Odisha Janamata : ପୁରୁଷୋତ୍ତମପୁର ବଡ଼ ବଜାର ସୁନାଦୋକାନ ରୁ ଚୋରି |

ପୁରୁଷୋତ୍ତମପୁର ବଡ଼ ବଜାର ସୁନାଦୋକାନ ରୁ ଚୋରି |

18-Jan-2026

ପୁରୁଷୋତ୍ତମପୁର ବଡ଼ ବଜାର ରେଏକ ସୁନା ଦୋକାନ ରୁ ଚୋରି,

ଓଡିଶା ଜନ ମତ ବ୍ୟୁରୋ,

ପୁରୁଷୋତ୍ତମପୁର ବିଜ୍ଞାପିତ ଅଞ୍ଚଳ ବଡବଜାରରୁ ଗତକାଲି ରାତ୍ରରେ ଚୋରମାନେ ଏକସୁନା, ରୁପା ଦୋକାନରେ ପଡ଼ିଥିବା ଉପର ଟିଣକୁ କାଟି ସେହି ଦୋକାନ ଭିତରେ ପଶି ତା ମଧ୍ୟରେ ଥିବା ସୁନା ରୁପା ଲୁଟି ନେଇଛନ୍ତି | ଲୁଟ ହୋଇ ଥିବା ବ୍ୟକ୍ତିଙ୍କ ଘର ଚାଙ୍ଗୁଡିଆପଦର ସାହିର ଏବଂ ତାଙ୍କ ନାମ ପ୍ରଶାନ୍ତ କୁମାର ନାୟକ ଅଟେ | ସକାଳେ ଯେତେବେଳେପ୍ରଶାନ୍ତ ଦୋକାନ ଖୋଲି ଭିତରେ ପଶିଥିଲେ, ସେଠାର ଦୃଶ୍ୟ ଦେଖି ତାଙ୍କର ହୋସ ଉଡି ଯାଇଥିଲା | ବିକ୍ଷିପ୍ତ ଭାବେ ଦୋକାନର ରୁପା ଓ ରସ ସାମାନ ଗୁଡିକ ପଡିଥିଲା | ଦୁର୍ବୃତ୍ତମାନେ ଲୁଟ୍ କରିଥିବା ସାମାନ ମଧ୍ୟରୁ ଶହେ ଗ୍ରାମରୁ ଅଧିକ ସୁନାଓ ୧ କେଜିରୁ ଅଧିକ ରୁପା ଅଳଙ୍କାର ଲୁଟ୍ ହୋଇଥ‌ିବା ନେଇ ଦୋକାନୀ ପୋଲିସରେ ଲିଖୂତ ଅଭି
ଯୋଗ କରିଛନ୍ତି। ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରିଛନ୍ତି | ଏହା ପୂର୍ବରୁ କିଛି ଦିନ ତଳେ ଏହି ପୁରୁଷୋତ୍ତମ
ପୁର ସହର ସ୍ଥିତ ଜଣେ ବ୍ୟକ୍ରି ରୁପା ଅଳଙ୍କାର ବିକିବାକୁ ବାଇକ ରେ ଯାଉଥିଲ ବେଳେ ତିନିଜଣ ବ୍ୟକ୍ତି ତାଙ୍କ ଠାରୁ କବିସୂର୍ଯ୍ୟ ନଗର ଥାନା ଅନ୍ତର୍ଗତ ଖଇର ପଲି ଗ୍ରାମ୍ୟ ରାସ୍ତାରୁ ପ୍ରାୟ 15 ଲକ୍ଷରୁ ଅଧିକ ଟଙ୍କାର ରୁପା ଅଳଙ୍କାର କୁ ଦୁର୍ବୁତ୍ତ ମାନେ ଲୁଟି ନେଇଥିଲେ | ସେଥିପାଇଁ ଯୁବକ ଜଣକ କବିସୂର୍ଯ୍ୟ ନଗର ଥାନାରେ ମଧ୍ୟ ଏତଲା ଦେଇଥିଲେ | ତେବେ ଦୁର୍ବୁତ୍ତ ମାନଙ୍କ ଟାର୍ଗେଟ ରେ ଏବେ ସୁନା ଦୋକାନୀ ଓ ଦୋକାନ କୁ ଟାର୍ଗେଟ ରେ ରଖି ଲୁଟ କରିଛନ୍ତି | ତେବେ ଚୋର କେତେ ଚାଲାକି ହେଲେ ମଧ୍ୟ ପୋଲିସ ଆଖିରୁ ସେମାନେ ଖସି ଯାଇପାରିବେ ନାହିଁ | ପୋଲିସ ସେମାନଙ୍କୁ ଅତିଶୀଘ୍ର ଗିରଫ କରିବ ବୋଲି ଦୁଇ ଥାନାର ପୋଲିସ କହିଛନ୍ତି |