Odisha Janamata : ଖଲ୍ଲିକୋଟ ପୋଲିସ ଦ୍ୱାରା ଧରାପଡ଼ିଲେ ଅନ୍ତଜିଲ୍ଲା ଲାପଟପ ଚୋର ଗେଙ୍ଗ |

ଖଲ୍ଲିକୋଟ ପୋଲିସ ଦ୍ୱାରା ଧରାପଡ଼ିଲେ ଅନ୍ତଜିଲ୍ଲା ଲାପଟପ ଚୋର ଗେଙ୍ଗ |

03-Mar-2026

ଅନ୍ତଃ ଜିଲ୍ଲା ଲାପଟପ ଚୋରକୁ କାବୁକଲା ଖଲ୍ଲିକୋଟ ପୋଲିସ |

ଓଡିଶା ଜନ ମତ ବ୍ୟୁରୋ,

ଚୋର ଭିତରେ ଲାପଟପ ଚୋର ତାହାପୁଣି ବିଭିନ୍ନ ଜିଲ୍ଲାରୁ ଲୋକମାନଙ୍କ ଘରେ ପଶି ଏକ ଲୁଟେରା ଗେଙ୍ଗ ଚୋରି କରୁଥିଲେ | ତେବେ ଚୋର ଘର ସବୁବେଳେ ଅନ୍ଧାର ନଥାଏ | ଦିନେ ନା ଦିନେ ପୋଲିସ ହାତରେ ଧରା ପଡିଥାଏ | ସେହିପରି ଖଲ୍ଲିକୋଟ ଥାନା ପୋଲିସ ଏକ ଆନ୍ତଃ ଜିଲ୍ଲା ଲାପଟପ ଚୋରକୁ ଗିରଫ କରି ତାଠାରୁ ୯ ଗୋଟି ମୂଲ୍ୟବାନ ଲାପଟପ ସହ ଏକ ହୋଣ୍ଡା ଆକ୍ଟିଭା ଗାଡିକୁ ଜବତ କରିବା ସହ ଖଲ୍ଲିକୋଟ ଥାନା ପରିସରରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି। ଗଣ ମାଧ୍ୟମକୁ ସୂଚନା ଦେଇ ଛତ୍ରପୁର ଏସ ଡି ପି ଓ ଚନ୍ଦନ କୁମାର ଘଡ଼ାଇ ଗତ ୧୨/୦୨/୨୦୨୬ ଦିନ ଖଲ୍ଲିକୋଟ ଥାନା ଅନ୍ତର୍ଗତ ଲଙ୍ଗଳେଶ୍ୱର ଗ୍ରାମ ସତ୍ୟବ୍ରତ ଦଳାଇଙ୍କ ଘରେ କେହି ନଥିବାର ସୁଯୋଗ ନେଇ ଦିବା ୯ ଘଟିକା ସମୟରେ ତାଙ୍କ ଘରେ ଥିବା ଏକ ଏଚ ପି ଲାପଟପ,ଇୟାର ଫୋନ, ୱାଚ ଓ ୱାଲେଟ ଚୋରି ହୋଇ ଥିଲା । ଏ ନେଇ ଏକ ଏତେଲା ଭେଜିଫୁଟ ଫାଣ୍ଡିରେ ଦାଖଲ କରିବା ପରେ ପୋଲିସ ୧୧୧ /୨୬ କେସ ଅନୁସାରେ ଏକ ମାମଲା ରୁଜୁ କରି ଏସ ଡି ପି ଓ ଚନ୍ଦନ ଘଡାଇଙ୍କ ତତ୍ୱାବଧାନରେ ଥାନା ଅଧିକାରୀ ରମେଶ କୁମାର ପ୍ରଧାନ, ଭେଜିଫୁଟ ଫାଣ୍ଡି ଅଧିକାରୀ ଦେବାଶିଷ ମିଶ୍ର ,ଏ ଏସ ଆଇ ଅଭିମନ୍ୟୁ ପାଣ୍ଡେ ,କନେଷ୍ଟବଳ ଧର୍ମେନ୍ଦ୍ର ରେଡ୍ଡୀଙ୍କୁ ନେଇ ଏକ ଟିମ ଗଠନ କରି ବିଭିନ୍ନ ସ୍ଥାନ ଉପରେ ଚଢ଼ାଉ କରି ସି ସି ଟି ଭି ଓ ହିନ୍ଦୁସ୍ତାନ ଇଣ୍ଟେଲିଜେନସି ଓ ଟେକ୍ନିକାଲ ଇଣ୍ଟେଲିଜେନସିକୁ ବ୍ୟବହାର କରି ସାନ୍ଦିଗ୍ଧ ଅପରାଧୀଙ୍କୁ ଠାବ କରିବା ପାଇଁ ପ୍ରୟାସ କରିଵା ପରେ କବିସୂର୍ଯ୍ୟନଗର ଥାନା ଅନ୍ତର୍ଗତ ଘୋଡାପଲାଣ ଗ୍ରାମର ମେଘନାଦ ଦାସ ଓ ଆଲୋକ ସାହୁ ଏକ ଚୋରା ହୋଣ୍ଡା ଅକ୍ଟିଭା ଗାଡି ବ୍ୟବହାର କରି ଗଞ୍ଜାମ ,ଖୋର୍ଦ୍ଧା ,ନୟାଗଡ଼, କଟକ ଓ ଢେଙ୍କାନାଳ ପଭୃତି ଜିଲ୍ଲା ମାନଙ୍କରେ ଘରେ ପଶି ଲାପଟପ ଗୁଡିକୁ ଚୋରି କରି ବଜାରରେ ବିକୁଥିଲେ । ପୋଲିସ କୌଣସି ଦୂତ୍ରରୁ ଖବର ପାଇ କବିସୂର୍ଯ୍ୟନଗର ଥାନା ଘୋଡା ପୋଲାଣ ଗ୍ରାମରେ ଚଢ଼ାଉ କରି ମେଘନାଦ ଦାସଙ୍କୁ ଧରିବା ସହ ତା ଠାରୁ ଏକ ହୋଣ୍ଡା ଆକ୍ଟିଭା ଗାଡି ସମେତ ଏପଲ, ଏଚ ପି, ମୋଟରଲା, ଲେନେଭୋ ଭଳି ୯ ଗୋଟି ମୂଲ୍ୟବାନ ଲାପଟପ ଓ ଟ୍ୟାବକୁ ଜବତ କରିବା ସହ ମେଘନାଦ ଦାସକୁ ଗିରଫ କରିଥିବା ବେଳେ ଆଲୋକ ସାହୁ ଫେରାର ହୋଇ ଯାଇଥିବା ପୋଲିସ ସୂତ୍ରରୁ ଜଣାପଡିଛି। ଜବତ ହୋଇଥିବା ଗାଡିକୁ ତାର ମାଲିକ ଦୀପିକା ରାୟ ନାମକ ଜଣେ ମହିଳାଙ୍କୁ ଥାନା ଅଧିକାରୀ ଶ୍ରୀ ପ୍ରଧାନ ଚାବି ପ୍ରଦାନ କରିଥିଲେ ଓ ଲଙ୍ଗଳେଶ୍ବର ଗ୍ରାମର ଅଭିଯୋଗକାରୀ ସତ୍ୟବ୍ରତ ଦଳେଇଙ୍କ ଭାଇ ପ୍ରିୟବ୍ରତ ଦଳେଇଙ୍କୁ ଗୋଟିଏ ଲାପଟପ ପ୍ରଦାନ କରିଥିଲେ। ଏବଂ ଏହି ଭଳି ଯେଉଁ ବ୍ୟକ୍ତି ମାନଙ୍କର ଲାପଟପ୍ ଚୋରି ଯାଇଛି ସେହି ବ୍ୟକ୍ତି ଖଲ୍ଲିକୋଟ ଥାନାରେ ଯୋଗା ଯୋଗ କରିପାରିବେ ବୋଲି ଏସ ଡି ପି ଓ ଚନ୍ଦନ କୁମାର ଘଡ଼ାଇ ସାମ୍ବାଦିକ ସମ୍ମଳନୀରେ ପ୍ରକାଶ କରିଥିଲେ|