Odisha Janamata : ବିସିଆଇ 19 ବର୍ଷ ରୁ କମ ଦଳରେ ସାମିଲ ହେଲେ ଶୁଭଲକ୍ଷ୍ମୀ |

ବିସିଆଇ 19 ବର୍ଷ ରୁ କମ ଦଳରେ ସାମିଲ ହେଲେ ଶୁଭଲକ୍ଷ୍ମୀ |

11-Dec-2025

ବିସିସିଆଇ ୧୯ ବର୍ଷରୁ କମ୍ ଦଳରେ ସାମିଲ ହେଲେ ଶୁଭ ଲକ୍ଷ୍ମୀ ,

ଓଡିଶା ଜନ ମତ ବ୍ୟୁରୋ,

ଭାରତୀୟ କ୍ରିକେଟ କଂଟ୍ରାଲବୋର୍ଡ ଡାକରାପାଇ ଆଗାମୀ ଅଭ୍ୟାସମ୍ୟାଚ ଖେଳିବାକୁ କେରଳ ଯାଇଛନ୍ତି ନୀଳଗିରି ବ୍ଲକ୍ ସିଆଡିମାଳ ଗ୍ରାମର ଆଦିବାସୀ ଝିଅ ଶୁଭଲକ୍ଷ୍ମୀ ସିଂ । ବଣମଲ୍ଲିର ସୁଗନ୍ଧ ମହକିଛି । ପ୍ରାଥମିକ ଶିକ୍ଷକ ଭାବେ କାର୍ଯ୍ୟରତ ବାବୁଲା ସିଂଙ୍କ ଏକମାତ୍ର ଝିଅର କ୍ରିକେଟପ୍ରତି ଦୁର୍ବଳତା ଦେଖ୍ ବାପା ଝିଅର ସ୍ୱପ୍ନକୁ ପୂରଣ କରିବାପାଇଁ ଘର ସମ୍ମୁଖସ୍ତ ମାଟିଗୁଡି ପଡିଆରେ ଅଭ୍ୟାସପାଇଁ ନିଜକୁ ସାମିଲ କରିବାସହିତ ଝିଅକୁ ଉତ୍ସାହିତ କରିଥିଲେ । ଧୀରେଧୀରେ ଜିଲ୍ଲାସ୍ତରରେ ଖେଳିବାର ସୁଯୋଗ ପାଇଥିଲେ । ପରେ ଓସିଏ ଆୟୋଜିତ ବିଭିନ୍ନ ପ୍ରତିଯୋଗିତାରେ ଅଂଶଗ୍ରହଣ କରି ନିଜର ଶ୍ରେଷ୍ଠ ପ୍ରତିପାଦନ କରି ଚୟନକର୍ତାଙ୍କ ଦୃଷ୍ଟି ଆକର୍ଷଣ କରିଥିଲେ । ଏବେ ବିସିସିଆଇ ଡାକରାପାଇ ଗତ ୯ ତାରିଖ ରେ କେରଳ ଯାଇଛନ୍ତି । ପାଂଚମ୍ୟାଚ୍ ବିଶିଷ୍ଟ ଏହି ଅଭ୍ୟାସ ମ୍ୟାଚରେ ପ୍ରଥମ ତିନୋଟି ମ୍ୟାଚପାଇଁ ଶୁଭଲକ୍ଷ୍ମୀ ମନୋନୀତ ହୋଇଥିବା ବେଳେ ପ୍ରଥମମ୍ୟାଚ ଚଳିତମାସ ୧୩ତାରିଖ ଗୁଜରାଟ, ୨ୟ ମ୍ୟାଚ୍ ଆସାମ ଏବଂ ତୃତୀୟ ମ୍ୟାଚ୍ ରାଜସ୍ଥାନ ସହିତ ଖେଳିବାର ସମ୍ଭାବନା ରହିଛି । ତେବେ ଚୟନକର୍ତା ଏବଂ କୋଚ୍ ଶୁଭଲକ୍ଷ୍ମୀର ଦକ୍ଷତାକୁ ଦେଖ୍ ତା’ର ସଠିକ୍ ବ୍ୟାଟିଂ ନିର୍ଦ୍ଧାରଣ କଲେ ସେ ତାର ଉପଯୁକ୍ତ ପ୍ରଦର୍ଶନ ଦେଖାଇ ପାରନ୍ତା । ତେଣୁ ଏଥିପ୍ରତି ବିସିସିଆଇ ଦୃଷ୍ଟିଦେବାକୁ ନୀଳଗିରି ଅଂଚଳର କ୍ରୀଡାପ୍ରେମୀଦାବି କରିଛନ୍ତି ||