Odisha Janamata : ଖଲ୍ଲିକୋଟ ବ୍ଳକ ସ୍ତରୀୟ ବିଜ୍ଞାନ ପ୍ରଦର୍ଶନୀ ଅନୁଷ୍ଠିତ ||

ଖଲ୍ଲିକୋଟ ବ୍ଳକ ସ୍ତରୀୟ ବିଜ୍ଞାନ ପ୍ରଦର୍ଶନୀ ଅନୁଷ୍ଠିତ ||

20-Jan-2026

ଖଲ୍ଲିକୋଟ : ବ୍ଲକ୍ ସ୍ତରୀୟ ବିଜ୍ଞାନ ପ୍ରଦର୍ଶନୀ ଅନୁଷ୍ଠିତ,

ବିଜ୍ଞାନ ଭିତ୍ତିକ ପ୍ରକଳ୍ପ ପ୍ରଦର୍ଶନକୁ ଉଚ୍ଚ ପ୍ରଶଂସା,

ଓଡିଶା ଜନ ମତ ବ୍ୟୁରୋ,

ଖଲ୍ଲିକୋଟ ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ପକ୍ଷରୁ ସ୍ଥାନୀୟ ଶ୍ରୀ ମର୍ଦ୍ଦରାଜ ଉଚ୍ଚ ବିଦ୍ୟାଳୟ ପରିସରରେ ଏକ ଦିବସୀୟ ବିଜ୍ଞାନ ପ୍ରଦର୍ଶନୀ ଆନୁଷ୍ଠାନିକ ରୀତିରେ ଅନୁଷ୍ଠିତ ହୋଇଯାଇଛି । ଆୟୋଜିତ ପ୍ରଦର୍ଶନୀରେ ଉଭୟ ଉଚ୍ଚ ପ୍ରାଥମିକ ବିଦ୍ୟାଳୟ ଏବଂ ଉଚ୍ଚ ବିଦ୍ୟାଳୟ ମିଶି ୮୨ ଗୋଟି ବିଦ୍ୟାଳୟର ୮୩ଟି ବିଜ୍ଞାନ ଭିତ୍ତିକ ପ୍ରକଳ୍ପ ପ୍ରଦର୍ଶିତ ହୋଇଥିଲା । ଏହି ଅବସରରେ ଅନୁଷ୍ଠିତ ଉତ୍ସବରେ ବିଶିଷ୍ଟ ଶିକ୍ଷାବିତ୍ ତଥା ଖଲ୍ଲିକୋଟ ଗୋଷ୍ଠୀ ଶିକ୍ଷା ଅଧିକାରୀ ସତ୍ୟନାରାୟଣ ଦାସ ସଭାପତିତ୍ବ କରିଥିଲା ବେଳେ ଖଲ୍ଲିକୋଟ ବିଜ୍ଞାପିତ ଅଞ୍ଚଳ ପରିଷଦର କାର୍ଯ୍ୟନିର୍ବାହୀ ଅଧିକାରୀ ସନ୍ଦୀପ କୁମାର ଖାଡଙ୍ଗା ମୁଖ୍ୟ ଅତିଥି , ବି ଆର ସି ସି ସୁଶ୍ରୀ ସୁଷମା ଶବର, ବିଜ୍ଞାନ ଶିକ୍ଷୟିତ୍ରୀ ମେନେକା ଦେବୀ, ସହକାରୀ ଶିକ୍ଷୟିତ୍ରୀ ମଞ୍ଜୁବାଳା ସାହୁ ପ୍ରମୁଖ ସମ୍ମାନୀତ ଅତିଥି ରୂପେ ଯୋଗଦେଇ ବିଜ୍ଞାନ ପ୍ରତି ଛାତ୍ର ଛାତ୍ରୀଙ୍କ ଆଗ୍ରହ, ଅଭିନବ ପ୍ରକଳ୍ପ ପ୍ରସ୍ତୁତି, ସାମ୍ପ୍ରତିକ ସମୟର ଆବଶ୍ୟକତାକୁ ନେଇ ପ୍ରଗତି ପଥରେ ବିଜ୍ଞାନର କାର୍ଯ୍ୟକାରିତା , ସମାଜ ପ୍ରତି ସକାରାତ୍ମକ ବିଜ୍ଞାନ ମାନସିକତା ସମ୍ପର୍କରେ ବହୁମୂଲ୍ୟ ବକ୍ତବ୍ୟ ପ୍ରଦାନ କରିଥିଲେ । ପ୍ରଦର୍ଶିତ ପ୍ରଦର୍ଶନୀରେ କଞ୍ଚଣା ଉଚ୍ଚ ବିଦ୍ୟାଳୟର ଛାତ୍ରୀ ଅନୁଶ୍ରୀ ଘୋଷ ପ୍ରଥମ, ପି ଏମ୍ ଶ୍ରୀ ଉଚ୍ଚ ବିଦ୍ୟାଳୟର ଛାତ୍ରୀ ତନ୍ମୟୀ ପ୍ରଧାନ ଦ୍ୱିତୀୟ, ଓଡ଼ିଶା ଆଦର୍ଶ ବିଦ୍ୟାଳୟ, ଗଣ୍ଡାପଲ୍ଲୀର ଛାତ୍ରୀ ତେଜସ୍ଵିନୀ ପଣ୍ଡା ତୃତୀୟ ପୁରସ୍କାର ଲାଭ କରିଥିଲେ । ଉପସ୍ଥିତ ଅତିଥିମାନେ ଛାତ୍ରୀମାନଙ୍କୁ ପ୍ରମାଣ ପତ୍ର, ସିଲ୍ ଦେଇ ସମ୍ମାନିତ କରିଥିଲେ । ପ୍ରଦର୍ଶନୀରେ ଅଧ୍ୟାପକ ହେମନ୍ତ କୁମାର ପଟ୍ଟନାୟକ, ଗଜେନ୍ଦ୍ର କାଲୋ, ସୂର୍ଯ୍ୟ ଗୈ।ଡ ପ୍ରମୁଖ ବିଚାରପତି ଭାବେ ଯୋଗଦାନ କରିଥିଲେ । ଆୟୋଜିତ ପ୍ରଦର୍ଶନୀରେ ସି ଆର ସି ସି ଲିପନ ପଣ୍ଡା, କୃଷ୍ଣଚନ୍ଦ୍ର ପରିଡ଼ା, ଅନାଥ ବେହେରା, ପ୍ରମୋଦ କୁମାର ପ୍ରଧାନ, ନିରଞ୍ଜନ ସେଠୀ, ନିରଞ୍ଜନ ଗୁରୁ, ରାଜେନ୍ଦ୍ର ପ୍ରସାଦ ପଣ୍ଡା, ପବିତ୍ର କୁମାର ବେହେରା, ରବୀନ୍ଦ୍ର କୁମାର ନାୟକ, ଡକ୍ଟର ଦ୍ବାରିକାନାଥ ମହାରଣାଙ୍କ ସମେତ ମର୍ଦ୍ଦରାଜ ଉଚ୍ଚ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟିତ୍ରୀ, ବିଭିନ୍ନ ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ ପ୍ରମୁଖ ଉପସ୍ଥିତ ରହି ପ୍ରଦର୍ଶନୀ ପରିଚାଳନାରେ ସହଯୋଗ କରିଥିଲେ ‌।