Odisha Janamata : ଆସିକା ପୋଲିସ ଦ୍ୱାରା 2ଅଭିଯୁକ୍ତ ସହ 4କେଜି ଗଞ୍ଜେଇ ଓସ୍କୁଟି ଜବତ କଲା ଆସ୍କା ଅବକାରୀ ପୋଲିସ ||

ଆସିକା ପୋଲିସ ଦ୍ୱାରା 2ଅଭିଯୁକ୍ତ ସହ 4କେଜି ଗଞ୍ଜେଇ ଓସ୍କୁଟି ଜବତ କଲା ଆସ୍କା ଅବକାରୀ ପୋଲିସ ||

27-Sep-2026

୪ କିଲୋ ଗଞ୍ଜେଇ ଜବତ, ଦୁଇ ଗିରଫ କଲା ଆସିକା ପୋଲିସ |

ଓଡିଶା ଜନ ମତ ବ୍ୟୁରୋ,

ବେଆଇନ ଗଞ୍ଜେଇ କାରବାର କରୁଥିବା ବେଳେ ସାପୁଆପଲ୍ଲୀ ଛକ ରୁ ଆସିକା ଅବକାରୀ ବିଭାଗ ପକ୍ଷରୁ ୪ କିଲୋଗ୍ରାମ ଗଞ୍ଜେଇ ସହ ଗୋଟିଏ ସ୍କୁଟି ଜବତ କରି ଦୁଇଜଣଙ୍କୁ ଗିରଫ କରିଛି l ଗଞ୍ଜାମ ଜିଲ୍ଲାକୁ ନିଶାମୁକ୍ତ କରିବା ଅଭିଯାନ ରେ ଜିଲ୍ଲାପାଳ ଭି. କୀର୍ତ୍ତି ଭାସନଙ୍କ ନିର୍ଦ୍ଦେଶ କ୍ରମେ ଏବଂ ଅବକାରୀ ଅଧୀକ୍ଷକ ଅମରେନ୍ଦ୍ର ଜେନା ଓ ଡେପୁଟି ସୁପରିଟେଣ୍ଡେଣ୍ଟ ସ୍ୱାଧୀନ ସାହୁଙ୍କ ତତ୍ତ୍ୱାବଧାନରେ ଏହି ଚଢ଼ାଉ କରାଯାଇଥିଲା।
ପୂର୍ବ ସୂଚନା ପ୍ରକାର ରେ ଆସିକା ଅବକାରୀ ଟିମ୍ ବାଲିସିରା ନିକଟ ସାପୁଆପଲ୍ଲୀ ଛକଠାରେ ଓଡି-୧୨-ଜି-୫୯୮୩ ନମ୍ବର ବିଶିଷ୍ଟ ଟିଭିଏସ୍ ଜୁପିଟର ସ୍କୁଟିକୁ ଅଟକାଇ ଯାଞ୍ଚ କରିଥିଲେ। ଯାଞ୍ଚ ସମୟରେ ସ୍କୁଟିରୁ ୪ କିଲୋଗ୍ରାମ ଗଞ୍ଜେଇ ଜବତ ହୋଇଥିଲା।
ଏହି ଘଟଣାରେ କନ୍ଧମାଳ ଜିଲ୍ଲା କରେକମ୍ବା ଗ୍ରାମର ବଳିୟାର ସିଂ ବାଗ ଏବଂ ମହାରାଷ୍ଟ୍ରର ୱାର୍ଦ୍ଧା ଜିଲ୍ଲା ଧଙ୍ଗରପୁରା ଗ୍ରାମର ରୀତିକ ଅମ୍ବାଦାସ ରାବେକାରଙ୍କୁ ଗିରଫ କରାଯାଇଛି। ଏନେଇ ଅବକାରୀ ମାମଲା ନଂ. ୧୮୪/୨୬-୨୭ ରେ ମାମଲା ରୁଜୁ କରି ଉଭୟଙ୍କୁ କୋର୍ଟ ଚାଲାଣ କରାଯାଇଛି।
ଅବକାରୀ ବିଭାଗର ସୂଚନା ଅନୁଯାୟୀ, ଜବତ ଗଞ୍ଜେଇ କନ୍ଧମାଳରୁ ମହାରାଷ୍ଟ୍ରକୁ ଚାଲାଣ ହେଉଥିଲା। ଏହି ଚାଲାଣ ସମ୍ପର୍କରେ ଅଧିକ ତଦନ୍ତ ଚାଲିଛି।
ଚଢ଼ାଉରେ ଅବକାରୀ ଇନ୍ସପେକ୍ଟର ମନିଷା ଭୋଳ, ଏସ୍‌ଆଇ ଦୀପଦ୍ୱତନ ବିଶ୍ୱାଳ, କନଷ୍ଟେବଳ ଜଗନ୍ନାଥ ଶତପଥୀ, ସିଦ୍ଧାନ୍ତ ବିଶୋଇ, ଶ୍ରୀକାନ୍ତ ବେହେରା, ଅଜିତ କୁମାର ସ୍ୱାଇଁ ଓ ଗାୟତ୍ରୀ ସାଇଥା ପ୍ରମୁଖ ସାମିଲ ଥିଲେ।