ପୁଞ୍ଜି କଁୟା ଛକଠା ରେ ଟଙ୍କା ଵ୍ୟଗ ଲୁଟିନେଲେ ଲୁଟେରା ||
24-Apr-2026
ପୁଞ୍ଜିକଁୟା ଛକରେ ପୋଷ୍ଟ ମାଷ୍ଟର ଙ୍କ ଠାରୁ ଲୁଟେରା ଝାମ୍ପିନେଲେ 80ହଜାର ଟଙ୍କା ବ୍ୟାଗ |
ଓଡିଶା ଜନ ମତ ବ୍ୟୁରୋ,
ଗଞ୍ଜାମ ଜିଲ୍ଳାରେ ଲୁଟେରାଙ୍କ ପାଦୁର୍ଭାବ ଦିନକୁ ଦିନ ବଢ଼ିବାରେ ଲାଗିଛି | ପୋଲିସି ରସବୁ ଯୋଜନାକୁ ପଣ୍ଡା କରିଦେଇ ଲୁଟିନେଉଛନ୍ତି ଟଙ୍କା ସୁନା | ତେବେ ଲୋକଙ୍କ ଟଙ୍କା ଧରି ବେଙ୍କ କୁ ବାନ୍ଧିବାକୁ ଯାଉଥିବା ଜଣେ ପୋଷ୍ଟ ମାଷ୍ଟର ଙ୍କ ଠାରୁ ଲୁଟେରା ମାନେ ଲୁଟିନେଲେଟଙ୍କା | ଗଞ୍ଜାମ ଜିଲା ଦିଗପହଣ୍ଡି ପୁଞ୍ଜିକଂୟା ଛକ ଆସିକା ମୁଖ୍ୟରାସ୍ତା କଡ଼ରେ ଥିବା ଏକ ହୋଟେଲ ସମ୍ମୁଖରୁ ଦିଗପହଣ୍ଡି ବ୍ଲକ କଇଠଖଣ୍ଡି ପଞ୍ଚାୟତ ବୋରିପଦର ଗ୍ରାମ୍ୟ ପୋଷ୍ଟ ମାଷ୍ଟର ମନୋଜ କୁମାର ପଟ୍ଟନାୟକଙ୍କଠାରୁ ୮୦ ହଜାର ଟଙ୍କା ଥିବା ହ୍ୟାଣ୍ଡବ୍ୟାଗକୁ ୪ ଦୁର୍ବୃତ୍ତ ଅଭିନବ ଉପାୟରେ କୌଶଳକ୍ରମେ ଲୁଟି ନେଇ ଚମ୍ପଟ ମାରିବାରେ ସଫଳ ହୋଇଛନ୍ତି। ପୋଷ୍ଟମାଷ୍ଟର ଜଣକ ଗ୍ରାମୀଣ ଡାକ କାର୍ଯ୍ୟାଳୟରୁ ସଂଗୃହିତ ୮୦ ହଜାର ଟଙ୍କା ବ୍ୟାଙ୍କରେ ଡିପୋଜିଟ କରିବା ପାଇଁ ଅପରାହ୍ନ ପ୍ରାୟ ୨ ଟାରେ ତାଙ୍କ ସ୍କୁଟି (ନଂ. ଓଡ଼ି୦୭ ଏସି -୫୭୩୦) ଯୋଗେ ଦିଗପହଣ୍ଡି ଆସିଥିଲେ। ସେ ହୋଟେଲ ସମ୍ମୁଖରେ ସ୍କୁଟି ରଖ୍ ଖାଇବାକୁ ଯାଇଥିଲେ। ଖାଇ ସାରିବା ପରେ ଟଙ୍କା ଥିବା ବ୍ୟାଗକୁ ସ୍କୁଟି ସମ୍ମୁଖରେ ଓହଳାଇ ପଦ୍ମନାଭପୁର ଗ୍ରାମ ସ୍ଥିତ ବ୍ୟାଙ୍କକୁ ଯିବା ନିମନ୍ତେ ସ୍କୁଟି ଷ୍ଟାର୍ଟ କରିବା ବେଳେ ୨ ଟି ବାଇକ ରେ ଆସିଥିବା ୪ଜଣ ଯୁବକ ତାଙ୍କର କିଛି ଟଙ୍କା ପଡ଼ିଯାଇଥିବା କହିଥିଲେ। ମନୋଜ ଦୁବୃତ୍ତଙ୍କ କଥାରେ ପ୍ରଭାବିତ ହୋଇ ସ୍ଫୁଟି ଷ୍ଟାଣ୍ଡ ମାରି ପଛକୁ ଚାହୁଁଥିବା ବେଳେ ସେମାନେ ସ୍କୁଟିରେ ଓହଳାଇଥିବା ଟଙ୍କା ଭର୍ତି ବ୍ୟାଗକୁ ଝାମ୍ପିନେଇ ବ୍ରହ୍ମପୁର ରାସ୍ତାରେ ଚମ୍ପଟ ମାରିଥିଲେ । ଏନେଇ ମନୋଜ ଦିଗପହଣ୍ଡି ଥାନାରେ ଏତଲା ଦେଇଥିଲେ । ଏତଲାକୁ ଭିତ୍ତିକରି ଆଇଆଇସି କିଶୋର କୁମାର ସାମଲ ଥାନା ମାମଲା ନଂ.୧୭୫/୨୬ ଅନୁଯାୟୀ ମକଦ୍ଦମା ରୁଜୁ କରିବା ସହ ଘଟଣାସ୍ଥଳରେ ପହଞ୍ଚି ନିକଟସୁ ପେଟ୍ରୋଲ ପମ୍ପରେ ଲାଗିଥିବା ସିସିଟିଭି ଫୁଟେଜ ସଂଗ୍ରହ କରି ଦୁବୃତ୍ତଙ୍କ ଗତିବିଧୂକୁ ଯାଞ୍ଚ କରି ଫେରିଥିବା ଜଣାପଡିଛି । ଦିଗପହଣ୍ଡି ଭଳି ଜନଗହଳି ପୂର୍ଣ୍ଣ ରାସ୍ତାରେ ଗତ କିଛି ମାସ ହେଲା ଦୁବୃତ୍ତ ମାନେ ନିରୀହ ଲୋକଙ୍କୁ ଟାର୍ଗେଟ କରିବା ସହ ସ୍ପଷ୍ଟ ଦିବାଲୋକ ରେ ସେମାନଙ୍କ ଟଙ୍କା ବ୍ୟାଗକୁ ଛଡାଇ ନେଇ ଆସୁଥିବା ଅଭିଯୋଗ ହେଉଛି | ତେବେ ପୋଲିସି ର ସବୁପ୍ରକାର ଉଦ୍ୟମକୁ ଲୁଟେରା ମାନେ ପଣ୍ଡ କରି ତାଙ୍କ କାର୍ଯ୍ୟରେ ସଫଳ ହେଉଛନ୍ତି ||
Breaking
News