Odisha Janamata : ଛତିଶ ଗଡ଼ ଜଗଦଳପୁର ରେ ଆତ୍ମ ସମର୍ପଣ କଲେ 208 ଜଣ ନକ୍ସଲ |

ଛତିଶ ଗଡ଼ ଜଗଦଳପୁର ରେ ଆତ୍ମ ସମର୍ପଣ କଲେ 208 ଜଣ ନକ୍ସଲ |

18-Oct-2025

୨୦୮ ଜଣ ନକ୍ସଲ ଜଗଦଳପୁର ରେ ଆତ୍ମ ସମର୍ପଣ କରିଛନ୍ତି ,

ଓଡିଶା ଜନ ମତ ବ୍ୟୁରୋ,

ଆଦିଲ୍ଲୀ,୧୭।୧୦: ଆଜି ଛତିଶଗଡ ର ଜଗଦଳ ପୁରରେ ଆତ୍ମସମର୍ପଣ କରିଛନ୍ତି 208 ଜଣ ନକ୍ସଲ । ଛତିଶଗଡ ମୁଖ୍ୟମନ୍ତ୍ରୀ ବିଷ୍ଣୁ ଦେବ ସାଏ, ଉପମୁଖ୍ୟମନ୍ତ୍ରୀ ଓ ପୁଲିସ ଡିଜିଙ୍କ ଉପସ୍ଥିତିରେ ସିପିଆଇ ମାଓବାଦୀ ସେଣ୍ଟ୍ରାଲ କମିଟି ମେମ୍ବର ରୁପେଶ ନେତୃତ୍ବରେ ନକ୍ସଲମାନେ ଆତ୍ମସମର୍ପଣ କରିଥିବା ସୂଚନା ମିଳିଛି । ୧୫୩ଟି ମାରଣାସ୍ତ୍ର ସହ ଆତ୍ମସମର୍ପଣ କରିବାକୁ ପହଞ୍ଚିଥିଲେ ମାଓବାଦୀ । ଅସ୍ତ୍ରଶସ୍ତ୍ର ଛାଡି ସମାଜର ମୁଖ୍ୟ ସ୍ରୋତରେ ସାମିଲ ହେବାକୁ ସରକାରଙ୍କ ପକ୍ଷରୁ ଦିଆଯାଇଥିବା ଆହ୍ବାନକୁ ମାଓବାଦୀ ମାନେ ଗ୍ରହଣ କରି ଆତ୍ମସମର୍ପଣ କରୁଛନ୍ତି । ଦଣ୍ଡକାରଣ୍ୟ ଡିଭିଜନ ସଦସ୍ୟ ଭାସ୍କର ସହ ସାଥୀ ନକ୍ସଲମାନେ ଆତ୍ମସମର୍ପଣ ପାଇଁ ନଦୀ ଜଙ୍ଗଲ ରାସ୍ତା ପାର ହୋଇ ପହଞ୍ଚିଥିଲେ । ଇନ୍ଦ୍ରାବତୀ ଡିଭିଜନ ଓ ମାଦ ଡିଭିଜନର ନକ୍ସଲ ଆତ୍ମସମର୍ପଣ ପାଇଁ ଇନ୍ଦ୍ରାବତୀ ନଦୀ ଡେଇଁ ଚାଲି ଚାଲି ଯାଉଥିବା ବେଳେ ସେମାନଙ୍କୁ ପୁଲିସ ଓ ବିଏସଏଫ୍ ପକ୍ଷରୁ ସୁରକ୍ଷା ଯୋଗାଇ ଦିଆଯାଇଥିଲା ।_