Odisha Janamata : ନୂଆବର୍ଷରୁ ପ୍ରଥମ ମହିଳା ଶାସନ ସଚିବ ହେବେ ଅନୁ ଗର୍ଗ |

ନୂଆବର୍ଷରୁ ପ୍ରଥମ ମହିଳା ଶାସନ ସଚିବ ହେବେ ଅନୁ ଗର୍ଗ |

25-Dec-2025

ଓଡିଶା ଇତିହାସ ରେ ପ୍ରଥମ, ନୁଆଁ ବର୍ଷରୁ ଅନୁ ଗର୍ଗହେବେ ମୁଖ୍ୟ ସଚିବ,

ଓଡିଶା ଜନ ମତ ବ୍ୟୁରୋ,

ଜଣେ ମହିଳା ସଚିବ ଭାବେ ଓଡ଼ିଶା ପ୍ରଶାସନିକସେବାରେ ଇତିହାସରେ ଆଜି ଏକ ନୂଆ ଅଧାୟ ଯୋଡ଼ି ହୋଇଛି । ରାଜ୍ୟର ପ୍ରଥମ ମହିଳା ଶାସନ ସଚିବ ସିଏସ୍) ହୋଇଛନ୍ତି ଅ ନୁ ଗର୍ଗ । ସେ ନୂଆବର୍ଷରୁ ଦାୟିତ୍ଵ ସମ୍ଭାଳିବେ। ଏନେଇ ସାଧାରଣ ପ୍ରଶାସନ ବିଭାଗ ପକ୍ଷରୁ ବୁଧବାର ବିଜ୍ଞପ୍ତି ପ୍ରକାଶ ପାଇଛି । ସେ ବର୍ତ୍ତମାନର ସିଏସ୍ ମନୋଜ ଆହୁଜାଙ୍କ ସ୍ଥାନ ନେଇଛନ୍ତି । । ଡିସେମ୍ବର ୩୧ ତାରିଖରେ ମନୋଜ ଆହୂଜାଙ୍କ କାର୍ଯ୍ୟକାଳ ଶେଷ ହେଉଛି । ତେଣୁ ନୂଆବର୍ଷରୁ ଅନୁ ଗର୍ଗ ଦାୟିତ୍ଵ ଗ୍ରହଣ କରିବେ । ୧୯୬୯ ମସିହା ମାର୍ଚ ୧ରେ ଉତ୍ତର ପ୍ରଦେଶର ଲକ୍ଷ୍ନୌରେ ଜନ୍ମ ଗ୍ରହଣ କରିଥିବା ଅନୁ ଗର୍ଗ ୧୯୯୧ ବ୍ୟାଚ କ୍ୟାଡରର ଆଇଏଏସ୍ । ବର୍ତ୍ତମାନ ସେ ଉନ୍ନୟନ କମିଶନର ଭାବେ କାର୍ଯ୍ୟ ସମ୍ପାଦନ କରୁଥିବାବେଳେ ଜଳ ସମ୍ପଦ ବିଭାଗ ଓ ଯୋଜନା ଓ ସଂଯୋଜନା ବିଭାଗ ତାଙ୍କ ଅଧୁନରେ ରହିଛି । ଏଥିପୂର୍ବରୁ ୧୯୯୨ରୁ ୨୦୦୩ ପର୍ଯ୍ୟନ୍ତ ଅନୁ ଗର୍ଗ ରାଜ୍ୟରବିଭିନ୍ନଜିଲ୍ଲାରେ ଏଡିଏମ୍ ଓ ଜିଲ୍ଲାପାଳ ଭାବେ କାର୍ଯ୍ୟ କରିଛନ୍ତି । ଏହାପରେ ସେ ଓଡ଼ିଶା ସରକାରଙ୍କ ସ୍ବାସ୍ଥ୍ୟ ବିଭାଗର କମିଶନର ଭାବେ ୨୦୦୮ରୁ ୨୦୧୨ ପର୍ଯ୍ୟନ୍ତ କାର୍ଯ୍ୟ କରିଥିଲେ । ସ୍ୱାସ୍ଥ୍ୟ, ମହିଳା ଓ ଶିଶୁ ବିକାଶ ଭଳି ଗୁରୁତ୍ଵପୂର୍ଣ ବିଭାଗର ସଚିବ ଭାବେ ନିଜର ଦକ୍ଷତା ପ୍ରତିପାଦିତ କରିଛନ୍ତି । ଜଣେ ମହିଳା ଶାସନ ସଚିବ ଭାବେ ସେ ନୁଆଁ ବର୍ଷ ଠାରୁ କାର୍ଯ୍ୟ ଭାର ସମ୍ଭାଳି ଜନସାଧରଣ ଙ୍କୁ ଉତ୍ତମ ସେବା ପ୍ରଦାନ କରିବେ ବୋଲି ଲୋକଙ୍କ ଭରଷା ରହିଛି |