Odisha Janamata : ମାଲକାନଗିରି ଜିଲାରେ ପୋଲିସ ମାଓ ବାଦୀ ଏନକାଉଣ୍ଟ ର ଦୁଇ ନକ୍ସଲ ନିହତ |

ମାଲକାନଗିରି ଜିଲାରେ ପୋଲିସ ମାଓ ବାଦୀ ଏନକାଉଣ୍ଟ ର ଦୁଇ ନକ୍ସଲ ନିହତ |

30-Jan-2026

ଏକେ– ୪୭ ସହ ବିସ୍ଫୋରକ ଜବତ, ମାଓ ବାଦୀଙ୍କୁପୋଲିସ ର କଡା ଜବାବ,

ଓଡିଶା ଜନ ମତ ବ୍ୟୁରୋ,

ପୁଣି ମାଓବାଦୀ ମାନଙ୍କୁ କଡା ଜବାବ ଦେଇଛି ଓଡିଶା ପୋଲିସ | ତାହାପୁଣି ହେଉଛି ମାଲକାନାଗିରି ଜିଲ୍ଲା ସୀମାନ୍ତ ଛତିଶଗଡର ବିଜାପୁର ଜିଲ୍ଲାରେ | ପୁଣି ନକ୍ସଲ ଏବଂ ପୁଲିସ ମୁହାଁମୁହିଁ ହୋଇଛନ୍ତି । ଏହି ଗୁଳିବିନିମୟରେ ୨ ଜଣ ନକ୍ସଲ ନିହତ ହୋଇଥିବା ବେଳେ ଏକେ-୪୭ ବନ୍ଧୁକ – ସହ ମାଓ ସାମଗ୍ରୀ ଜବତ କରାଯାଇଛି |ମିଳିଥିବା ସୂଚନା ଅନୁଯାୟୀ ବିଶେଷ - ସୂତ୍ରରୁ ଖବର ପାଇ ବିଜାପୁର ଜିଲ୍ଲା ପୁଲିସ ଏବଂ ଡିଆରଜି ଯବାନ ଜିଲ୍ଲାର – ଦକ୍ଷିଣ ବସ୍ତର ଅଂଚଳକୁ ସର୍ଚ୍ଚ ଅପରେସନ ପାଇଁ ବାହାରିଥିଲେ । ସକାଳୁ ତେଲେଙ୍ଗାନା ଏବଂ ବିଜାପୁର ଜିଲ୍ଲାର ଅଭୟାରଣ୍ୟରେ ନକ୍ସଲ ଯବାନଙ୍କୁ ଦେଖି ଅତର୍କିତ ଗୁଳି ଚଳାଇଥିଲେ । ଦୁଇ ପଟୁ ଦୀର୍ଘ ସମୟ ଧରି ଗୁଳିବିନିମୟ ଘଟିଥିବା ଜଣାପଡିଛି |ଯବାନ ଘଟଣାସ୍ଥଳରେ ସର୍ଚ୍ଚ ଅପରେସନ କରୁଥିବା ବେଳେ ୨ ଜଣ ମାଓବାଦୀଙ୍କ ଶବ ଉଦ୍ଧାର କରିଥିବା ଜଣାପଡିଛି । ଏଥିସହ ଏକେ-୪୭ ବନ୍ଧୁକ, ୯ ଏମଏମ ପିସ୍ତର ସହ ବିପୁଳ ପରିମାଣର ବିସ୍ଫୋରକ ଓ ମାଓ ସାମଗ୍ରୀ ଜବତ କରିଥିବା ଜଣାପଡିଛି । ଜଂଗଲରେ ରହି ରହି ଏବେ ବି ଗୁଳିବିନିମୟ ଘଟୁଥୁବାରୁ ଯବାନ ଫେରିବା ପରେ ହିଁ ଏହି ଗୁଳିବିନିମୟରେ କେତେ ନକ୍ସଲ ମୃତାହତ ହେଲେ କୁହାଯାଇପାରିବ|ତେବେ ଏନକାଉଣ୍ଟରରେ ୨ ନକ୍ସଲ ନିହତ ବୋଲି ପୁଲିସ ସୂଚନା ଦେଇଛି ।