Odisha Janamata : ସାତ ମାସ ଧରି ଫେରାର ଥିବା ଆଇ ଆଇ ସି ଶେଷରେ କୋର୍ଟ ରେ ଆତ୍ମ ସମର୍ପଣ କଲେ |

ସାତ ମାସ ଧରି ଫେରାର ଥିବା ଆଇ ଆଇ ସି ଶେଷରେ କୋର୍ଟ ରେ ଆତ୍ମ ସମର୍ପଣ କଲେ |

04-Mar-2026

୭ ମାସ ହେଲା ଫେରାର ଥୂବା ଆଇଆଇସି ଙ୍କ କୋର୍ଟ ରେ ଆତ୍ମ ସମର୍ପଣ,

ଓଡିଶା ଜନ ମତ ବ୍ୟୁରୋ,

ପ୍ରାୟ ୭ ମାସ ଧରି ଫେରାର ରହିବା ପରେ ଶେଷରେ ଜୟ ପୁର କୋର୍ଟରେ ଆତ୍ମସମର୍ପଣ କରିଛନ୍ତିଜଣେ ଆଇ ଆଇ ସି |ଲୋକଙ୍କ ବିଶ୍ୱାସ ଭାଜନ ହୋଇପାରୁଥିବା ଏବଂ ଲୋକଙ୍କୁ ଭରସା ଦେଉଥିବା ପୋଲିସ ଅଫିସର ଯଦି ଏପରି କରନ୍ତି ତେବେ ଅପରାଧୀ ମାନେ କାହିଁକି ଅନ୍ୟୟ,ଅନୀତି, ଦୁର୍ନୀତି ଓ ଚୋରି, ଡକାୟତି , ଦୁଷ୍କର୍ମ ଏବଂ ହତ୍ୟା କାର୍ଯ୍ୟ ରେ ଲିପ୍ତ ନରହିବେ | ସେହି ମାନଙ୍କୁ ଅଭୟ ପ୍ରଦାନ କରି ସେମାନଙ୍କଠାରୁ ବେଆଇନ ଭାବେ ଅର୍ଥ ରୋଜଗାର କରୁଥିବା କାରଣରୁ ସେ କାର୍ଯ୍ୟରୁ ନିଲମ୍ବିତ ହୋଇ ଛନ୍ତି | ଏପରି ଜଣେ ପୋଲିସ ଅଧିକାରୀ ପ୍ରାୟ ୭ ମାସ ଧରି ଫେରାର ରହିବା ପରେଶେଷରେକୋର୍ଟରେ ଆତ୍ମସମର୍ପଣ କରିଛନ୍ତି ପୁରୀ ଜିଲ୍ଲା ଅସ୍ତରଙ୍ଗ ଥାନାର ନିଲମ୍ବିତ ଆଇଆଇସିରାଜେଶ ବଳିଆରସିଂହ | ଆତ୍ମସମର୍ପଣ କରିବା ପରେ ତାଙ୍କୁ ସର୍ତ୍ତମୂଳକ ଜାମିନ ମିଳିଛି। ନିଲମ୍ବିତ ଆଇଆଇସି ରାଜେଶ ବଳିଆରସିଂହ ଗଞ୍ଜେଇ କାରବାରରେ ସାମିଲ ଥ‌ିବା ଅଭିଯୁକ୍ତଙ୍କ ସହ ସଂପର୍କରେ ଥ‌ିବା ନେଇ ଅଭିଯୋଗ ରହିଛି। କୋରାପୁଟରେ କାର୍ଯ୍ୟରତ ଥ‌ିବା ବେଳେ ସେ ଗଞ୍ଜେଇ ବେପାରୀଙ୍କୁସହଯୋଗା, ଯୋଗ କରିବା ଓ ତାଙ୍କ ଗାଡ଼ି ବ୍ୟବହାର କରିଥିବା ଅଭିଯୋଗ ହୋଇଛି। ଏନେଇ ଜୟପୁର ଟାଉନ ଥାନାରେ ତାଙ୍କ ନାଁରେ ମାମଲା ରୁଜୁହୋଇଥିଲା | ଆଉ ସେହିଦିନ ଠାରୁ ସେ ଫେରାର ହୋଇ ଯାଇଥିଲେ ବଳିଆର ସିଂହ | ତେବେ ଗିରଫ ହେବା ଭୟରେ ସେ ଜୟପୁର କୋର୍ଟ ରେ ଆତ୍ମ ସମର୍ପଣ କରିଛନ୍ତି | ଆଇନ କାନୁନ ରକ୍ଷା କରିବା ଯାହାର କାମ ସେଯଦି ଅପରାଧୀ ମାନଙ୍କ ସହିତ ସମ୍ପର୍କ ରଖିବା ସେମାନଙ୍କୁ ସାହାଯ୍ୟ କରିବା ଓ ତାଙ୍କରି ଗାଡିକୁ ବ୍ୟବହାର କରିବା ଏହା କେତେଦୂର ଯୁକ୍ତି ଯୁକ୍ତ ବୋଲି ସାଧାରଣ ରେ ଚର୍ଚ୍ଚା ହେଉଛି | କୋର୍ଟ ଏମାନଙ୍କ ବିରୁଦ୍ଧରେ ଦୃଢ କାର୍ଯ୍ୟନୁଷ୍ଠାନ ଗ୍ରହଣ କଲେ ଅନ୍ୟ କୌଣସି ପୋଲିସଅଧିକାରୀ ଏପରି କରିବାକୁ ସାହସ କରିବ ନାହିଁ ବୋଲି କିଛି ବୁଦ୍ଧିଜୀବୀ କହୁଥିବାର ଶୁଣିବାକୁ ମିଳିଛି |