Odisha Janamata : ଖଲ୍ଲିକୋଟ, ବୃହତ ନାମ ଲେଖା ଶିବିର ଅନୁଷ୍ଠିତ |

ଖଲ୍ଲିକୋଟ, ବୃହତ ନାମ ଲେଖା ଶିବିର ଅନୁଷ୍ଠିତ |

15-Jan-2026

ଖଲ୍ଲିକୋଟ: ବୃହତ୍ ନାମଲେଖା ଶିବିର ଅନୁଷ୍ଠିତ

୨୮ ଜଣ ଛାତ୍ରଛାତ୍ରୀଙ୍କ ନାମ ଲେଖାକୁ ନେଇ ଉତ୍ସାହ ପ୍ରକାଶ

ସମସ୍ତଙ୍କ ପାଇଁ ଶିକ୍ଷା ନିତାନ୍ତ ପ୍ରୟୋଜନ, ସାମଗ୍ରୀକ ଶିକ୍ଷାକୁ ସାର୍ବଜନୀନ କରିବା ଲକ୍ଷ୍ୟ ଆଭିମୁଖ୍ୟ ନେଇ ଏକ ବୃହତ୍ ନାମଲେଖା ଶିବିର ସମ୍ପ୍ରତି ଅଗ୍ରଣୀ ଶିକ୍ଷାନୁଷ୍ଠାନ ଶ୍ରୀ ମର୍ଦ୍ଦରାଜ ଉଚ୍ଚ ବିଦ୍ୟାଳୟ ଠାରେ ଅନୁଷ୍ଠିତ ହୋଇଯାଇଅଛି । ଗଞ୍ଜାମ ଜିଲ୍ଲାପାଳ ଭି. କୀର୍ତ୍ତି ଭାସନ୍ ତଥା ଶିକ୍ଷା ଜିଲ୍ଲା ଅଧିକାରୀ ଅଜୟ କୁମାର ପାତ୍ର, ଅତିରିକ୍ତ ଶିକ୍ଷା ଜିଲ୍ଲା ଅଧିକାରୀ ଶ୍ରୀମତୀ ପ୍ରଭାତୀ କୁମାରୀ ମହାପାତ୍ରଙ୍କ ନିର୍ଦ୍ଦେଶ କ୍ରମେ ଗୋଷ୍ଠୀ ଶିକ୍ଷା ଅଧିକାରୀ ସତ୍ୟନାରାୟଣ ଦାସଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଖଲ୍ଲିକୋଟ ବ୍ଲକରେ ଅଧାରୁ ପାଠ ଛାଡ଼ିଥିବା ବିଭିନ୍ନ କ୍ଲଷ୍ଟରର ୨୮ ଜଣ ଛାତ୍ରଛାତ୍ରୀଙ୍କୁ ରାଜ୍ୟ ମୁକ୍ତ ବିଦ୍ୟାଳୟ ପ୍ରତିଷ୍ଠାନ ପ୍ରାୟୋଜିତ ପାଠ୍ୟକ୍ରମରେ ନାମ ଲେଖା ଯାଇଅଛି । ୧୮ ବର୍ଷରୁ କମ୍ ୧୮ ଜଣ ଛାତ୍ରଛାତ୍ରୀଙ୍କୁ ଏସ ଆଇ ଓ ଏସରେ ଦଶମ ଶ୍ରେଣୀରେ ଏବଂ ୧୮ ବର୍ଷରୁ ଅଧିକ ୧୦ ଜଣ ଛାତ୍ରଛାତ୍ରୀଙ୍କୁ ଏନ୍ ଆଇ ଓ ଏସରେ ଯୁକ୍ତ ଦୁଇ ଶ୍ରେଣୀରେ ସିଧାସଳଖ ନାମଲେଖା ଯାଇଅଛି । ଏହି ଅବସରରେ ଏକ ସଚେତନତା ସଭା ଅନୁଷ୍ଠିତ ହୋଇଥିଲା । ଆୟୋଜିତ ଶିବିରରେ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ବି ଆର ସି ସି ସୁଷମା ଶବର, ଶ୍ରୀ ମର୍ଦ୍ଦରାଜ ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ଶିବାରାଣୀ ମଲ୍ଲିକା, ଅନୁଷ୍ଠାନର ସହକାରୀ ଶିକ୍ଷକ ଶିକ୍ଷୟିତ୍ରୀ, କିରାଣୀ ଶିଶିର କୁମାର ସି ଆର ସି ସି କୃଷ୍ଣଚନ୍ଦ୍ର ପରିଡ଼ା, ନିରଞ୍ଜନ ସେଠୀ, ଅନାଥ ବେହେରା, ପବନା ସ୍ୱାଇଁ, ପ୍ରଶାନ୍ତ କୁମାର ସେଠୀ, ପ୍ରକାଶ ଚନ୍ଦ୍ର ସେଠୀ, ସୁଶୀଲ କୁମାର ପଣ୍ଡା, ରାଜେନ୍ଦ୍ର ପ୍ରସାଦ ପଣ୍ଡା, ପ୍ରମୋଦ କୁମାର ପ୍ରଧାନ, ନିରଞ୍ଜନ ଗୁରୁ, ପ୍ରଜ୍ଞା କୁମାର ପଟ୍ଟନାୟକ, ପବିତ୍ର ବେହେରା, ଶୁଭେନ୍ଦୁ ରାଉତ, ଡକ୍ଟର ଦ୍ବାରିକାନାଥ ମହାରଣାଙ୍କ ସମେତ ବହୁ ଅଭିଭାବକ ଅଭିଭାବିକା ଯୋଗଦାନ କରିଥିଲେ ।