Odisha Janamata : ଗୁଣ୍ଡିଚା ପରେ ବାହୁଡା ରେ ପୁରୀରେ ରଥ ଟଣା ବେଳେ ଅଣନିଶ୍ୱାସୀ ହୋଈ ଜଣେ ମୃତ |

ଗୁଣ୍ଡିଚା ପରେ ବାହୁଡା ରେ ପୁରୀରେ ରଥ ଟଣା ବେଳେ ଅଣନିଶ୍ୱାସୀ ହୋଈ ଜଣେ ମୃତ |

25-Jul-2026

ବାହୁଡା ଯାତ୍ରାରେ ପୁଣି ଅଘଟନ ବଡ଼ଦାଣ୍ଡରେ ଅଣନିଃଶ୍ବାସ ହୋଇ ଭକ୍ତଙ୍କ ମୃତ୍ୟୁ,

ଓଡିଶା ଜନ ମତବ୍ୟୁରୋ

କିଛିଦିନ ତଳେ ପୁରୀ ବଡ଼ ଦାଣ୍ଡରେ ଗୁଣ୍ଡିଚା ଯାତ୍ରାବେଳେ ରଥ ଟଣା ସମୟରେ ପ୍ରବଳ ଭକ୍ତ ଙ୍କ ଭିଡ଼ ମଧ୍ୟରେ ଭିନ୍ନ ଭିନ୍ନ ସ୍ଥାନରେ ଦୁଇ ଭକ୍ତଙ୍କ ଗହଳି ମଧ୍ୟରେ ଅଣନିଶ୍ୱାସୀ ହୋଈ ମୃତ୍ୟୁ ହୋଇଥିଲା ବେଳେ ଗତକାଲି ପୁରୀ ବାହୁଡା ଯାତ୍ରାରେ ସେଇ ବଡ଼ ଦାଣ୍ଡରେ ରଥ ଟଣା ବେଳେ ପୁଣି ଜଣେ ଭକ୍ତଙ୍କ ଅଣନିଃଶ୍ଵାସରେ ମୃତ୍ୟୁ ଘଟିଥିବା ଜଣାଯାଇଛି। ମିଳିଥିବା ସୂଚନାନୁସାରେ, ସୁଭଦ୍ରା ରଥ ନିକଟରେ କଟକ ଜିଲ୍ଲାର ଅଭିରାମ ଦାସ (୫୭) ହଠାତ୍ ଅସୁସ୍ଥହୋଇପଡ଼ି ଥିଲେ। ତାଙ୍କୁ ବଗଲା ପ୍ରାଥମିକ ଚିକିତ୍ସା କେନ୍ଦ୍ରରେ ଭର୍ତ୍ତି କରାଯାଇଥିଲା। ସେଠାରୁ ତାଙ୍କୁ ପୁରୀ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇ ଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ | ସେ ଅନେକ ଦିନ ଧରି ଉଚ୍ଚରକ୍ତଚାପରେ ପୀଡ଼ିତ ଥିବା ଜଣାଯାଇଛି। ତେବେ ଏହି ଏହି ଘଟଣା ରେ ପୁଲିସ ପ୍ରଶାସନ ପକ୍ଷରୁ କୌଣସି ବିଧି ବଦ୍ଧ ସୂଚନା ଦିଆଯାଇନାହିଁ । ଦୁଇଟି ଯାତ୍ରାରେ ଏତେ ମାତ୍ରାରେ ଲକ୍ଷା ଧିକ ଭକ୍ତ ଙ୍କ ଗହଳି ମଧ୍ୟରେ ଭକ୍ତ ଅଣନିଶ୍ୱାସୀ ହୋଇଯିବା ସ୍ୱାଭାବିକ |କିନ୍ତୁ ସମସ୍ତେ ଅଚେତ ଭକ୍ତ ଟିକୁ ନେଇ ଚିକିତ୍ସା କରିବା ସତ୍ୱେ ସେମୃତ୍ୟୁ ବରଣ କରିଥିବା ପୂର୍ବ ଜନ୍ମର ଭାଗ୍ୟ ଥିଲା ବୋଲି ମଧ୍ୟ ସବୁଠି ଚର୍ଚ୍ଚା ହେଉଛି | ତେବେ ପ୍ରଶାସନ ତରଫରୁ ସେହି ବ୍ୟକ୍ତି ଙ୍କ ପରିବାର କୁ କିଛି ଆର୍ଥିକ ରାଶି ପ୍ରଦାନ କରାଗଲେ ସେମାନଙ୍କ ପରିବାର ଅନ୍ତତଃ ଟିକେ ଆଶ୍ବସ୍ତି ଲାଭ କରିଥାନ୍ତେ ବୋଲି ମଧ୍ୟ ଚର୍ଚ୍ଚା ହେଉଛି |