Odisha Janamata : ଭିଜିଲାନ୍ସ ଜାଲରେ ପଡିଲେ କାଉ ପଦା ମହିଳା ଆରାଇ

ଭିଜିଲାନ୍ସ ଜାଲରେ ପଡିଲେ କାଉ ପଦା ମହିଳା ଆରାଇ

25-Jul-2026

ମହିଳା ଆରାଇ ଲାଞ୍ଚ ନେଉଥିବାବେଳେ ମାଡ଼ିବସିଲା ଭିଜିଲାନ୍ସ |

ଓଡିଶା ଜନ ମତ ବ୍ୟୁରୋ,

ରାଜ୍ୟ ସରକାର ଓ କେନ୍ଦ୍ର ସରକାର ମହିଳା ସଶସ୍ତ୍ରୀ କରଣ ପାଇଁ ସେମାନଙ୍କୁ ସବୁ ସ୍ଥାନରେ ନିଯୁକ୍ତି ସୁଯୋଗ କଉଥିଲା ବେଳେ ସେମାନେ ଯେ ଅର୍ଥ ପାଇଁ ଲୋକଙ୍କ ସେବା କିମ୍ବା କାମକରିବା ବଦଳରେ ଏତେ ତଳକୁ ଖସି ଯାଆନ୍ତି ତାହା ବିଶ୍ୱାସ କରିହେଉନ ଥିଲେ ବି ଘଟଣାଟି ସତ୍ୟ ଅଟେ | ଡେରାବିଶ ତହସିଲ କାଉ ପଦା ରାଜସ୍ବ ନିରୀକ୍ଷକ ଭିଜିଲାନ୍ସ ଜାଲରେ ମହିଳା ଆର୍‌ ଆଇ (ରାଜସ୍ୱ ନିରୀକ୍ଷକ) ସାଇ ଦର୍ଶିନୀ ଲେଙ୍କା। ଜମି ମିଉଟେସନ ପାଇଁ ଲାଞ୍ଚ ନେଉଥିବାବେଳେ ମାଡ଼ିବସିଲା ଭିଜିଲାନ୍ସ l ଜମି ମିଉଟେସନ ପାଇଁ ଲାଞ୍ଚ ମାଗୁଥିଲେ ସାଇଦର୍ଶିନୀ ଲେଙ୍କା। ସେ ଛଅ ହଜାର ଟଙ୍କା ଦେବାକୁ ଅଭିଯୋଗକାରୀଙ୍କୁ କହୁଥିଲେ। ଆଜି ୫୫୦୦ ଟଙ୍କା ଲାଞ୍ଚନେଉଥିବା ବେଳେ ଛକି ଥିଲା କେନ୍ଦ୍ରାପଡ଼ା ଭିଜିଲାନ୍ସ ଟିମ୍। ତାଙ୍କଠାରୁ ସବୁ ଟଙ୍କା ଜବତ କରାଯାଇଛି।
ଭଡ଼ାଘର ସହ ଅନ୍ୟ ଦୁଇଟି ସ୍ଥାନରେ ଚଢ଼ାଉ
କାଉପଦା ରାଜସ୍ୱ ନିରୀକ୍ଷକ ସାଇଦର୍ଶିନୀ ଲେଙ୍କା ଜମି ମିଉଟେସନ ପାଇଁ ୬ ହଜାର ଟଙ୍କା ଲାଞ୍ଚ ମାଗୁଥିବା ନେଇ ଭିଜିଲାନ୍ସ ନିକଟରେ ଅଭିଯୋଗ କରିଥିଲେ ସ୍ଥାନୀୟ ବ୍ୟକ୍ତି। ଡେରାବିଶ ତହସିଲ୍ ଅଧୀନ କାଉପଦା ରାଜସ୍ୱ ନିରୀକ୍ଷକ ସାଇ ଦର୍ଶିନୀ ଲେଙ୍କାଙ୍କୁ ଉଠାଇନେଲା ଭିଜିଲାନ୍ସ ଟିମ । ଏହାପରେ ଗରାପୁର ସ୍ଥିତ ତାଙ୍କ ଭଡ଼ାଘର ସହ ଅନ୍ୟ ଦୁଇଟି ସ୍ଥାନରେ ଚଢ଼ାଉ ଜାରି ରଖିଛି ଭିଜିଲାନ୍ସ । ଏହି ଘଟଣା ସାରା କେନ୍ଦ୍ରାପଡ଼ା ଜିଲ୍ଲାରେ ଚର୍ଚ୍ଚାର ବିଷୟ ହୋଇଛି।