Odisha Janamata : ହଜି ଯାଇଥିବା 3 ବର୍ଷର ଝିଅକୁ 24ଘଣ୍ଟାରେ ଉଦ୍ଧାର କଲା ତୁମୁଡିବନ୍ଧ ପୋଲିସ |

ହଜି ଯାଇଥିବା 3 ବର୍ଷର ଝିଅକୁ 24ଘଣ୍ଟାରେ ଉଦ୍ଧାର କଲା ତୁମୁଡିବନ୍ଧ ପୋଲିସ |

01-Feb-2026

ନିଜ ଘର ବାରଣ୍ଡାରୁ ଅପହରଣ ହୋଇଥିବା 3ବର୍ଷ ର ଝିଅକୁ 24 ଘଣ୍ଟା ମଧ୍ୟରେ ଉଦ୍ଧାର କଲା ତୁମୁଡିବନ୍ଧ ପୋଲିସ |

ଓଡିଶା ଜନ ମତ ବ୍ୟୁରୋ,

ପୋଲିସ ହେଵତ ଏମିତି, ଏହିଭଳି ଏକମହତ ଉଦ୍ୟମ କାର୍ଯ୍ୟକୁ ପ୍ରଶଂସା କରିଛନ୍ତି ସମସ୍ତେ |ନିଖୋଜ ସାଢେ ତିନି ବର୍ଷ ର ଝିଅ କୁ ଚବିଶି ଘଣ୍ଟା ମଧ୍ୟରେ ସୁରକ୍ଷିତ ଭାବେ ଉଦ୍ଧାର କରି ବାରେ ସକ୍ଷମ ହୋଇଛି ତୁମୁଡିବନ୍ଧ ପୋଲିସ। ତୁମୁଡିବନ୍ଧ ଥାନାରେ ଶିଶୁ କନ୍ୟା ନିଖୋଜ ନେଇ ଅଭିଯୋଗ ଆସିବା ସାଙ୍ଗେ ସାଙ୍ଗେ ହିଁ ଘଟଣା ର ଛାନଭିନ ଆରମ୍ଭକରିଥିଲେ ବାଲିଗୁଡା ଏସଡ଼ିପିଓ ଶୁଭମ ଭୋସଲେ। କନ୍ଧମାଳ ଜିଲ୍ଲା ତୁମୁଡି ବନ୍ଧ ଥାନା ମାଦାଗୁଡା ପଂଚାୟତ ର ଝରି ଘାଟ ଗାଁ ମାଣ୍ଡିଆପଦର ଅଂଚଳ ର ଜଣେ ଶିଶୁ । କନ୍ୟା ନିଖୋଜ ହୋଇଥିବା ନେଇଥାନା ରେ ଅଭିଯୋଗ ହୋଇଥିଲା | ମାଣ୍ଡିଆ ପଦର ଗାଁର ସୁନୀଲ ବଡ଼ମାଝିଙ୍କ ସାଢେ ତିନି ବର୍ଷ ର ଝିଅ ସ୍ଵପ୍ନା ଘର ଅଗଣା ରେ ଖେଳୁଥିବା ବେଳେ କେହି ଅପହରଣ କରି ନେଇଥିବା ପରିବାର ଲୋକ ସନ୍ଦେହ କରିଥିଲେ। ଜଙ୍ଗଲ କୁ ସୁନୀଲ ଓ ତାଙ୍କ ସ୍ତ୍ରୀ ଯାଇଥିବା ସମୟରେ ଏପରି ଅଘଟଣ ଘଟିଥ‌ିବା ଅଭିଯୋଗ ହୋଇଥିଲା। ବାଲିଗୁଡା ଏସଡ଼ିପିଓ ଶୁଭମ ଭୋସଲେଙ୍କ ସମେତ ତୁମୁଡିବନ୍ଧ ଥାନା ଅଧିକାରୀ ଶୁଭ୍ରଜିତ ସାମନ୍ତରାୟ ଓ କ. ନୂଆଗାଁ ଥାନା ଅଧିକାରୀ ଆଶୁତୋଷ ଜେନା ଘଟଣା –
ସ୍ଥଳରେ ପହଂଚି ଶିଶୁ କନ୍ୟା କୁ ଉଦ୍ଧାର ପାଇଁ ତଦନ୍ତ ଜାରୀ ରଖୁଥିଲେ। ଘଟଣା ର ଛାନଭିନ୍ ବେଳେ ପଡୋଶୀ ଖଣ୍ଡିଆଗୁଡା ଗାଁରୁ ଜଣେ ବ୍ୟକ୍ତିଙ୍କ ଘରୁ ସୁରକ୍ଷିତ ଭାବେ ଉଦ୍ଧାର କରାଯାଇ ଶିଶୁ କନ୍ୟା କୁ ପରିବାର ଲୋକଙ୍କୁ ହସ୍ତାନ୍ତର କରିଛି ପୋଲିସ। ତେବେ ବାପା ମା’ଙ୍କ ପାଖକୁ ଯାଉଥିବା ସମୟରେ ବାଟ ଭୁଲି ଯାଇଥିବା ବେଳେ ଜଣେ ବ୍ୟକ୍ତି ଶିଶୁ କନ୍ୟାକୁ ସୁରକ୍ଷିତ ଭାବେ ପାଖରେ ରଖୁଥ‌ିବା ସ୍ପଷ୍ଟ କରିଛି ପୋଲିସ । ତେବେ ନିଖୋଜ ସାଢେ ତିନି ବର୍ଷ ର ଶିଶୁକୁ ଫେରି ପାଇ ପୋଲିସ କୁ କୃତଜ୍ଞତା ଜଣାଇଛନ୍ତି ପରିବାର ଓ ଅଂଚଳବାସୀ |