Odisha Janamata : ହାଇୱା ଧକ୍କାରେ ଯୁବକ ଗୁରୁତର

ହାଇୱା ଧକ୍କାରେ ଯୁବକ ଗୁରୁତର

23-Feb-2026

ରାଜ ସୁନାଖଳା ନିକଟରେ ହାଇୱା ଧକ୍କାରେ ଯୁବକ ଗୁରୁତର:

ଓଡିଶା ଜନ ମତ ବ୍ୟୁରୋ,

ନୟାଗଡ଼ ଜିଲ୍ଳାର ବିଭିନ୍ନ ସ୍ଥାନରେ ହାଇୱା ଧକ୍କାରେ ଲୋକଙ୍କ ଜୀବନ ହାନୀ ହେବା ସହ ଗୁରୁତର ହେବାର ଘଟଣା ବଢ଼ି ଚାଲିଛି | ଆଜ ଗୋଟି ହାଇୱ ଧକ୍କାରେ ଜଣେ ଗୁରୁତର ହୋଇ ମେଡିକାଲ ରେ ଚିକିତ୍ସା ହେଉଥିଲ ବେଳେ, ପୂର୍ବରୁ କିଛିଦିନ ତଳେ , ନୟାଗଡ଼ ଜିଲ୍ଲା ରଣପୁର ବ୍ଲକ ଅନ୍ତର୍ଗତ ରାଜସୁନାଖଳାରେ ହାଇୱା ଧକ୍କାରେ ଜଣେ ମହିଳାଙ୍କର ମୃତ୍ୟୁ ଘଟି ଥିବା ବେଳେ ସୋମବାର ଦିନ ଅପରାହ୍ନ ସମୟରେ ରାଜସୁନାଖଳା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ନିକଟରେ ହାଇୱା ଧକ୍କାରେ ଜଣେ ଯୁବକ ଗୁରୁତର ହୋଇ ଥିବାର ଦେଖିବାକୁ ମିଳିଛି। ଯୁବକ ଜଣଙ୍କ ହେଉଛନ୍ତି ବଧିପାଟଣା ଗ୍ରାମର ଜ୍ଞାନ ରଞ୍ଜନ ସାହୁ (୩୨)ବୟସ । ଯୁବକ ଜଣଙ୍କ ନିଜ ଗ୍ରାମକୁ ଯାଉଥିବାବେଳେ ବିପରୀତ ପାର୍ଶ୍ବରୁ ଆସୁ ଥିବା ଏକ ହାଇୱା ଗାଡ଼ି ନମ୍ବର ଓ ଡି ୦୭ ବି ଏ ୦୧୪୪ ଯୁବକକୁ ଧକ୍କା ଦେଇ ଥିଲା । ଫଳରେ ଯୁବକ ଜଣଙ୍କ ଗୁରୁତର ହୋଇ ପଡ଼ି ଥିଲେ । ସ୍ଥାନୀୟ ଲୋକମାନେ ଯୁବକକୁ ଉଦ୍ଧାର କରି ପ୍ରଥମେ ରାଜସୁନାଖଳା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ସେଠାରେ ଅବସ୍ଥା ଗୁରୁତର ହେବାରୁ ଡାକ୍ତର ତାଙ୍କୁ ଭୁବନେଶ୍ୱରକୁ ସ୍ଥାନାନ୍ତରିତ କରିଛନ୍ତି। ରାଜସୁନାଖଳା ଫାଣ୍ଡି ଅଧିକାରୀ ରମେଶ ଚନ୍ଦ୍ର ଜେନା ଓ ଫାଣ୍ଡି ପୋଲିସ ଗାଡ଼ିକୁ ଜବତ କରିଛନ୍ତି ।