦର୍ଶନ କରିଥିଲେ। ଏହି ବିଜୟ ପଛରେ ଥିବା ତାଙ୍କର କଠିନ ପରିଶ୍ରମ, ସାଧନା ଏବଂ ଅଧ୍ୟବସାୟ ବିଷୟରେ ସେ ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିଥିଲେ। ଏହି ସମ୍ବର୍ଦ୍ଧନା ଉତ୍ସବରେ ଜ୍ୟୋତିର୍ମୟୀଙ୍କ ପିତା ଚକ୍ରଧର ନାୟକ ଏବଂ ମାତା ଗୌରୀ ନାୟକ ମଧ୍ୟ ଉପସ୍ଥିତ