Odisha Janamata : ସୁନ୍ଦରୀ ବେହେରା ଙ୍କ ପ୍ରଥମ ଶ୍ରାଦ୍ଧ ବାର୍ଷିକୀ ଅନୁଷ୍ଠିତ |

ସୁନ୍ଦରୀ ବେହେରା ଙ୍କ ପ୍ରଥମ ଶ୍ରାଦ୍ଧ ବାର୍ଷିକୀ ଅନୁଷ୍ଠିତ |

01-Jun-2025

ସୁନ୍ଦରୀ ବେହେରାଙ୍କ ପ୍ରଥମ ଶ୍ରାଦ୍ଧ ବାର୍ଷିକୋତ୍ସବରେ ବହୁ ବିଭିନ୍ନ ବର୍ଗର ବ୍ୟକ୍ତିମାନଙ୍କ ଭାବପୂର୍ଣ୍ଣ ଶ୍ରଦ୍ଧାଞ୍ଜଳୀ।
ଓଡ଼ିଶା ଜନମତ, ପୋଲସରା, ସନ୍ତୋଷ କୁମାର ପଣ୍ଡା
ତା.୩୧/୦୫/୨୦୨୫:

ପୂର୍ବ ଜଗନ୍ନାଥ ପ୍ରସାଦ ନିର୍ବାଚନ ମଣ୍ଡଳୀର ପୂର୍ବତନ ବିଧାୟକ ତଥା ବରିଷ୍ଠ ଆଇନଜୀବୀ ସିମାଞ୍ଚଳ ବେହେରାଙ୍କ ମାତା ସ୍ଵର୍ଗତ ସୁନ୍ଦରୀ ବେହେରା ଗତବର୍ଷ ୮୪ ବର୍ଷରେ ସ୍ଵର୍ଗାରୋହଣ କରିଥିଲେ। ତାଙ୍କ ସ୍ମୃତିରେ ଆଜି ପୋଲସରା ରାଣୀପଡା ସ୍ଥିତ ବାସ ଭବନରେ ପରିବାର ତରଫରୁ ଏକ ଶ୍ରଦ୍ଧାଞ୍ଜଳୀ ସଭାର ଆୟୋଜନ କରାଯାଇଥିଲା।ଏହି ଯଥାବିଧି ପାଳନ କାର୍ଯ୍ୟକ୍ରମରେ
ବହୁ ବିଶିଷ୍ଠ ବ୍ୟକ୍ତିବିଶେଷଙ୍କ ସମେତ ଆଇନଜୀବୀ, ସାମ୍ବାଦିକ, ଅଧ୍ୟାପକ, ଅଧ୍ୟାପିକ, ଶିକ୍ଷାବିତ୍, ସ୍ଵେଚ୍ଛାସେବୀ ଏଵଂ ସମାଜସେବୀଗଣ ଯୋଗଦେଇ ସ୍ଵର୍ଗତଙ୍କ ଫଟୋଚିତ୍ରରେ ଭକ୍ତିପୂତ ଭାବେ ଗଭୀର ଶ୍ରଦ୍ଧାଞ୍ଜଳୀ ଅର୍ପଣ କରିବାସହ ଶୋକସନ୍ତପ୍ତ ପରିବାର ବର୍ଗଙ୍କୁ ଗଭୀର ସମବେଦନା ଜଣାଇଥିଲେ। ଏହି ଅବସର ଆତ୍ମାର ଶାନ୍ତିପାଇଁ ନିରବ ପ୍ରାର୍ଥନା କରାଯାଇଥିଲା।